Morgunblaðið - 28.02.2009, Page 4

4 FréttirINNLENT
MORGUNBLAÐIÐ LAUGARDAGUR 28. FEBRÚAR 2009
Hlustaði á heimamenn
 Heilbrigðisráðherra ákveður að heilbrigðisstofnanir á Patreksfirði og Ísafirði
verði ekki sameinaðar  Heilbrigðisstofnun Vesturlands tekur til starfa 1. júlí
Eftir Guðna Einarsson
gudni@mbl.is
ÖGMUNDUR Jónasson heilbrigðisráðherra til-
kynnti í gær að ekkert yrði af áformum um samein-
ingu Heilbrigðisstofnunar Vest-
fjarða á Ísafirði og
Heilbrigðisstofnunar Patreks-
fjarðar. Ögmundur tók ákvörð-
unina eftir að hafa rætt við
sveitarstjórnarmenn á norðan-
verðum Vestfjörðum og fram-
kvæmdastjórn Heilbrigðis-
stofnunar Vestfjarða.
„Hvorki á Patreksfirði né
Ísafirði komu menn auga á hag-
ræðið af slíkri stofnanalegri
sameiningu,“ sagði Ögmundur í samtali við Morg-
unblaðið í gærkvöldi. Hann heimsótti heilbrigðis-
stofnanir fyrir vestan og ræddi við starfsmenn
þeirra og sveitarstjórnarmenn á svæðinu. Ögmund-
ur sagði að sér hefði þótt sjónarmið og röksemdir
forsvarsmanna heilbrigðistofnana og sveitarstjórna
hafa verið sannfærandi. Svo virtist sem útreikn-
ingar um mögulegan sparnað af fyrirhugaðri sam-
einingu hefðu ekki hvílt á traustum forsendum.
„Menn töldu hins vegar að það væri vænlegra að
vinna að því markmiði að ná fram hagræðingu án
þess að sameina stofnanir. Þar sem þetta er vilji
heimamanna og niðurstaða sem þeir komast að að
yfirveguðu ráði þá ákvað ég að þessi sameining yrði
slegin út af borðinu.“
Auk Vestfjarða heimsótti Ögmundur einnig
Vesturland í ferð sinni. Hann átti þar m.a. fundi
með forstöðumönnum heilbrigðisstofnana og sveit-
arstjórna og kom einnig við á Hólmavík. Ögmundur
sagði að á þessum stöðum væri vilji fyrir því að heil-
brigðisstofnanir á Akranesi, í Borgarnesi, á Snæ-
fellsnesi, í Búðardal og á Hólmavík verði samein-
aðar í Heilbrigðisstofnun Vesturlands sem taki til
starfa 1. júlí nk. „Þetta er byggt á almennum vilja á
öllum þessum stöðum,“ sagði Ögmundur.
„Markmiðin standa um að fara að fjárlögum og
að ná fram hagræðingu, en við erum ekki búin að
binda okkur inn í tiltekið form til að ná þessum
markmiðum. Við hlustum á sjónarmið heima-
manna,“ sagði Ögmundur.
Í HNOTSKURN
»Fyrrverandi heilbrigðisráðherra kynntihugmyndir um skipulagsbreytingar í
heilbrigðisþjónustu 7. janúar 2009.
»Lagt var m.a. til að heilbrigðisstofnanirá Patreksfirði og Ísafirði yrðu samein-
aðar. Í þeim fólst m.a. mikil sameining heil-
brigðisstofnana og heilsugæslustöðva og
miklar skipulagsbreytingar í rekstri.
Ögmundur
Jónasson
RÍKISSTJÓRNIN samþykkti á fundi
sínum í gærmorgun frumvarp dóms-
málaráðherra um breytingar á lögum
um embætti sérstaks saksóknara.
Heimildir hans til að kalla eftir upp-
lýsingum og gögnum verða auknar.
Ólafur Þór Hauksson, sérstakur
saksóknari, segir að með þessum
breytingum séu settar skýrar línur
gagnvart þeim stofnunum sem emb-
ættið þarf að eiga samskipti við. „Við
höfum átt í góðu samstarfi við flesta
aðila, en ef það koma upp vafaatriði eru þau til þess fallin
að tefja starf embættisins og satt best að segja hef ég
ekki of langan tíma á hendi,“ segir Ólafur sem vill þó ekki
tiltaka neinar stofnanir.
Hann segir ljóst að heimildir embættisins verði að vera
sterkar enda á það að taka á alvarlegustu málunum. „Það
eru miklar væntingar til embættisins og ef við þurfum að
bíða eftir gögnum í lengri tíma erum við ekki að fara yfir
á þeim hraða sem ætlast er til.“ andri@mbl.is
Vafaatriði til þess fallin að
tefja starf embættisins
Auknar heimildir sérstaks
saksóknara til að afla gagna
Ólafur Þór
Hauksson
SENN líður að því að bankastjórar,
ráðherrar og aðrir þeir sem aðild
áttu að atburðum sem leiddu til falls
bankanna í októ-
ber í fyrra verði
kallaðir til
skýrslutöku hjá
rannsóknarnefnd
Alþingis um
bankahrunið.
