Morgunblaðið - 18.08.2009, Blaðsíða 4

4 FréttirINNLENT
MORGUNBLAÐIÐ ÞRIÐJUDAGUR 18. ÁGÚST 2009
ALLS hafði 961 erlendur hlaupari
skráð sig í gær til þátttöku í Reykja-
víkurmaraþoni Íslandsbanka sem
fram fer á laugardaginn.
Hlaupararnir erlendu eru af 47
þjóðernum og hefur því nú þegar
met verið slegið í fjölda þátt-
tökuþjóða en í fyrra voru erlendir
þátttakendur frá 44 löndum, að því
er fram kom á blaðamannafundi
Reykjavíkurmaraþons í gær.
Þá voru alls 4.132 búnir að skrá
sig í hlaupið og er um að ræða 5%
fjölgun frá því á sama tíma í fyrra.
Nokkrar nýjungar verða í Reykja-
víkurmaraþoninu í ár.
Hægt verður að fylgjast með á
heimasíðunni marathon.is hvernig
hlaupurum gengur. Allir hlauparar í
keppnisvegalengdunum hlaupa með
sérstaka tímatökuflögu sem fest er í
skóreimar þeirra.
Tímatökutæki senda upplýsingar
með símkortum á netið svo hægt sé
að fylgjast með.
Þeim sem hlaupa 10 km býðst nú
aðstoð við að ná hraðamarkmiðum
sínum í hlaupinu. Fimm hrað-
astjórar munu hlaupa 10 km á
ákveðnum jöfnum hraða.
ingibjorg@mbl.is
Metfjöldi þátttökuþjóða í
Reykjavíkurmaraþoninu
Fylgst með tím-
anum á netinu
Morgunblaðið/Eggert
Stjórnendur hlaupsins Knútur Óskarsson, Svava Oddný Ásgeirsdóttir, Jó-
hanna Eiríksdóttir, Anna Lilja Sigurðardóttir og Frímann Ari Ferdinandsson.
Vilja lækka
laun hand-
hafa for-
setavalds
EFNAHAGS- og skattanefnd Al-
þingis lagði í dag fram lagafrum-
varp á Alþingi um að handhafar for-
setavalds fái samanlagt fimmtung
launa forseta þann tíma sem þeir
fara með forsetavald um stund-
arsakir. Samkvæmt núgildandi lög-
um fá handhafar forsetavalds sam-
tals jafnhá laun og forsetinn á
meðan þeir fara með forsetavald.
Fram kemur í greinargerð með
frumvarpinu, að það sé liður í
stefnu stjórnvalda að ná fram hag-
ræðingu og sparnaði í ríkisrekstri.
Greiðslur til handhafa forsetavalds
hafa numið um 10 milljónum króna
sl. fimm ár á núverandi verðlagi og
lækka því í 2 milljónir verði störf
handhafanna framvegis áþekk því
sem verið hefur.
Magnús Orri Schram, sem situr í
efnahags- og skattanefnd, mælti
fyrir frumvarpinu. Vigdís Hauks-
dóttir, þingmaður Framsóknar-
flokksins, segir frumvarpið brjóta
gegn stjórnarskránni, sem kveði á
um að óheimilt sé að lækka laun
forseta Íslands. Svipuð sjónarmið
komu fram hjá þingmönnum Sjálf-
stæðisflokks.
Þingnefndin mun taka málið til
skoðunar fyrir aðra umræðu á
þinginu.
Fái fimmtung af
launum forseta
Eftir Skúla Á. Sigurðsson
skulias@mbl.is
ÞORKELL SKÚLI Þorsteinsson, sólskins-
drengur, hefur tekið töluverðum framförum í
meðferð fyrir einhverfa hjá Halo-stofnuninni í
höfuðborg Texas-ríkis, Austin. Þar býr hann nú
með foreldrum sínum og tveimur bræðrum.
„Hann bregst mjög vel við meðferðinni,“ segir
Margrét Dagmar Eiríksdóttir, móðir Þorkels.
Hann sé orðinn mun sjálfstæðari, með meira
sjálfstraust og rólegri. „Hann hefur breyst mikið
og hann er farinn að haga sér miklu betur,“ segir
Margrét. Það geri honum fært að vera hluti af
daglegu lífi fjölskyldunnar og taka þátt þegar hún
gerir sér dagamun.
Lýrískur, einlægur og skrifar sögur
„Þessi meðferð gerir ráð fyrir að hann hafi eðli-
lega greind jafnvel þó hann hagi sér allt öðruvísi,“
segir Margrét en Þorkell mun þegar líður á með-
ferðina hefja nám í hefðbundnum skóla og nema
þar sögu, stærðfræði og fleira. Um er að ræða
svokallaða rapid prompting method-meðferð og
með henni hefur Þorkeli meðal annars verið gert
kleift að tjá sig með því að stafa orð.
Meðferðin felur einnig í sér að skrifa stuttar
sögur. „Hann er svo lýrískur, svo saklaus og ein-
lægur,“ segir Margrét og að þær veiti fjölskyld-
unni aukinn þrótt í baráttunni.
