Morgunn - 01.12.1985, Blaðsíða 75

leika, að hinum megin á tunglinu kynni að vera asnakyn,
sem talaði ensku, en fáir mundu trúa á þann möguleika.
Nokkru eftir miðja fyrri öld ritaði Mill um rökin með og
móti því, að persónuleiki mannsins lifði dauðann. f hjarta
sínu mun hann hafa talið líkurnar til framhaldslífs hverf-
andi litlar, en það lætur hann vitanlega ekki hafa áhrif á
rökfærslu sína. Og á grundvelli rökfræðinnar einnar gerir
hann grein fyrir þvi, hvernig framhaldslífinu hljóti í
meginatriðum að vera háttað, ef það á annað borð eigi
sér stað. Það er merkilegt að þessar ályktanir hins skarp-
vitra manns áttu frásagnir framiiðinna eftir að staðfesta.
Þess erekki að vænta að ég, sem ekki er guðfræðingur,
sé víðlesinn í ritum guðfræðinnar um þetta efni. En nokk-
uð hef ég leitazt við að kynna mér, hvað hún hefði um það
að segja. Meðal hinna merkustu bóka, sem ég þekki um
það, og alls ekkert tillit taka til sálarrannsókna og spírit-
ísma, tel ég að sé sú, er fyrst kom út fyrir um það bil
fjörutíu árum, en síðan hefur komið í fjölmörgum útgáf-
um, og nefnist The Gospel of the Hereafter. Hún er eftir
nafntogaðan og ákaflega lærðan enskan kennimann, J.
Paterson Smyth. Vert er að geta þess, að allar bókaverzl-
anir munu útvega hana og a. m. k. ein hér i Reykjavík
hefur hana þegar á boðstólum. Verðið á henni er fjarska
lágt, 13 kr. 50 aurar, að mig minnir. Hún er lika til á
norsku (Evangeliet om det Hinsidige), í þýðingu eftir
Edward Hambro hæstaréttardómara, en hann þýddi með
aðstoð tveggja biskupa norskra. Bókin er alþýðlega skrif-
uð, á auðveldu máli, enda ætluð almenningi. 1 henni er
málið rætt frá flestum hliðum, einnig að því er til þess
kemur, sem á máli kirkjunnar hefur (máske í meðallagi
heppilega) verið nefnt umbun og refsing. Spíritisma og
sálarrannsókna getur hún að engu, en allar eru niðurstöð-
ur hennar hinar sömu og spíritisminn kennir, nema hvað
hún gerir ráð fyrir einum allsherjar dómi, þar sem allir
framliðnir fái í senn endanleg örlög sín ákveðin. Þá kenn-
ingu þekkjum við ofur vel, en ekki er mér kunnugt um að
MORGUNN
73