Morgunblaðið - 04.12.2008, Blaðsíða 41

með nýju tungumáli, nýjum siðum,
nýjum mat, nýrri lykt og nýrri fjöl-
skyldu.
Misjafnt er í hvernig ástandi börn-
in eru þegar þau koma til landsins.
Flest þeirra eru í góðu líkamlegu
ástandi, sum koma þó vannærð og
mörg með eyrnabólgu og í sumum
tilvikum fyrirburar og léttburar. En
öll eiga þau fortíð og það fortíð sem
ekki er hægt að slá striki yfir heldur
þarf að hjálpa þeim að lifa með þeim
áföllum sem þau hafa orðið fyrir og
aðstoða þau við að aðlagast nýju lífi,
syrgja það gamla og tengjast nýjum
foreldrum. Ekkert af þessu gerist af
„sjálfu sér“ eða á einni nóttu.
Það ætti því að vera deginum ljós-
ara að þessi börn og fjölskyldur
þeirra eru sérstök og þurfa sérstaka
og viðtæka þjónustu bæði fyrir og
eftir ættleiðingu. Þar stendur nefni-
lega hnífurinn í kúnni, ef svo má að
orði komast. Félagið okkar Íslensk
ættleiðing er lítið félag með lítil fjár-
ráð. Á meðan þekking og þjónusta í
öðrum löndum, Norðurlöndunum og
víðar, eykst með ári hverju finnst
mér við sitja svolítið eftir hvað þetta
varðar. Börnin okkar eru frábær og
hafa alla burði til að verða heil-
steyptir og hamingjusamir ein-
staklingar en … til þess þurfa þau
sérstakt uppeldi, skilning og stuðn-
ing foreldra sinna og umhverfis. Fé-
lagið okkar heldur úti fræðslu fyrir
foreldra áður en forsamþykki er gef-
ið út og svo er starfandi PAS-nefnd
(post adoption service) sem sér um
fræðslu fyrir foreldra eftir heim-
komu. En fjárráð félagsins leyfa á
engan hátt að að þessu sé staðið á
fullnægjandi hátt.
Ég á mér minn draum um að í
framtíðinni geti kjörforeldrar geng-
ið að því sem vísu að gott fræðslu-
og stuðningsnet verði til staðar bæði
fyrir og eftir ættleiðingu. Ef við
horfum til hinna norrænu ríkjanna
eins og við gerum nú oftar en ekki
þá hafa Danir það þannig t.d. að í 3
ár eftir heimkomu eiga foreldrar
þess kost að sækja ráðgjöf án end-
urgjalds. Þeir hafa aðgang að tal-
kennara, sjúkraþjálfara, hjúkr-
unarfræðingi, iðjuþjálfa,
þroskaþjálfa, sálfræðingi, fé-
lagsráðgjafa og barnalækni. Ríkið
borgar. Þetta er það sem okkar
vantar til að tryggja það að hags-
munir barnanna okkar séu hafðir í
fyrirrúmi. Vel upplýstir foreldrar og
gott stuðningsnet og eftirfylgni við
og eftir heimkomu.
Við þurfum að setja hjúkr-
unarfræðingana í ungbarnaeftirliti
inn í málin okkar, leikskólakenn-
arana, kennarana og alla þá sem
koma að börnunum okkar í þeirra
daglega lífi. Það er sama hvar börn-
in okkar koma, þau og við þurfum
alls staðar að geta gengið að því vísu
að þekking sé á málefnum þeirra og
sérstöðu.
Við erum ört stækkandi hópur,
kjörforeldrar. Við höfum öflugt og
skemmtilegt félagsstarf í félaginu
okkar. En þegar kemur að fræðslu-
málum varðandi ættleidd börn og
það sem þeim tengist þá erum við
pínulítið land með pínulitla þekk-
ingu. Úr því þarf að bæta.
Börnin okkar eru frábær og eiga
bara það besta skilið!
Höfundur er þroskaþjálfi og móðir
fjögurra barna, þar af þriggja kjör-
barna.
MORGUNBLAÐIÐ FIMMTUDAGUR 4. DESEMBER 2008
Sigurbjörn Einarsson biskup er eitt mesta
sálmaskáld íslensku þjóðarinnar á síðari tímum.
