Árdís - 01.01.1936, Qupperneq 42

40
Ellefta ársþing.
Bandalag Lúterskra kvenna hélt þing sitt í Winnipeg 22—25
júní 1935, á sama tíma og kirkjuþingiö stóð yfir.
iSeytján félög sendu erindisreka; voru þeir tuttugu og sjö alls.
Tvö lélög báðu um inngöngu í Bandalagið: Kvenfélag Hallgríms-
safnaðar í Seattle og mætti Mrs. R. Marteinsson fyrir þeirra hönd:
og einnig kvenfélag Viíðir safnaðar.
Kvenfélagið í Brown, Manitoba, sendi Mrs. Tómasson til að
kynna sér afstöðu og starfsvið Bandalagsins, með' því a/ugnamið:
að ganga í það. Voru henni veitt full þingréttindi.
Nokkuð langur tíma fór í að lesa skýrslur embættiskvenna og
nefnda og skýrslur hinna ýmsu félaga. Voru svo settar nefndir til
að athuga og undirbúa ýms mál sem voru á dagskrá. Síðar voru
mál þau flest afgreidd að mestu leiti óbreytt.
Konur sýndu mikinn áhuga f'yrir útbreiðslu á sunnudagaskóla
starfinu. Hefir nefndin í því máli starfað með trúmensku og var
þeim vottað þakklæti þingsins. Mrs. Oddson (Árborg) og fleiri
létu í ljósi að mjög æskilegt væri að nefndin reyndi að stuðla aö
því að sunnudagaskóla kortin “ljósgeislar” væru gefin út að nýju,
ef hægt væri. Er það óheppilegt að sunnudagaskólar verða að
nota að miklu leyti ensk blöð og bækur við kenslu.
Útgáfa á “Árdís” heldur áfram með sama fyrirkomulagi og
áður. Konur létu í ljósi þakklæti sitt við Mrs. F. Johnson og Mrs.
S. Ólafsson fyrir hið mikla og ágæta starf þeirra í þarfir blaðsins.
Eins og er kunnugt hefir Mrs. Johnson séð um fjárhagshlið ritsins
með miklum dugnaði, en Mrs. Ólafsson um ritstjórn. Er það afar-
mikið verk, og vandasamt. Bandalagiö var svo heppið að þær
fengust báðar til að lialda áfram því starfi næsta ár.
Eitt nýtt mál kom fyrir þingið. Var það í sannbandi við
“Ádult Education” sem nú er að byrja að ná fótfestu í þessu landi.
Mrs. H. F. Danielson (Árborg) vakti máls á því, að ánægjulegt
væri að meiri menning gæti rutt sér til rúms í félögunum. Oft
snýst starfið svo mikið 'um peningasöfnun að andleg mál komast
naumast að. Það fara fram hjá okkur mörg tækifæri sem nota
mætti til uppfræðslu á andlegan og verklegan hátt. Var þessu vel
tekið og mikill áhugi kom í ljós. Var að lokum nefnd skipuð til aö
sjá um “program” fyrir komandi ár, verður þetta mál nákvæm-
lega skýrt í bréfi sem sú nefnd skrifar hverju félagi innan Banda-
lagsins; en það er í stuttu máli, verkefni nefndarinnar að semja
lista yfir ýms málefni sem taka má til umræðu á fundum — eitt