Morgunn - 01.12.1964, Side 80

158
MORGUNN
hafði lokið morgunverkum sínum, fór hún að athuga pils-
ið. Leizt henni það góð flík og var ánægð með það. Heng-
ir hún það svo upp aftur, en ekki á sama stað, heldur við
höfuðgaflinn á rúmi sínu. En nú bregður svo við, að hún
getur ekki sofnað, finnst sér líða illa, án þess þó að gera
sér grein fyrir ástæðunni, því að ekki finnur hún til
verkja. Þegar liðið er langt fram á nótt, dettur henni
allt í einu pilsið í hug. Tekur hún það þá og leggur það
til fóta í rúm Jakobs; vill gjöra tilraun, hvort það hafi
áhrif á hann. Fer hún svo aftur upp í rúm sitt, og óðar
en hún hefur lagt höfuðið á koddann, er hún sofnuð og
sefur vært til morguns.
Þegar hún er nývöknuð, kemur Jakob inn frá morgun-
gegningum. Segist hann hafa farið snemma á fætur, því
hann hafi lítið geta sofið seinni part næturinnar. Guð-
rúnu fer nú fyrir alvöru að gruna, að þessi vanlíðan, sem
fólk hennar hefur orðið fyrir, kunni að vera á einhvern
hátt pilsinu að kenna. Á Gilsstöðum var portbyggð bað-
stofa. Tekur Guðrún nú pilsið, fer ofan með það og legg-
ur það á vefstól þar á gólfinu, beint niður undan rúmi
þeirra Jósefs og Lilju (þau voru húsmennskuhjón á heim-
ilinu). En næsta morgun kvartar Lilja undan því, að hún
hafi ekki getað sofið um nóttina fyrir sífelldu skrölti í
vefstólnum. Kveðst hún fyrst hafa haldið, að það væri
hundurinn á einhverju rölti, en þegar þetta skrölt hafi
varað alla nóttina, hafi hún þó farið að efast um, að svo
væri, enda hafi hann legið og sofið vært, þegar hún hafi
komið ofan. Guðrún segir þá frá, hvernig sér og sínu
fólki hafi liðið, þegar pilsið hafi verið nálægt því. Kemur
þeim konunum saman um, að Gunna Kokk muni hafa
verið að vitja um eigur sínar. En Jósef, sem var talsvert
hæðinn, fór nú að gera bitrasta háð að þeim fyrir hjátrú
þeirra og heimskulegar ímyndanir. Gramdist þeim spott
hans og háð. Svo þegar hann er kominn út, taka þær ráð
sín saman um að reyna að klekkja á honum og koma
honum á aðra skoðun. Taka þær því pilsið og hengja það