Morgunblaðið - 04.12.2008, Side 26

26
MORGUNBLAÐIÐ FIMMTUDAGUR 4. DESEMBER 2008
Handagangur Konurnar kunna vel til verka og eiga ekki í vandræðum með að skipta vörunum í mismunandi poka, eftir því hvort þeir eru ætlaðir einstaklingum eða fjölskyldum.
Eftir Bergþóru Njálu Guðmundsdóttur
ben@mbl.is
„Er ekki meira en þetta?“ spyr
þreytuleg kona eftir að hafa litið ofan
í pokann og vonbrigði hennar eru
augljós. Önnur tekur feginshendi við
því sem að henni er rétt og þakkar
margfalt fyrir. „Þetta er æðislegt,“
segir hún og brosir í átt að sjálf-
boðaliðum. Það er hefðbundin mið-
vikudagsúthlutun hjá Mæðrastyrks-
nefnd og mörgum klukkustundum
áður en er opnað er tekin að myndast
röð fyrir utan. Skiptir engu þótt úti
sé bæði frost og vindur svo kuldinn
smýgur inn að beini.
„Okkar gestum hefur fjölgað veru-
lega,“ segir Ragnhildur G. Guð-
mundsdóttir, formaður nefnd-
arinnar. „Síðasta úthlutunardaginn í
nóvember í fyrra komu um 150
manns, en núna fyrir viku voru þeir
420 talsins.“ Þessar tölur segja þó
ekki nema hálfa söguna því flestir
hafa fyrir fleirum að sjá, s.s. börnum
og mökum sem einnig njóta góðs af
úthlutuninni.
Meðan röðin þéttist fyrir utan er
um 20 manna hópur inni fyrir önnum
kafinn við undirbúning. Flestir eru
fullorðnar konur, fulltrúar þeirra sjö
kvenfélaga sem standa að nefndinni
en nokkrir sjálfboðaliðar af yngri
kynslóðinni leggja líka hönd á plóg.
Skipulega er mjólk, bjúgum, kart-
öflum, brauði, banönum, klósett-
pappír og fleiru smálegu komið fyrir
í pokunum, sem innihalda misstóran
skammt eftir því hvort þeir eru ætl-
aðir einstaklingum, fjölskyldum eða
einstæðu foreldri með barn. Sumu er
haldið til hliðar. Full kerra af lífrænt
ræktuðum döðlum og heilu staflarnir
af muffinspökkum fá þannig að
standa sér því það er ekki langt í síð-
asta söludag á þeim. „Fólk fær að
velja hvort það vill taka það eða
ekki,“ útskýrir Ragnhildur. Tveir
kassar af matarolíuflöskum og
nokkrir af sírópi fá einnig sinn sér-
staka stað. „Þetta skulum við bara
láta fjölskyldufólkið fá,“ ákveður ein
nefndarkvennanna. Hún veit af
reynslu hvar þörfin er mest.
„Engin föt í dag?“
„Það var að koma tonn af fiski,“
heyrist skyndilega kallað yfir hópinn.
Í ljós kemur að Síldarvinnslan í Nes-
kaupstað ætlar að gefa nefndinni sjó-
frystan fisk en flutningurinn að aust-
an verður í höndum Eimskips. „Við
finnum að það er afar mikil hjálpsemi
núna – það vilja allir hjálpa og gefa
sem er yndislegt að upplifa. Það bæt-
ast stöðugt við ný fyrirtæki sem
styrkja okkur, til viðbótar við þau
gömlu sem svíkja okkur ekki,“ út-
skýrir Ragnhildur. „Við erum að
taka á móti alls konar gjöfum, s.s.
leikhúsmiðum og miðum á Frost-
rósatónleikana og ein hárgreiðslu-
stofan gaf okkur tíu klippingar.“
Rúmlega tvö fær hópurinn fyrir
utan laun þolinmæðinnar þegar opn-
að er og samstundis fyllist anddyrið
af kuldabitnu fólki. Einn af öðrum
taka gestirnir númer til að bíða eftir
því að fá úthlutunarmiða. Þeir eru
einfaldir í sniðum, tilgreina aðeins
fjölda barna og fullorðinna í heimili
og eru ávísun á hvers kyns skammt
viðkomandi fær í hendur. Flestir
dvelja stutt og hraða sér út eftir að
hafa tekið við pokanum. Margir
horfa niður og sumir eru svo vel dúð-
aðir að þeir sjást varla. Það er erfitt
að meta hvort það sé vegna kuldans
úti eða til að þekkjast ekki. „Þetta
eru mjög erfið spor fyrir marga, við
höfum sérstaklega fundið fyrir því
núna,“ segir Ragnhildur. Aðrir eru
léttari í spori og virðast einlægir í
gleði yfir matargjöfinni. „Æðislegt
að fá síróp, þá get ég bakað pip-
arkökurnar,“ segir ein konan og
ljómar. Sírópið gerir líka lukku hjá
karlmanni, sem ætlar að nota það á
pönnukökur.
„Eru engin föt í dag?“ spyr kona
sem fær að vita að fataúthlutun verði
næsta miðvikudag. Önnur á erfitt
með að bíða: „Get ég nokkuð fengið
hlýja peysu, mér er svo kalt núna?“
spyr hún og það er auðsótt. Fjöl-
skyldufaðir kíkir í pokann og spyr
svo svekktur: „Á þetta að vera fyrir
fjóra?“ Anna Kristjánsdóttir, sem
hefur starfað lengi með Mæðra-
styrksnefnd og er blaðamanni innan
handar, segir hvað eftir annað: „Það
eru svo mörg ný andlit. En þau
gömlu eru hérna líka.“
Það vilja allir hjálpa og
 Metaðsókn í vikulega úthlutun Mæðrastyrksnefndar
 Ný andlit áberandi í hópi umsækjenda um mat
Mæðrastyrksnefnd úthlutar
„Þegar við deilum út fötum auk
matarins er allt annar bragur yf-
ir úthlutuninni,“ útskýra kon-
urnar. „Þá stoppar fólk lengur
enda tekur tíma að skoða það
sem er í boði auk þess sem við
viljum gjarnan að fólk máti flík-
urnar, áður en það tekur eitt-
hvað með sér sem síðan passar
kannski ekki eða illa.“
Vegna fjöldans að undanförnu
hafa konurnar brugðið á það ráð
að skipta upp úthlutuninni, svo
að ekki myndist þvaga í húsnæð-
inu. Næstkomandi miðvikudag
verður því eingöngu úthlutað
fatnaði, skóm, snyrtivörum,
skartgripum og fleiru í þeim dúr.
„Það eru ekki endilega þeir
sömu sem sækja í fatnað og
mat,“ segja þær en af nógu er að
taka. Þannig áskotnaðist nefnd-
inni heilt bretti af skóm á dög-
unum, auk þess sem fatnaður af
ýmsum toga, bæði nýr og not-
aður, hefur borist í hús. Má búast
við því að sparifatnaður og jafn-
vel hlýrri flíkur til vetrarins
verði vinsælar þegar þeim verð-
ur úthlutað í næstu viku.
Næsta matarúthlutun verður
vikuna á eftir og er um að ræða
hina árlegu jólaúthlutun. Aftur
verður svo opnað fyrir venjulega
matar- og fataúthlutun hinn 14.
janúar á nýju ári.
Skæði og klæði fyrir þá
sem þurfa á að halda