Morgunn - 01.12.1985, Blaðsíða 21

SR. KRISTINN DANIELSSON:
Sálarrannsóknir og sálfarir
Erindi flutt í Bjarnaneskirkju
13. ágúst 1939.
Kæru tilheyrendur.
,Ég verð að byrja með því að biðja yður fyrir fram að
afsaka, að erindi mitt verður öðruvísi, en orðið hefði, ef
ég hefði haft lengri undirbúningstíma.
En þegar mér í gærmorgun bárust tilmæli um, að ég
flytti erindi um það málefni, sem nokkuð er kunnugt, að
ég hef áhuga fyrir, sálarrannsóknamálið, þá þóttist ég
ekki mega láta það spyrjast, að ég skoraðist með öllu und-
an. Og því stend ég nú hér.
Ég styðst í þessu máli mínu við útlend rit, sem ég hafði
hingað með mér um þessi efni.
í einu þeirra segir mjög merkur og lærður sálarrann-
sóknamaður, dr. Cecil Maby, eitthvað á þessa leið:
Það eru ekki nema tiltölulega fáir menn, sem fyrir erfðir
eða atvik eða sérstaka köllun til þess, hafa raunverulega
áhuga á dýpstu rökum tilverunnar, í þessum heimi eða
öðrum. Slíkir menn eru helzt heimsspekingar, guðfræðing-
ar og spíritistar. En að því kemur þó fyrr eða seinna
annaðhvort um stund, þegar erfiðleika tímabil mæta, eða
varanlega, þegar meiri andlegum þroska er náð — að fyrir
oss öllum verða hinar æfagömlu spurningar: Er ég andleg
vera, ekki síður en líkamleg? Og ef svo er, hef ég þá
ódauðiega sál, sem mun lifa eftir líkamsdauðann?
f samanburði við þessa ráðgátu blikna og verða lítils-
virði öll önnur viðfangsefni tilverunnar. Því að ef vér
gjörum ráð fyrir, að vér séum hér ekki í neinum tilgangi,
MORGUNN
19