Þetta staðfesti
Páll Hreinsson,
formaður nefnd-
arinnar, í samtali
við mbl.is í gær.
Með honum í nefndinni er Tryggvi
Gunnarsson, hrl. og umboðsmaður
Alþingis, og Sigríður Benediktsdótt-
ir, hagfræðingur við Yale-háskóla.
„Ég reikna með því að mögulegt
verði að kalla í skýrslutöku aðila sem
við teljum vert að ræða við, þar á
meðal bankastjóra, ráðherra og
stjórnmálamenn, um miðjan næsta
mánuð ef allt gengur að óskum,“
sagði Páll í samtali við mbl.is.
Meginhlutverk nefndarinnar er að
safna upplýsingum um staðreyndir
sem við koma bankahruninu, draga
upp heildarmynd af aðdraganda að
falli bankanna og svara því hverjar
hafi verið orsakir þess. Þá er nefnd-
inni einnig ætlað að leggja mat á
hvort um mistök eða vanrækslu hafi
verið að ræða við framkvæmd ein-
stakra laga og reglna um fjármála-
starfsemi á Íslandi og eftirlit með
henni og hverjir kunni að bera
ábyrgð á því. Páll segir nefndina
meðal annars vera að skoða áhrif
kerfislægra breytinga á íslenskt
efnahagslíf. magnush@mbl.is
Skýrslur
af ráða-
mönnum
Páll Hreinsson
BANDARÍSK stjórnvöld fordæmdu
í gær ákvörðun íslenskra stjórn-
valda um að auka umtalsvert veiði-
kvóta á hvölum. Þau lýstu einnig yf-
ir áhyggjum sínum af því, að
stofnar langreyðar og hrefnu væru
ekki nógu stórir til að standa undir
slíkum veiðum.
Bandaríska utanríkisráðuneytið
kvaðst hvetja íslensk stjórnvöld til
að afturkalla þessa ákvörðun og að
einbeita sér að verndun hvalastofna
til lengri tíma fremur en skamm-
tíma hagsmunum hvalveiða.
Ráðuneytið sagði og að ákvörð-
unin kynni að grafa undan við-
ræðum um framtíð Alþjóðahval-
veiðiráðsins.
Fordæma
hvalveiðar
ÍSLENSKU auglýsingaverðlaunin, Lúðurinn
2008, voru afhent á Lúðrahátíð á Hilton Reykja-
vík Nordica í gærkvöldi.
Á myndinni sést Viggó Örn Jónsson, hjá Jóns-
son og Le’macks, taka á móti verðlaunum fyrir
auglýsingaherferð ársins úr hendi Gylfa Þórs
Þorsteinssonar, auglýsingastjóra Morgunblaðs-
ins. Verðlaunin voru veitt fyrir markaðs-
herferðina „Glæpafaraldur“ sem unnin var fyrir
Eymundsson og dómnefnd valdi.
Almenningur valdi einnig auglýsingaherferð
ársins 2008 í samvinnu við mbl.is Fyrir valinu
varð herferð sem Fíton vann fyrir Vodafone.
Veitt voru verðlaun í fjórtán flokkum og kepptu
fimm auglýsingar í hverjum flokki.
Íslensku auglýsingaverðlaunin, Lúðurinn 2008, voru afhent í gærkvöldi
Glæpafaraldur Eymundsson í efsta sæti
Morgunblaðið/Árni Sæberg
RÍKISSTJÓRNIN af-
greiddi á fundi sínum í
gærmorgun sex frum-
vörp til laga. Þar á með-
al frumvarp um breyt-
ingu á lögum um
tekjuskatt og lögum um
staðgreiðslu opinberra
gjalda. Verði lögin sam-
þykkt á Alþingi eiga þau
að torvelda fjármagns-
flutninga í skattapara-
dísir.
Í samtali við fréttavef
Morgunblaðsins, mbl.is,
sagði Steingrímur J.
Sigfússon, fjár-
málaráðherra, að laga-
setningin væri löngu
tímabær og í raun væri
verið að færa löggjöfina
til samræmis við löggjöf
víðast hvar annars stað-
ar. Steingrímur sagði
einnig að ef slíkar reglur
hefðu verið við lýði und-
anfarin ár hefðu komið
til miklar tekjur fyrir rík-
issjóð.
Frumvörpin verða
send þingflokkum
stjórnarflokkanna til af-
greiðslu og þingflokki
Framsóknarflokks til
kynningar og í framhaldi
lögð fyrir Alþingi.
Löngu tímabær löggjöf
Skattaparadísir
MBL.IS | SJÓNVARP
ELDRI BORGARA FERÐIR
um fornar byggðir á Suður-Grænlandi.
Fimm daga ferðir í júlí og ágúst. Allt innifalið.
Allar upplýsingar veitir Emil Guðmundsson í síma 898 9776.
Einnig hægt að senda tölvupóst á emil@flugfelag.is
REYKJAVÍK
Grænland
Narsarsuaq
ÍS
L
E
N
S
K
A
/S
IA
.I
S
/F
L
U
45
01
1
02
.2
00
9
flugfelag.is