Morgunblaðið - 14.02.2009, Qupperneq 18

18 FréttirVIÐSKIPTI | ATVINNULÍF
MORGUNBLAÐIÐ LAUGARDAGUR 14. FEBRÚAR 2009
„SALA á þorski er ennþá frekar þung,“ segir Sveinn Ari
Guðjónsson, sölustjóri hjá útgerðarfélaginu Vísi hf. í
Grindavík. Verð á mörkuðum hafi verið að lækka, sér-
staklega á dýrari tegundum. „Svo virðist sem botninum
sé ekki náð. Á meðan eru kaupendur hræddir við að sitja
uppi með mikið magn í einu,“ segir Sveinn og það skýri
litla aukningu á sölu eftir áramót.
Sigurgeir Brynjar Kristgeirsson, framkvæmdastjóri
Vinnslustöðvarinnar í Vestmannaeyjum, hefur svipaða
sögu að segja. Hann segir enn tregðu á mörkuðum og
beðið sé eftir að botninum sé náð. Þá muni kaupendur
taka við sér og salan taka kipp áður en verð hækkar.
Sigurgeir bendir á að það sé ekki bara kreppa á Ís-
landi. Um allan heim séu fyrirtæki að draga saman segl-
in, minnka birgðahald og fjárbindingu. Það er dýrt að
sitja uppi með mikið magn afurða á lager.
Samkvæmt þessu reyna allir að ýta birgðunum upp
keðjuna. Á endanum beina útgerðirnar skipum sínum í
verðminni tegundir en þorsk.
Eggert B. Guðmundsson, forstjóri HB Granda, segir
eðlilegt að kaupendur þorsks hafi viljað sitja uppi með
eins lítið af birgðum um áramótin. Allt lánsfé sé dýrt og
fjármögnun í Evrópu því þyngri. Salan hafi samt verið
ágæt í janúar og febrúar. bjorgvin@mbl.is
Enn treg sala á þorski
Morgunblaðið/Brynjar Gauti
Verðmætur Þorskurinn er dýr miðað við til dæmis ufsa og karfa. Í niðursveiflunni dregur úr ásókn í dýrari afurðir.
Kaupendur bíða eftir að verð á þorski nái botninum
567
567

'%(
)%*
- !,
-(!%
/
/
567
87
".%+
'+&
(!(
- !%
/
/
9:;<: 
=  %"*&(
"&+.
/ !(
/(!&
/
/
?
9@7
." ,(
.". +
/(!+
-(!
/
/
567+
567 
,.(
)'.
-.!.
- !(
/
/
ÞETTA HELST ...
● Vilhjálmur Bjarnason, lektor við Há-
skóla Íslands og framkvæmdastjóri
Samtaka fjárfesta, var í gærkvöldi val-
inn viðskiptafræðingur ársins af Fé-
lagi viðskiptafræðinga og hagfræðinga
á Íslenska þekkingardeginum, sér-
stakri ráðstefnu félagsins. Verðlaunin
voru veitt við hátíðlega athöfn í Salnum
í Kópavogi. Jafnframt var Þekkingarfyr-
irtæki ársins valið og hlaut CCP verð-
launin að þessu sinni, en fyrirtækið
hannar og rekur tölvuleikinn EVE On-
line sem notið hefur mikilla vinsælda.
thorbjorn@mbl.is
Vilhjálmur verðlaunaður
GJALDEYRISMARKAÐURINN
hér á landi er orðinn stöðugri og
virðist það hafa aukið traust á
efnahagsstefnu íslenskra stjórn-
valda, sem unnin er í samstarfi
við Alþjóðagjaldeyrissjóðinn. Tek-
ist hefur að koma á stöðugu gengi
og unnið er að því að koma á
áætlun í ríkisfjármálum til með-
allangs tíma en endurskipulagning
bankanna er nokkuð á eftir áætl-
un. Áætlun í peningamálum er á
réttri leið og farin að skila ár-
angri. Þetta er meðal þess sem
fram kemur í stöðuskýrslu sjóðs-
ins frá því í lok desember síðast-
liðnum.
Segir í skýrslunni að Seðlabank-
inn sé þeirrar skoðunar að nú séu
að skapast aðstæður til að lækka
stýrivexti smám saman og slaka á
hömlum á fjármagnsflutningum.
„Framvindan í endurskipulagn-
ingu fjármálageirans gengur vel
þótt stjórnvöld hafi skýrt frá því
að endurfjármögnun bankanna
geti dregist um 4-8 vikur vegna
flókinna viðræðna við lánardrottna
og endurskoðendur um að-
ferðafræði,“ segir í skýrslunni.
