Frjáls verslun - 01.04.2004, Blaðsíða 43
SAGAN BAK Vlfl HERFERÐINA
skemmtileg og lífleg persónugerving á svona „súper" þjón-
ustufulltrúa," segir Elísabet.
GÓð Útkoma „Við fengum nýlega í hendur könnun sem
gerð var á vegum ParX, viðskiptaráðgjöf IBM. Þar kom í ljós
að 94% þeirra sem voru spurðir höfðu séð auglýsingarnar,
78,3% sem vissu hver var að auglýsa auk þess sem herferðin
fékk mjög góða einkunn,“ segir Ragnar Gunnarsson,
verkefnastjóri hjá Fíton. „Þetta þykir mjög góður árangur þar
sem margar auglýsingar fara framhjá neytendum án þess að
eftir þeim sé tekið eða að fólk viti hver er að auglýsa. Þar að
auki er ljóst að salan á tryggingunum hefur gengið mjög vel.
Við sendum út markpóst sem fólk svaraði og ótrúlega
margir sendu til baka skemmtilegar athugasemdir og skila-
boð til Jóhönnu Edwalds þjónustufulltrúa. Fólk hefur jafnvel
komið í bankann og spurt sérstaklega um hana og viljað
spjalla við hana.“
Hugmyndalræðin Mörgum þykir þessi hugmyndafræði
heldur glannaleg og ekki í takt við það sem almennt er gert.
Bankar eru virðulegar stofnanir og auglýsa gjarnan á háttvísu
nótunum. Það hlýtur að vakna spurning um það hvort
viðskiptavinir taki þetta nógu alvarlega og telji bankann
traustsins verðan?
„Markmiðið var að vekja athygli á þjónustunni, þ.e. banki og
tryggingar á einum stað,“ segir Elísabet. „Við vildum breyta til
og ákváðum að fara þessa leið og minna á þjónustuna með
þessum hætti - það hefur ekki verið gert áður og oftast minna
bankar og ijármálaiyrirtæki á starfsemi sína með frekar alvar-
legum hætti. Við höfum ekki látið mæla ímyndina eftir að
auglýsingarnar voru birtar, en hins vegar gerði rannsóknar-
íýrirtækið ParX könnun þar sem eftírtekt og vörumerkjavitund
mælist hærri en við höfum áður séð og það segir okkur að fólk
tekur eftír auglýsingunni. Einnig gengur ákaflega vel að selja
vöruna og það segir okkur í raun allt sem segja þarf.“
Ragnar tekur undir það og segir: „Hópurinn hér af
stofunni og markaðsstjórar bankans lágu lengi yfir þessu og
veltu á milli sín, en markmiðið var að koma þessari nýju þjón-
ustu, „Vild“, á framfæri á nýjan og ferskan hátt. Bankar eru
fastir í ákveðinni tegund auglýsinga en við vildum breyta til
þannig að eftir yrði tekið.“
StUtt Vinnuferli Þegar hugmyndin var komin var fljótlega
hafist handa við að finna leikara sem gæti gert þetta því auglýs-
ingarnar er þess eðlis að þær standa algerlega og falla með
frammistöðu leikarans. Halldóra Geirharðsdóttir kom strax
upp í hugann enda frábær grínleikkona. „Hún vann með okkur
í handritunum ásamt þeim Samúel og Gunnari hjá Spark.
Vinnsla auglýsinganna gekk hratt og vel eftír það enda stuttur
tími til stefnu því það lá í loftinu að samkeppnisaðilar væru að
vinna með svipaða vöru,“ segir Ragnar.
Upp úr stendur að auglýsingar sem vekja athygli á einhvern
hátt eru umtalaðar og um leið og einhver tekur eftír þeim er
markmiðinu náð. [B
Elísabet Sveinsdóttir, markaðsstjóri hjá íslandsbanka með
þjónustufulltrúann í baksýn.
Halla Helgadóttir og Ragnar Gunnarsson hugmyndasmiðir
herferðarinnar hjá Fíton.
43