„Þetta tekur tíma og við gerum okkur grein fyr-
ir að hann verður alltaf mjög einhverfur,“ segir
Margrét, árangurinn komi hægt og rólega og
meðferðin sé ekki töfralausn. Hún geti hins vegar
orðið til þess að einhverfir geti lifað sjálfstæðara
lífi í samfélaginu – það sé mjög mikils virði.
„Nú tölum við í rauninni ekki um hann heldur
við hann,“ segir Margrét og kveður það mikla
breytingu. Hún segir fjölskylduna fá að kynnast
Þorkeli í fyrsta sinn eftir að hann fór að geta tjáð
sig. „Hann virðist til dæmis vera ágætlega að sér í
pólitík og fleira, sem við höfðum ekki hugmynd
um,“ segir Margrét og hlær. Með tjáningunni seg-
ir Margrét Þorkel stíga út úr því sem hún kallar
fangelsi einhverfunnar.
Laus úr „fangelsi einhverfunnar“
 Pilturinn úr heimildamyndinni Sólskinsdrengur tekur framförum jafnt og þétt
 Móðir Þorkels Skúla segir fjölskylduna í raun fá að kynnast honum í fyrsta sinn
Mæðgin Margrét og Þorkell Skúli.
VIÐ Laugalækjarskóla hefur verið byggð upp mjög
góð aðstaða fyrir þá sem hugnast að leika sér á alls
kyns hjólum. Krakkarnir hafa ekki látið sitt eftir liggja
og leika allar sínar helstu kúnstir, hvort sem er á hjól-
hestinum, hjólabrettinu eða einhverju öðru farartæki á
hjólum. Línuskautarnir duga t.d. vel til leikja í slíkri
aðstöðu og má ekki alveg kalla þá farartæki eins og
hvað annað?
Morgunblaðið/Eggert
AÐSTAÐA TIL HJÓLABRELLNA
ÍSLENDINGAR fá ekki annað
tækifæri til að kanna hvort skyn-
samlegra hefði verið að bregðast
öðruvísi við hér á landi eftir 5 ár. Því
er nauðsynlegt að nýta nú þegar all-
ar færar leiðir til að vinna gegn nei-
kvæðum afleiðingum efnahags-
kreppunnar á heilsu og félagslega
stöðu til að forðast heilsubrest og
hamla gegn aukningu útgjalda á
sviði heilbrigðis- og félagsmála.
Þetta er meðal þess sem kemur
fram í nýrri skýrslu sem starfshópur
á vegum heilbrigðisráðuneytisins
hefur unnið um sálfélagslega velferð
barna á tímum efnahagsþrenginga.
Skýrslan var kynnt á ráðstefnunni
Velferð íslenskra barna – sóknar-
færi á umbrotatímum, sem haldin
var í gær, en starfshópurinn var
skipaður af þáverandi heilbrigðis-
ráðherra, Guðlaugi Þór Þórðarsyni.
Í starfi hópsins var horft sérstaklega
til reynslu annarra þjóða af svipuðu
hruni og efnahagsþrengingum og
hér urðu á liðnu hausti.
Fá ekki annað
tækifæri
Morgunblaðið/Eggert
Kreppa Nauðsynlegt er að huga að
börnunum í kreppunni.
JÓN Kristinsson, fyrrv.
rakarameistari, lést að
dvalarheimilinu Hlíð á
Akureyri á sunnudag-
inn var, 93 ára að aldri.
Jón fæddist 2. júlí
1916 á Kambfelli, Eyja-
firði. Foreldrar hans
voru Kristinn Stef-
ánsson, verkamaður á
Akureyri, og kona
hans, Elínborg Jóns-
dóttir.
Jón tók próf í rak-
araiðn 1941 og var rak-
ari á Akureyri til 1965.
Þá varð hann forstöðumaður dval-
arheimilisins að Skjaldarvík og síð-
ar Hlíðar.
Jón var formaður íþróttafélags-
ins Þórs 1941-44 og formaður
Leikfélags Akureyrar í um tólf ár
frá 1967. Í formannstíð hans steig
leikfélagið það stóra skref að ger-
ast atvinnuleikhús 1973. Hann var
einnig formaður Náttúrulækninga-
félags Akureyrar um
tíma. Jón kvæntist
Arnþrúði Ingimars-
dóttur (f. 1918, d.
1993). Börn þeirra
eru leikararnir Arn-
ar og Helga og fóst-
urdóttir ættleidd
Arnþrúður táknmáls-
túlkur.
Í desember sl. var
afhjúpaður minn-
isvarði á Akureyri
um meint umferð-
arlagabrot Jóns, en
brotið varð til þess
að réttarskipan var breytt hér á
landi og skilið með óyggjandi hætti
milli dóms- og framkvæmdavalds.
Jón var sakfelldur í Sakadómi Ak-
ureyrar og dómurinn var stað-
festur í Hæstarétti en Jón leitaði
til Mannréttindadómstóls Evrópu.
Þegar ljóst varð að íslenska ríkið
myndi tapa málinu í Strassborg
leitaði það sátta við Jón.
Andlát
Jón Kristinsson