Morgunblaðið - 04.12.2008, Blaðsíða 56

56 MenningFÓLK
MORGUNBLAÐIÐ FIMMTUDAGUR 4. DESEMBER 2008
 Svokölluð heiðrunarbönd hafa
jafnan verið vinsæl hér á landi og á
dögunum tóku nokkrir þekktir
rokkhundar af yngri kynslóðinni
Rolling Stones sér til fyrirmyndar.
Á morgun stígur á svið á NASA
hljómsveitin Wild Roses sem flytur
eingöngu lög eftir Guns n’ Roses
en þar er í fararbroddi Birgir nokk-
ur Nielsen, áður trommari Lands
og sona og núverandi trommari
kántrísveitarinnar Klaufa.
Hvenær kemur röðin
að KISS?
Fólk
SKÍTAMÓRALL sendir frá sér nýtt jólalag í dag.
Lagið, sem heitir „Helg er jólanótt“, er einkar
rólegt og hugljúft með hátíðlegum texta, að sögn
Arngríms Fannars Haraldssonar gítarleikara
Skítamórals. „Þetta var lag sem við vorum búnir
að taka upp í sumar með öðrum texta en höfðum
ekki gefið út, nú er búið að semja við það nýjan
texta og endurútsetja það sem jólalag,“ segir
Addi en textinn er eftir Magnús Þór Sigmunds-
son og lagið á Steinar Logi. „Það var lögð loka-
hönd á lagið í stúdíó Sýrlandi í gærkvöldi og svo
verður því dreift á útvarpsstöðvar í dag.“
Klara úr Nylon syngur dúett í laginu ásamt
Gunnari Ólasyni en hún hefur komið fram sem
gestasöngkona með bandinu. „Þetta er í fyrsta
skipti sem kvenrödd heyrist í Skítamóral og ann-
ar en meðlimur í hljómsveitinni syngur og það er
skemmtileg nýbreytni,“ segir Arngrímur.
Þetta er fyrsta jólalagið sem Skítamórall send-
ir frá sér en ýmislegt fleira er í deiglunni hjá
bandinu. „Á næsta ári verða tuttugu ár síðan
hljómsveitin var stofnuð af fjórum uppruna-
legum meðlimum í félagsmiðstöðinni á Selfossi.
Okkur langar til að vera með einhverskonar fer-
ilstónleika að því tilefni, vonandi með einhverju
nýju efni.“
Þeir sem bíða óþolinmóðir eftir því að vanga
við nýja jólalagið geta glaðpst við það að þeir
spila víða á dansleikjum um jólin. „Við verðum
19. desember á Ísafirði, 20. desember í Keflavík,
annan í jólum á Broadway og þriðja í jólum í
Hvíta húsinu á Selfossi.“ ingveldur@mbl.is
Rólegt og hugljúft jólalag frá Skítamóral
Skítamórall Missa ekki kúlið þó þeir gefi út jóla-
lag. Þeir spila víða á dansleikjum um jólahátíðina.
 Ungfrú Ísland, Alexandra Helga
Ívarsdóttir (t.h.), bloggar eins og
vindurinn um ævintýri sín í Suður-
Afríku þar sem hún er nú stödd við
undirbúning fyrir keppnina um
fegurstu konu heims, Miss World.
Keppnin í ár fer fram í Jóhann-
esarborg í Suður-Afríku hinn 13.
desember næstkomandi og ef
marka má bloggið er varla stund-
arfrið að finna hjá stúlkunum
vegna alls kyns æfinga fyrir að-
alkvöldið. Á milli æfinga hefur
þeim þó gefist tími til að fara í saf-
aríferð um sléttur Suður-Afríku en
þar er eins og Alexandra segir erf-
itt að komast í jólastemningu um
þessar mundir því á suðurhveli
jarðar ríkir nú hásumar. Þeim sem
vilja fylgjast með ævintýrum Alex-
öndru í Suður-Afríku er bent á slóð-
ina alexandrahelga.blog.is.
Alexandra Helga blogg-
ar frá Suður-Afríku
 Að gefnu tilefni eru MR-ingar,
allir sem einn, beðnir velvirðingar á
smáfrétt sem birtist í Morg-
unblaðinu á þriðjudag, en hún
byggðist á rangri tölfræði og lét að
því liggja að þeir væru afhuga póli-
tík. Sem betur fer er svo ekki.
Sem betur fer
Eftir Ingveldi Geirsdóttur
ingveldur@mbl.is
„ÁSTANDIÐ var orðið eitthvað svo þrúgandi á
tímabili að maður bara varð að tjá sig eins og svo
margir aðrir. Ég valdi bara þessa leið,“ segir Henrý
Þór Baldursson sem birtir myndasögurnar Skrípó á
bloggsíðu sinni en þær draga upp kómíska mynd af
kreppuástandinu.
