Morgunblaðið - 31.10.2009, Síða 27

Daglegt líf 27
MORGUNBLAÐIÐ LAUGARDAGUR 31. OKTÓBER 2009
Það má sannarlega segja að það sé
búinn að vera mikill kraftur í at-
vinnulífinu á Djúpavogi það sem af
er hausti og eiga höfnin, útgerðir
stórar sem smáar og fiskvinnslu-
stöðvarnar á staðnum þar stærstan
hlut að máli.
Stöðug vinna hefur verið hjá
stærsta atvinnurekandanum á
staðnum, Vísi hf., sem er sem áður
grunnstoðin í atvinnulífinu á Djúpa-
vogi.
  
Þá hefur sömuleiðis verið mikið að
gera hjá eigendum Fiskmarkaðar
Djúpavogs en markaðurinn er í eigu
þriggja vaskra heimamanna sem
hafa starfrækt hann á þriðja ár.
Fiskmarkaður Djúpavogs veitir fjöl-
þætta þjónustu og sér meðal annars
um löndun úr fiskiskipum er hafa
aflað mjög vel að undanförnu á hin-
um fengsælu miðum í nágrenni
Djúpavogs.
Fiskmarkaður Djúpavogs hefur
fengið afburðagóða umsögn fjölda
sjómanna og útgerða vegna góðrar
þjónustu og hefur það tvímælalaust
skilað sér í auknum viðskiptum og
umferð um höfnina sem kemur að
sjálfsögðu sveitarsjóði Djúpavogs
einnig vel, ekki síst í því árferði sem
nú er.
  
Í fréttum á undanförnum vikum hef-
ur verið fjallað umtalsvert um rán
það sem framið var á bænum Teig-
arhorni sem er skammt innan við
þéttbýlið á Djúpavogi. Íbúar í
Djúpavogshreppi vonast að sjálf-
sögðu til að mál þetta verði upplýst
sem allra fyrst þar sem sannarlega
er mjög slæmt að búa við óöryggi
sem þetta en búast má jafnvel við að
rán þetta á geislasteinasafninu á
Teigarhorni kalli í framhaldi á al-
mennt endurmat á vörslu safna-
muna í hvaða mynd sem er.
Ferðamál eru sannarlega atvinnu-
mál í Djúpavogshreppi sem unnið er
að allan ársins hring og þar hefur
Bryndís Reynisdóttir, ferða- og
menningarmálafulltrúi Djúpavogs-
hrepps, unnið frábært starf frá því
hún hóf störf á síðastliðnu ári. Bryn-
dís hefur meðal annars haft með
höndum að markaðssetja og koma
ferðaþjónustutengdri starfsemi sem
er í boði í sveitarfélaginu á framfæri
með ýmsum hætti. Ferða- og menn-
ingarmálafulltrúi hefur mörg verk-
efni á sínu borði og má þar nefna
markaðssetningu fyrir skemmti-
ferðaskip sem mikil áhersla er lögð á
nú um stundir, svo hefur hún kynnt
fuglaverkefnið birds.is víða, m.a. á
nýliðnu Umhverfisþingi og hefur
verkefnið hlotið einróma lof. Fugla-
verkefnið birds.is hlaut einmitt
Frumkvöðlaverðlaun Austurlands á
árinu. Ýmis önnur spennandi verk-
efni eru á teikniborði Djúpavogs-
hrepps í ferða- og menningarmálum
og því nóg að gera í hinu nýja og
framandi starfi ferða- og menning-
armálafulltrúa.
  
Á Austurlandi er árlega efnt til dag-
skrár undir nafninu Dagar myrkurs
en uppákomur í tengslum við dag-
skrá þessa hafa ævinlega vakið
mikla athygli og hafa sömuleiðis ver-
ið vel sóttar af íbúum á Djúpavogi.
Margt spennandi verður á dagskrá
Daga myrkurs á Djúpavogi að þessu
sinni og hefur ferða- og menningar-
málafulltrúi unnið að skipulagningu
og gefið út viðburðadagatal tengt
þessari hátíð sem stendur frá 5.-15.
nóvember. Meðal dagskrárliða er að
keppt verður í afturgöngu, útburði
og beinagrindarhlaupi en hápunktur
hátíðarinnar verður væntanlega hin
árvissa og sívinsæla Sviðamessa sem
verður haldin á Hótel Framtíð þar
sem verður margt til skemmtunar.
  
