Árdís - 01.01.1956, Side 58

56
ÁRDÍS
á saumastofu og var þar í nokkur ár. Féll henni þetta starf vel og
varð strax vinsæl, því hún var sérlega vandvirk. Minntist hún oft
og með ánægju á þetta tímabil ævi sinnar, og reyndi að halda
sambandi við íslenzku stúlkurnar, sem hún vann með.
Þann 25. október 1899 giftist Björg Hernit Christofersyni bónda
í Argyle-bygðinni, en hann var ekkjumaður með fjögur ung börn.
Gjörðist hún nú húsmóðir á sveitaheimili og reyndist móðurlausu
börnunum hin bezta móðir.
Björg var kona vel greind, stillt í lund, þrekmikil og trygglynd.
Hún, ásamt manni sínum og börnum, tilheyrði Frelsissöfnuði í
Grundarbyggð, og tók hún ávalt góðan þátt í félagsmálum. Hún
var meðlimur kvenfélagsins í fjölda mörg ár — og var heiðurs-
meðilmur í félaginu að Grund þegar hún dó.
Þau Björg og Hernit eignuðust þrjú börn. Hennar starf var því
mikið, að stjórna stóru heimili og ala upp sjö börn. Hernit gaf sig
nokkuð við hómopata-lækningum, einkum fyrst á árum. Var hans
oft vitjað, jafnt á nóttu sem degi, þar sem veikindi voru. Vitanlega
þýddi það, að hann þurfti að hverfa frá verkum sínum um lengri
eða skemmri tíma. En þá var Björg manni sínum samtaka, í því
sem öðru, að sjálfsagt var að hann færi strax og kallið kom. Svo
hjálpaði hún honum til að búa sig af stað, og bað fyrir honum, að
Guð væri í verki með, svo að hinn sjúki mætti fá bót meina sinna.
Á tuttugu og fimm ára giftingarafmæli þeirra Bjargar og Hernits
héldu Argyle-búar þeim veglegt samsæti og færðu þeim gjafir.
Björg var einlæg trúkona og örugg um samfundi við þá, sem
hún elskaði og á undan voru farnir. í þeirri trú og fullvissu kvaddi
hún börn sín með bros á vör og bæn í hjarta sínu, og þakkaði þeim
fyrir alla þeirra ást og umhyggju. Má um hana segja með Sigurbirni
Jóhannssyni skáldi:
„Til himneskrar sælu var sál hennar fús,
og sérhverjum okkar það bendi.
Hún kveður sín ástmenni, kveður sitt hús,
og kveðju til vinanna sendir.“
Björg andaðist á sjúkrahúsinu í Baldur 30. október 1952.
Kveðjuathöfn fór fram á heimili hennar og frá Grundar-kirkju.
Séra Jóhann Frederiksson jarðsöng.
Börnin, sem lifa móður sína eru: John Christoferson, lögmaður