„Eins og mörgum öðrum fannst mér eins og ein-
hver mara lægi á mér og ég yrði að tjá mig um þetta
ástand. Maður fær ekki mikla áheyrn út á það að
vera bara enn einn bloggarinn svo ég fór að fikta við
að gera þrjár svona skrípamyndir. Ein þeirra lenti
inni á blogginu hjá Agli Helgasyni og þá fóru heim-
sóknirnar inn á síðuna að aukast og hvatti það mig
áfram.“
Henrý segir að munur sé á að setja gagnrýnina
fram í skrifum og myndasögum. „Sem bloggari
reynir maður að halda sig við blákaldar staðreyndir
en með skrípamyndum get ég leyft mér meira, þetta
er góð aðferð til að draga fram hvað raunveruleikinn
er fáránlegur. Hver mynd skrifar sig eiginlega sjálf.
Oft og tíðum hef ég bara beint eftir ráðamönnum og
þegar það fer inn í þetta myndasöguform áttar fólk
sig frekar á því að þetta er bara brandari, þetta
ástand er bara skrípó. Ég er að draga upp raunveru-
leikann og segi og spyr þeirra spurninga sem er ekki
oft spurt,“ segir Henrý.
Börnin borga seinna
Hann hefur miklar áhyggjur af því að klandrið
sem landið er í núna eigi eftir að bitna á ungviðinu er
það eldist eins og myndasagan hér til hliðar sýnir.
„Ég á tvo litla stráka, annan fæddan síðasta sunnu-
dag, og mér sýnist þetta ástand núna eiga eftir að
lenda á þeim. Sektirnar lenda á þeim sem hafa ekk-
ert unnið til saka á meðan ekki er hróflað við þeim
sem stóðu fyrir þessu.“
Myndasögurnar eru ekki teiknaðar af Henrý held-
ur vinnur hann ljósmyndir í tölvu og lætur þær líta
út fyrir að vera teiknaðar eða málaðar. „Ég hef haft
áhuga á myndasögum frá því ég var krakki, var allt-
af að lesa Viggó viðutan,“ segir Henrý sem getur vel
teiknað að eigin sögn þótt hann velji þessa aðferð.
Myndasögurnar fóru að birtast á bloggsíðu Hen-
rýs um miðjan nóvember og reynir hann að setja inn
eina á dag. „Ég ætla að reyna að halda áfram að
setja eina sögu inn á dag, enda er pressa á mér núna
að halda þessu gangandi eftir að heimsóknum á síð-
una fór fjölgandi.“
Alvaran í gríninu
Henrý Þór Baldursson gagnrýnir ráðamenn með beittum myndasögum
Háðsádeila Fjármálaráðherra er einn þeirra ráðamanna sem Henrý Þór hefur tekið fyrir.
henrythor.blogspot.com
ÚTGÁFUFYRIRTÆKIÐ Kimi Re-
cords hefur ákveðið að taka ekki
þátt í Íslensku tónlistarverðlaun-
unum í ár en tilnefningar til verð-
launanna verða kynntar hinn 12.
desember næstkomandi. Baldvin
Esra Einarsson, framkvæmdastjóri
Kimi, segir að tvennt komi til. „Ann-
ars vegar hugnast okkur ekki að
keppa í tónlist þar sem þátt-
tökugjalds er krafist eins og um
bridsmót sé að ræða og hins vegar
lítum við á þetta sem samkomu þar
sem megintilgangurinn er að auka
jólasöluna. Hátíðin markar eins-
konar hápunkt „bransans“ sem hef-
ur hingað til ekki verið okkur mjög
hliðhollur og því sjáum við ekki til-
ganginn með því að taka þátt í hátíð-
inni.“
Ekki að gefa skít í bransann
Aðspurður hvort það sé ekki eðli-
legt að allar útgáfurnar komi að
kostnaði við hátíðina segir Baldvin
að það séu margir sem komi að
kostnaðinum og þar á meðal fyr-
irtæki sem kosta útsendinguna. „Svo
má í þessu sambandi líta á Kraums-
verðlaunin sem veitt voru í síðustu
viku en þar voru tilnefndar plötur
beinlínis keyptar af okkur.“ Baldvin
tekur það sérstaklega fram að með
þessu séu þeir ekki „að gefa skít í
bransann“ eins og hann orðar það,
heldur eigi útgáfustefna Kimi Re-
cords einfaldlega mjög fátt sameig-
inlegt með útgáfustefnum stærri
plötufyrirtækja og þar af leiðandi
hátíðinni.
Þegar Pétur Grétarsson, fram-
kvæmdastjóri Íslensku tónlist-
arverðlaunanna, er inntur eftir við-
brögðum segir hann að það sé litlu
við þessa ákvörðun Kimi að bæta.
„Hann [Baldvin] nefndi nú bara við
mig að þeir væru í lausafjárþurrð og
hefðu þess vegna tekið þessa
ákvörðun og það er skiljanlegt í
þessu árferði.“
hoskuldur@mbl.is
Hápunktur „bransans“
Morgunblaðið/Árni Sæberg
Agent Fresco Sveitin er ein þeirra sem vel hefðu komið til greina sem
bjartasta vonin. Kimi mun ekki tilnefna plötu sveitarinnar til verðlaunanna.
Kimi Records ekki með í Íslensku tónlistarverðlaununum