Íbúar á Djúpavogi eru bjartsýnir um
þessar mundir þrátt fyrir ýmsa óár-
an í þjóðfélaginu og eru staðráðnir í
að halda áfram að byggja upp gott
og fjölskylduvænt samfélag á
Djúpavogi eins og unnið hefur verið
að á síðustu árum.
DJÚPIVOGUR
Andrés Skúlason fréttaritari
Morgunblaðið/Andrés Skúlason
Fiskur Sigurjón Stefánsson hefur í nógu að snúast á Fiskmarkaði Djúpavogs.
Að gefnu tilefni reikaði hugurHallmundar Kristinssonar aft-
ur til heitra sumra í sveitinni upp
úr miðri síðustu öld:
Vinsælar frásagnir verða ekki hraktar
um veðrið í eyfirskri sveit,
heimasæturnar næstum því naktar
og nautgripahjörð á beit.
Björn Ingólfsson var fljótur að
snúa út úr fyrir Hallmundi:
Upp eru rifjaðir ýmsir taktar
frá eyfirskum sveitabæjum:
Heimasæturnar hér um bil naktar
og Hallmundur lá á gægjum.
En Hallmundur kannaðist við lýs-
inguna:
Mörgum atriðum sem ég sá
segi ég ekki neinum frá.
Fjarlægðin gerir fjöllin blá
og fríðleikann meiri eftir á.
Loks gekk Helgi Zimsen alltof
langt … í kveðskapnum, er hann
orti til Hallmundar:
Bláar myndir minninganna
mýkja bæði og herða.
Fjarska- máttir fögur kanna
fljóð, en aldrei … ganga of langt.
VÍSNAHORN pebl@mbl.is
Af nekt og heimasætum
GESTIR þáttarins Orð skulu standa
í dag eru Einar Sveinbjörnsson veð-
urfræðingur og Hlín Einarsdóttir
bókmenntafræðingur. Þau fást m.a.
við nafnorðið „góna“ og lýsingarorðið
„sverðlítill“.
Fyrriparturinn er svona:
Blóðmörskeppur, krásin ein,
kaldri ornar minni sál.
Um nýliðna helgi var fyrripart-
urinn þessi:
Deilur halda helgir menn
í heiðri nú sem áður.
Í þættinum botnaði Hlín Agnars-
dóttir:
Bardagana biskup senn
bannar sár og þjáður.
Arnbjörn Þorgeirsdóttir m.a.:
En finnst í kirkjum Frónsins enn,
sem fylltu áður hundruð tvenn,
gestur, yfirgefinn, einn og þjáður.
Davíð Þór Jónsson taldi enga
„helga menn“ eiga hér í hlut, en sótti
botn til séra Gunnþórs Ingasonar:
Fara boðskap framhjá enn,
sem friður lífs er háður.
Erik Hirt:
Lítil von þeir lagist senn,
lausnarinn er þjáður.
Úr hópi hlustenda botnaði Har-
aldur Hauksson á Akureyri:
Kjassa ungar konur enn
og krjúpa svo við gráður.
Tómas Tómasson:
Á Selfossi býr syndin enn
og sálarháski bráður.
Þorkell Skúlason í Kópavogi:
Á dyggðavegi ég rása og renn,
römmu valdi háður.
Jónas Frímannsson:
Stríði veldur stundum enn
stuttur kveikiþráður.
Erlendur Hansen á Sauðárkróki
heldur áfram að leika sér að forminu:
Kærleiksverkin koma senn,
hvarmaljósin leiftra enn,
himinninn stjörnum stráður.
Orð skulu standa
Blóðmörskeppur,
krásin ein
Morgunblaðið/Kristinn
Sláturkeppir Herramannsmatur.
Hlustendur geta sent botna og til-
lögur að fyrripörtum í ord@ruv.is
eða til Orð skulu standa, Rík-
isútvarpinu, Efstaleiti 1, 150
Reykjavík.
AUGLÝSINGADEILD netfang: augl@mbl.is, sími 569 1111
www.gisting.dk/gisting.html
sími: 499 20 40 (Íslenskt símanúmer)
Ódýr gisting í Kaupmannahöfn
Herbergi frá Dkk 300 Íbúðir frá Dkk 1200
ÁSDÍS OG ELDFUGLINN
Ásdís Valdimarsdóttir er ein þeirra Íslendinga
sem hafa náð hvað lengst í tónlist á alþjóðlegum
vettvangi. Hún hefur komið fram með mörgum
helstu tónlistarmönnum heims, var m.a.
víóluleikari Chilingirian-kvartettsins um árabil.
Nú leikur hún víólukonsert Walton, sem þykir
einn sá besti sem saminn hefur verið.
Tryggðu þér miða á www.sinfonia.is
eða í síma 545 2500