Þá segir sjóðurinn að nýjar
áhyggjur hafi vaknað af sparisjóð-
um á Íslandi, sem stjórnvöld séu
að takast á við. gretar@mbl.is
Áætlun í peninga-
málum á réttri leið
● Efnahags-
brotadeild bresku
lögreglunnar (The
Serious Fraud Of-
fice, SFO) íhugar
að hefja rannsókn
á starfsemi ís-
lensku bankanna,
Landsbankans og
Kaupþings, í Bret-
landi vegna þeirra áhrifa sem það hefur
haft viðskiptavini þeirra þar í landi.
Þetta var tilkynnt í fyrradag vegna
rannsóknar á starfsemi bandaríska
tryggingarisans AIG.
Fram kemur frétt á fréttavefnum
TimesOnline að stjórnmálamenn hafi
þrýst á að lögregluyfirvöld hefji slíka
rannsókn. gretar@mbl.is
Íhuga að hefja rannsókn
● FJÁRHÆÐIR sem fjármálafyrirtæki í
Bretlandi þurfa að greiða til trygg-
ingasjóðs innlána þar í landi munu
hækka um 42% á þessu ári í sam-
anburði við síðasta ár. Ástæðan er þær
háu greiðslur sem sjóðurinn hefur þurft
að greiða út að undanförnu vegna
hruns nokkurra banka, þar á meðal
dótturfélaga Landsbankans og Kaup-
þings í Bretlandi.
Segir í breskum vefmiðlum að þessar
álögur séu slæm tíðindi fyrir þau, þar
sem þau hafi nú þegar nóg með að tak-
ast á við áhrif kreppunnar á fjár-
málamarkaðinum. gretar@mbl.is
Álögur á banka aukast
FRÉTTASKÝRING
Eftir Þorbjörn Þórðarson
thorbjorn@mbl.is
SMÆRRI fjármálafyrirtæki sem
eiga stórar kröfur á Baug Group
munu hugsanlega krefjast þess að
kaupsamningi, um sölu Haga frá
Baugi til Gaums, verði rift svo Baug-
ur geti efnt skuldbindingar sínar
gagnvart þeim, samkvæmt heim-
ildum Morgunblaðsins.
Riftun kaupsamningsins er hins
vegar háð mikilli réttaróvissu. Jafn-
framt eiga aðrir kröfuhafar, eins og
Kaupþing, veð í eignum Haga. Þótt
samningnum yrði rift er þannig ekki
sjálfgefið að smærri kröfuhafar Baugs
fengju fullar efndir krafna sinna.
Gaumur, eignarhaldsfélag Jóns
Ásgeirs Jóhannessonar og fjölskyldu,
keypti Haga af Baugi í júlí í fyrra
með fulltingi Kaupþings, sem fjár-
magnaði kaupin. Kaupverð hefur
ekki fengist uppgefið. Meðal eigna
Haga eru Bónus, Hagkaup, 10-11,
Húsasmiðjan, Útilíf, Debenhams og
fleiri verslanir.
Áhyggjufullir stjórnendur
Forsvarsmenn smærri kröfuhafa
Baugs sem Morgunblaðið ræddi við
eru mjög áhyggjufullir yfir því að
ekki fáist greitt upp í kröfur eftir að
Landsbankinn fór fram á greiðslu-
stöðvun BG Holding, eignarhalds-
félags Baugs í Bretlandi. Áður hafði
Baugur kynnt Project Sunrise, sér-
staka áætlun um endurreisn félags-
ins sem unnin var í samstarfi við
skilanefnd Landsbankans, fyrir öll-
um helstu kröfuhöfum. Samninga-
viðræður stóðu í reynd yfir þegar
Landsbankinn fór fram á greiðslu-
stöðvun BG Holding.
Fyrir liggur að kröfur smærri ís-
lenskra fjármálafyrirtækja á Baug
Group, sem eru samanlagt 314,6
milljónir punda, eru mun verr
tryggðar en kröfur Landsbankans og
Glitnis, sem eru stærstu kröfuhafar
félagsins.
Kröfum breytt í hlutafé
Hugmyndir Baugs á grundvelli
Project Sunrise voru þær að til yrði
ný skuldlaus eining sem réði yfir nú-
verandi eignum BG Holding, eins og
Iceland Foods, House of Fraser og
Hamleys. Slík niðurstaða hefði falið í
sér að þeir sem eiga kröfur á Baug
Group í dag hefðu orðið hluthafar í
hinni nýju einingu þar sem skuldir
hefðu breyst í hlutafé. Meirihluti
nýrrar stjórnar hefði verið skipaður
fulltrúum skilanefnda Glitnis og
Landsbankans, en daglegur rekstur
og stjórnun hefði verið í höndum nú-
verandi stjórnenda Baugs. Fulltrúum
skilanefndar Landsbankans þóttu
þessar hugmyndir hins vegar á end-
anum óraunhæfar. Að fenginni ráð-
gjöf frá PricewaterhouseCoopers fór
skilanefndin síðan fram á greiðslu-
stöðvun BG Holding í Bretlandi.
