Morgunn - 01.12.1964, Side 14

92
MORGUNN
Til eru þeir, sem fullyrða, að öll þessi fyrirbæri séu
tóm vitleysa, hjátrú og blekking og hafi aldrei átt sér
stað i raun og veru. Þessar raddir eru þó sifellt að verða
færri, enda er slíkt að berja höfðinu við steininn, og það
er engum hollt til iengdar. Aðrir eru þeir, sem að vísu
neita því ekki, að fyrirbærin gerist, en fullyrða, að þar
sé ekki að ræða um samband við framliðna, heldur synd-
samleg mök við illa anda, útsendara sjálfs foringja illu
andanna til þess að leiða sálirnar í eilífa glötun. Ég vona
að mér fyrirgefist, þótt ég leiði hjá mér að ræða við
slíka menn, enda mundi það enga þýðingu hafa, né held-
ur við hina, sem telja rannsóknir þessara mála öldungis
ólöglegt athæfi, þar sem skýrum stöfum sé bannað í Móse-
lögmáli að leita frétta af framliðnum. Ég mun því aðeins
ræða um þau andmæli gegn spiritismanum, sem þeir hafa
borið fram, sem kynnt hafa sér þessi mál og rannsakað
þau að einhverju leyti.
Því er haldið fram, að lýsingar miðla á hinu framliðna
fólki séu oft óljósar og óákveðnar, stundum beinlínis rang-
ar í veruiegum atriðum, og að sumir miðlar hafi bein-
línis orðið sannir að svikum og biekkingum. Þetta er rétt
svo iangt sem það nær. Og spiritistar hafa síður en svo
nokkra tilhneigingu til þess að draga fjöður yfir þessi
atriði eða gera lítið úr þeim. Þeir vita það vel, að allt
fúsk í þessum málum getur ekki orðið til annars en að
spilla fyrir spiritismanum, gera hann tortryggilegan í
margra augum og tefja réttmætan árangur rannsókn-
anna. Hins vegar eru þetta engin allsherjar rök gegn
raunveruleika hinna sálrænu fyrirbæra yfirleitt. Og eng-
inn sæmiiega gætinn vísindamaður lætur sér til hugar
koma, að þessi tiltölulega fáu tilfelli séu frambærileg rök
fyrir því, að öll miðlastarfsemi séu einber svik og lodd-
arabrögð. Það væri að fullyrða margfalt meira en for-
sendurnar gefa réttmætt tilefni til.
1 annan stað er því haldið fram, að ýmislegt, sem fram
hefur komið í rannsóknum á starfsemi undirvitundar-