Morgunblaðið - 04.12.2008, Page 24

24 FréttirINNLENT
MORGUNBLAÐIÐ FIMMTUDAGUR 4. DESEMBER 2008
Eftir Elvu Björk Sverrisdóttur
elva@mbl.is
HLÝTT og notalegt er á heimili
hjónanna Paul Ramses og Rosemary
Atieno Athiembo, þegar blaðamaður
kemur inn úr kuldanum á vind-
asömum desemberdegi. Hér hafa
þau dvalist undanfarna mánuði,
ásamt syninum Fídel Smára, sem nú
er sex mánaða. Fjölskyldan bíður
niðurstöðu Útlendingastofnunar,
sem í haust tók beiðni þeirra um
hæli hér á landi til efnislegrar með-
ferðar. Þau vita ekki hvenær nið-
urstaðan fæst, en um miðjan nóv-
ember var Paul kallaður til viðtals
hjá Útlendingastofnun. Þar var hann
m.a. beðinn um að leggja fram gögn
sem sýndu fram á að honum væri
ekki vært í heimalandi sínu, Kenía,
vegna þátttöku sinnar í stjórnmálum
þar.
Ekki nóg fyrir leigu og mat
Í haust fengu þau hjónin tíma-
bundið dvalarleyfi hér á landi. Það
felur m.a. í sér að þau hafa leyfi til
þess að vinna hér á landi. Rétt eftir
að leyfið var í höfn skall hins vegar
kreppan á og hjónunum hefur ekki
gengið vel að fá vinnu. „Ég fékk
vinnu á veitingastaðnum Fiskmark-
aðinum. Þar vann ég í um tíu daga,
en svo hrundi efnahagurinn og ég
missti vinnuna þar,“ segir Paul.
Hann hafi þá ráðið sig á veitinga-
staðinn Geysi, en sama saga hafi
gerst þar. „Ég hef gengið milli veit-
ingastaða í miðbænum, en það er
enginn að ráða fólk.“ Undanfarið
hafa hann og kona hans verið í
íhlaupastörfum á Geysi. „Í síðasta
mánuði voru það um tuttugu tímar,
sem er alls ekki nóg,“ segir hann.
Þeir peningar sem þau hafa milli
handanna hrökkva ekki bæði fyrir
leigu og mat. „Vinir okkar hafa verið
að aðstoða okkur með mat sem og
Rauði krossinn,“ segir Rosemary.
Hjá Rauða krossinum fá þau inn-
eignarnótu til þess að nota í Hag-
kaup. „Fyrir hrunið dugðu 20 þús-
und krónur okkur allan mánuðinn.
Núna dugir sami peningur ekki
nema í um ellefu daga,“ bendir Paul
á. Hjá Fíladelfíusöfnuðinum og
Reykjavíkurborg hafi þau einnig
fengið aðstoð sem renni í leigu- og
matarinnkaup.
Til þess að spara peninga heldur
fjölskyldan sig mest heima við. Þeg-
ar þau fari út sé það helst í Rauða
krossinn eða til kirkju hjá Fíladelfíu.
Einnig heimsæki þau vini sína
hérna. „Við eigum marga vini, en
staðan hér núna hefur breytt ýmsu.
Fólk sem við vorum áður í sambandi
við þarf nú að nota tíma sinn í að
huga að sjálfu sér vegna ástandsins,“
segir Paul „Þrátt fyrir þetta eigum
við mjög trausta vini hérna. Það er
fólk sem styður okkur með ráðum og
dáð, hvetur okkur áfram og segir við
okkur að þetta eigi allt eftir að fara
vel,“ segir Rosemary.
„Ísland nær sér á strik“
Paul og Rosemary hugsa sér ekki
til hreyfings héðan þrátt fyrir ís-
lensku kreppuna. Þau hafa sótt um
íbúð á vegum Reykjavíkurborgar,
þar eð núverandi húsnæði hentar
ekki nægilega vel. „Það mikilvæg-
asta er að geta lifað lífinu með fjöl-
skyldu sinni í friðsæld. Það þarf ekki
annað en líta í augun á litlu barni,
sem lifir lífinu laust við áhyggjur, til
þess að átta sig á því að vonin er til, “
segir Paul og horfir brosandi á son
sinn. Þau segjast þó upplifa krepp-
una greinilega. „Við höfum rætt við
vini okkar og fólk sem hefur mætt til
mótmælanna í miðbænum. Fólk hef-
Hafa litla vinnu haft í kreppunni
Fjölskylda Paul
Ramses bíður
svara Útlend-
ingastofnunar
Morgunblaðið/Golli
Nýtt líf Paul og Rosemary vonast til þess að úrskurður í máli þeirra verði
þeim í hag og þau geti skotið rótum hér á landi ásamt syninum Fídel Smára.
Sæti á sýninguna á aðeins 2.000 kr.
(fullt verð 2.800 kr.)
Tilboðið gildir til 30. desember
Gjafakortin eru afgreidd í fallegu hulstri og
eru frábær í jólapakkann
Gjafakort á frábæru verði!
Kardemommubærinn
Gefum góðar stundir
J ó l a g j ö f i n í á r Afgreiðsla miðasölu á Hverfisgötu er opin kl. 12.30–18Miðasala í síma 551 1200 og á www.leikhusid.is
Paul Ramses og kona hans Ro-
semary eru frá Kenía. Þau hafa
óskað eftir hæli hér á landi, en
hér hafa þau dvalist mest allt
árið. Paul var í júlí sendur til
Ítalíu eftir að Útlendingastofn-
un hafnaði því að taka mál hans
til efnislegrar meðferðar. Þar
dvaldi hann á gistiheimili fyrir
flóttamenn.
Efnt var til mótmælafunda og
þess krafist að fjölskyldan fengi
að vera áfram.
Í ágúst úrskurðaði dóms-
málaráðherra að beiðni Paul um
hæli skyldi tekin til efnislegrar
meðferðar hér á landi. Kom
hann þá aftur til Íslands.
Sneri aftur í sumar