Bankablaðið - 01.12.1967, Qupperneq 28

ARI ARASON
bankafulltrúi
Ari Arason, starfsmaður í Landsbanka ís-
lands, andaðist 15. júlí s.l. eftir nokkra van-
heilsu ,liðlega sjötiu og fimm ára að aldri.
Hann var Skagfirðingur að ætt. Fæddur
18. marz 1892. Hér verður ekki rakinn ævi-
ferill hins látna, aðeins örfá kveðjuorð.
Ari réðist í þjónustu Landsbanka Islands
1. maí 1929 og starfaði þar á meðan dagur
var. Lengst af starfaði hann í víxladeild bank-
ans og var þar fulltrúi hin síðari ár. Þegar
aldurinn færðist yfir Ara og kom að því —
fyrir aldurssakir — að láta af störfum í víxla-
deildinni, tók hann að sér kvöldvörzlu í bank-
anum. Þrjú kvöld í viku stóð hann vakt allt
fram á síðasta ár, að heilsan bilaði.
Oll störf leysti Ari af mikilli vandvirkni.
Hann var vel látinn af starfsfólki og vel til
vina utan bankans sem innan. Ari var mikill
að vallarsýn og sópaði af honum hvar sem
hann fór. Starfsmaður var hann með afbrigð-
um. Má víða sjá handbrögð hans í snyrtileg-
um skrúðgörðum um alla borgina. Mun Ari
hafa notið sín bezt er hann eftir langan
vinnudag í bankanum, brá sér í útivinnu, til
snyrtingar og lagfæringar umhverfis hús ná-
grannanna, eða annarra eftir því sem verkast
vildi.
Ari var skemmtilegur heim að sækja. Atti
konan hans, Karitas Jónsdóttir, mikinn þátt
í að skapa ánægjulegt heimili, en hún er látin
fyrir nokkru. Eignuðust þau tvær dætur, sem
eru mikilsvirtir borgarar. Aldurinn bar Ari
vel og mun fæsta hafa grunað að hálf áttræð-
ur maður væri á ferð, þar sem hann var.
Við leiðarlok þakka samstarfsmenn Ara
vináttu og góð kynni. Minnast hans glaða
viðmóts, hvort sem það var í daglegu starfi
í bankanum, eða þegar barið var að dyrum
bankahússins, þegar kvöldvarzlan var hafin
og lyklavöldin voru hans.
Börnum og barnabörnum votmm við
samúð.
Náms- og kynnisfararstyrkir
Úthlutun á náms- og kynnisfararstyrkjum
úr náms- og kynnisfararsjóði starfsmanna
Landsbanka Islands fór fram í apríl sl. og
hlutu eftirtaldir starfsmenn styrki:
Kynnisfararstyrkir:
Guðlaug Sigurðardóttir, Aðalbankanum.
Gunnar Olafs, starfsmaður í gjaldeyris-
deild bankanna.
Námsstyrkir:
Guðmundur Vilhjálmsson, aðalbókari úti-
bús Landsbankans, Eskifirði.
Erla Sigurðardóttir, starfsstúlka í aðal-
bankanum.
Ingi R. Björnsson, starfsmaður í endur-
skoðunardeild aðalbankans.
26 BANKABLAÐIÐ