Sálmar hans og bænir eru mikilvæg í helgihaldi
kirkjunnar og trúarlífi einstaklinga hér á Íslandi
og veita leiðsögn og huggun trúar og vonar.
Bókin geymir heildarsafn sálma hans og ljóða.
www.skalholtsutgafan.isFÆST Í KIRKJUHÚSINU OG ÖLLUM HELSTU BÓKAVERSLUNUM
Opinn fundur á vegum BSRB í dag
kl. 16:00-17:30 í BSRB - húsinu Grettisgötu 89
Á fundinum verður fjallað um framtíðarþróun
efnahagsmála á Íslandi. Hvert stefnir og hversu löng
verður kreppan?
Framsögu hafa
Gylfi Zoëga prófessor við Háskóla Íslands
Jón Þór Sturluson aðstoðarmaður viðskiptaráðherra
Fundarstjóri: Helga Jónsdóttir framkvæmdastjóri BSRB
Að loknum framsöguerindum
verður opnað fyrir spurningar úr sal.
Framtíðin
með eða án krónu
ANNAÐ þing Sam-
bands íslenskra fram-
haldsskólanema
(SÍF) var haldið í
Fjölbrautaskólanum í
Garðabæ helgina 24.-
26. október sl. þar
sem fulltrúar fram-
haldsskóla hvaðan-
æva af landinu komu
saman til að móta stefnuskrá og
kjósa í embætti félagsins.
Á nýliðnu þingi var samþykkt
stefnuskrá SÍF til að skapa skýr-
an ramma og afstöðu SÍF gagn-
vart framhaldsskólanemum. Í
fyrrnefndri stefnuskrá eru skýr
ákvæði um jafnt aðgengi til náms
óháð búsetu eða efnahag sem get-
ur reynst mörgum lífsbjörg í því
ófremdarástandi sem ríður yfir
þjóð okkar á þessari stundu.
Í slíkum efnahagsþrengingum
og atvinnuhamförum sem þessum
róa iðn- og starfsnámsnemar erf-
iðan lífróður þar sem samningar
þeirra við vinnumarkaðinn verða
undir og lífæð námsins glatast.
Það er skylda SÍF að vernda
nemendur á vinnumarkaðnum
jafnt og í námi.
SÍF boðar einnig bættar for-
varnir og aukið heilbrigði í mat-
aræði nemenda á landsvísu þar
sem framboð og verðlag í mötu-
neytum verður í sviðsljósi, aukin
lýðheilsa og heilbrigt líferni er
eitt af helstu baráttumálum í sam-
félagi framhaldsskólanema.
Heilsa, jafnrétti, lýðræði og
bætt aðstaða nemenda er ekki
einungis krafa SÍF þar sem virð-
ing fyrir kennarastéttinni er eitt-
hvað sem íslenskt samfélag skort-
ir alvarlega, bætt menntun
kennara og virðing fyrir stéttinni
allri skilar sér að sjálfsögðu í
bættri menntun nemenda.
Um þessar mundir
er um ár síðan SÍF
var reist á rótum Iðn-
nemasambandsins því
réttast þótti að stofna
ein stór hagsmuna-
samtök fyrir bók-, iðn-
og starfsnámsnema.
Samtökin hafa nú þeg-
ar afrekað margt í
hagsmunabaráttu
framhaldsskólanema
og nú þegar ár er frá
stofnun þess mun það
blómstra helmingi
meira og leggja allt sitt af mörk-
um í þágu nemenda.
Ungt fólk á uppleið og ferskur
mannauður er okkar verðmætasta
auðlind og því ber okkur að
vernda hagmuni nemenda á lands-
vísu. SÍF skal beita sér í hvívetna
til að efla jákvæða umfjöllun um
framhaldsskólanemendur og ungt
fólk almennt. Jákvæð umfjöllun er
eitt af lykilhlutverkum í barátt-
unni við að efla rödd framhalds-
skólanema.
Stöndum vörð um
hagsmuni fram-
haldsskólanema
Stefán Rafn Sig-
urbjörnsson skrifar
um hagsmunabar-
áttu framhalds-
skólanema.
Stefán Rafn
Sigurbjörnsson
» Jákvæð umfjöllun er
eitt af lykilhlut-
verkum í baráttunni við
að efla rödd framhalds-
skólanema.
Höfundur er formaður Sambands
íslenskra framhaldsskólanema.
@