Bankablaðið - 01.12.1967, Blaðsíða 13

JÓN G. MARÍASSON
- Við tímamót -
Jón G. Maríasson, seðlabankastjóri, hætti
störfum 1. ágúst sl. Fer vel á því, að þessara
tímamóta í lífi Jóns sé minnzt í Bankablað-
inu.
Jón G. Maríasson er fæddur á Isafirði
1898. Að loknu námi hérlendis og í Dan-
mörku og eftir starf við Asgeirsverzlun á
Isafirði, gerðist hann starfsmaður við Lands-
bankann á Isafirði í ársbyrjun 1919. Hann
var orðinn bókari útibúsins árið 1930, er
hann var kallaður suður til starfa við aðal-
bankann í Reykjavík. Aðeins fjórum árum
síðar tók hann við aðalbókarastarfi og tveim-
ur árum seinna varð hann varabankastjóri.
Segja má, að Jón hafi hafið aðalbókarastarfið
upp í æðra veldi, því að dagleg innri stjórn
bankans mun einkum hafa hvílt á Jóni frá
árinu 1934. Arið 1945 varð hann bankastjóri.
Þessi skjóti og öruggi frami Jóns í einni af
stærstu stofnunum landsins ber vitni um ein-
stakan dugnað, samvizkusemi og hæfileika.
Árið 1957, er aðskilnaður Seðlabanka og
Landsbanka hófst, varð Jón bankastjóri við
Seðlabankann. Starfsaldur Jóns við þjóð-
bankann var því orðinn rúmlega 48j/2 ár,
er hann hætti störfum, þar af við bankastjórn
í meira en 22 ár. Hefur Jón átt glæsilegan
embættisferil, sem á sér fáa líka, og hefur
hann skilað landi sínu afburða starfi.
Jón hefur komið víðar við en í banka-
störfum. Hann var í bæjarstjórn Isafjarðar
um tíma og hefur gegnt fjölda annarra
trúnaðarstarfa á vegum hins opinbera og ut-
an þess, sem ekki verður rakið hér. Mörgum
mönnum hefur Jón verið stoð og stytta í
einkafjármálum og á öðrum sviðum. Verð-
ur hér þó getið eins dæmis, sem ber ljósan
vott um trygglyndi Jóns. Hann var skipta-
forstjóri í dánarbúi vinar síns, Finns Olafs-
sonar frá Fellsenda. Finnur lét eftir sig
nokkrar eignir og í erfðaskrá var áskilið, að
þeim skyldi varið til þess að koma upp elli-
heimili á föðurleifð Finns, að Fellsenda í
Dölum. Á eftir hefur fylgt geysistarf, sem
einkum hefur hvílt á Jóni, og hefur hann
nú séð ávöxt erfiðisins, því að elliheimilið
hefur nýlega tekið til starfa.
I starfi sínu sem bankastjóri hefur Jón
ávallt verið ákveðinn húsbóndi og staðið vel
á hagsmunum og rétti þeirra stofnana, sem
hann hefur stýrt, en óhikað má segja, að
hann hafi verið bankastjóra réttlátastur út á
við gagnvart viðskiptamönnum og inn á við
meðal samstarfsmanna og undirmanna hefur
hann verið yfirmanna vinsælastur. Ná vin-
BANKABLAÐIÐ 11