Samkvæmt upplýsingum Morg-
unblaðsins munu þær eignir sem eftir
eru í Baugi Group, eftir að BG Hold-
ing var sett í greiðslustöðvun, duga
fyrir miklu minni verðmætum til
handa smærri fjármálafyrirtækjum
heldur en ef Project Sunrise hefði
gengið eftir. Svo dæmi sé tekið fund-
uðu forsvarsmenn Baugs með fulltrú-
um VBS fjárfestingarbanka í desem-
ber og gáfu þeir grænt ljós á
áætlunina. Var Fjármálaeftirlitið
einnig ánægt með að áætlunin kallaði
ekki á afskriftir hjá smærri fjármála-
fyrirtækjum.
Engar líkur eru á því að ákvörðun
um greiðslustöðvun BG Holding í
Bretlandi verði hnekkt. Stjórnendur
Baugs munu á næstu vikum funda
með fulltrúum smærri kröfuhafa og
kynna áætlanir um hvernig leysa
megi skuldbindingar félagsins gagn-
vart þeim.
Skoða riftun á sölu til Gaums
 Smærri kröfuhafar Baugs kunna að krefjast riftunar á sölu Haga til Gaums
 PwC ráðlagði skilanefnd að óska eftir greiðslustöðvun BG Holding
Landsfram-
leiðslan á evru-
svæðinu dróst að
jafnaði saman
um 1,5% á fjórða
fjórðungi ársins
2008. Þetta var
mesti samdráttur
á evrusvæðinu
frá því evran var
fyrst kynnt til
sögunnar á árinu 1999. Þá var
þeitta þriðji ársfjórðungurinn í röð
sem landsframleiðslan minnkaði
milli fjórðunga.
Minnkandi eftirspurn hafði mest
að segja um samdráttinn á fjórða
ársfjórðungi 2008, samkvæmt er-
lendum vefmiðlum. gretar@mbl.is
Mesti sam-
drátturinn
NBI hf. (Landsbankinn) hefur til-
kynnt Marel að stofnað hafi verið
fjárfestingarfélagið Horn Fjárfest-
ingarfélag ehf. utan um hlutabréfa-
eign bankans. Horn Fjárfesting-
arfélag hefur yfirtekið nær allar
hlutabréfaeignir í skráðum og
óskráðum félögum sem fluttust frá
Landsbanka Íslands til NBI.
Markmiðið er að aðgreina ut-
anumhald vegna fjárfestinga í
hlutabréfum frá meginstarfsemi
bankans. gretar@mbl.is
Dótturfélag
um hlutabréf
Viðskiptaráð segir að stjórnvöld og
embættismenn ættu að sýna gott
fordæmi með því að láta flokka-
drætti og pólitískan hégóma víkja
fyrir þjóðarhagsmunum og leggja
alla áherslu á að veita góðum og
mikilvægum verkefnum braut-
argengi.
„Traust til stjórnsýslu, stjórn-
valda og Alþingis hefur beðið tals-
verðan hnekki í því umróti sem
fylgt hefur falli bankanna. Ein birt-
ingarmynd þessarar stöðu voru há-
værar kröfur um gagngerar breyt-
ingar innan ríkisstjórnar og
ákveðinna stofnana hins opinbera,“
segir ráðið í greinargerð sem birt
var í gær. gretar@mbl.is
Vilja að
hégómi víki
● VELTA í dagvöruverslun dróst saman
um 6,8% á föstu verðlagi í janúar síð-
astliðnum miðað við sama mánuð árið
áður en jókst um 23,1% á breytilegu
verðlagi. Velta í dagvöruverslun hefur
ekki verið minni frá því í byrjun árs
2007 að raunvirði þó neytendur verji
mun fleiri krónum til innkaupanna,
samkvæmt nýjum tölum frá Rannsókn-
arsetri verslunarinnar.
Sala á áfengi jókst en fataverslun
dróst hins vegar saman. Þá minnkaði
velta í húsgagnaverslun um 22% á
föstu verðlagi þrátt fyrir um 31% verð-
hækkun á 12 mánuðum. gretar@mbl.is
Dagvöruverslun
ekki minni í tvö ár
ALISTAIR Darling, fjármálaráð-
herra Bretlands, sagði við frétta-
menn í gær eftir fund fjár-
málaráðherra G7 ríkjanna að nýr
fjármálaráðherra Bandaríkjanna,
Timothy Geithner, virtist mjög ein-
beittur í að glíma við þau vandamál
sem felast í verndartollastefnu og
að hann væri mjög meðvitaður um
skuldbindingar Bandaríkjanna
gagnvart öðrum ríkjum heimsins.
Fundurinn í gær, sem var haldinn á
hóteli í Róm, var fyrsti fundur Dar-
lings og Geithners. thorbjorn@mbl.is
Reuters
Darling sáttur með Geithner