Saga - 1976, Page 106

98
JÓN Þ. ÞÓR
lands, en árið 1875 hóf Tryggvi Gunnarsson að hvetja til
hennar og fékk vestfirzka fiskverkunarmenn til þess að
kenna Norðlendingum verkunaraðferð sína. Bar þetta fljót-
lega góðan árangur og færðist saltfiskverkun nú mjög í
vöxt nyrðra. Einkum kom þetta sér vel fyrir íbúa útsveit-
anna því að skömmu eftir 1880 fór heldur að draga úr há-
karlaveiðunum. 1 verzlunarstjóratíð Snorra Pálssonar voru
reist tvö salthús á verzlunarsvæði Siglufjarðarverzlunar:
hið fyrra í Hraunakrók í Fljótum árið 1878, en hið síðara
í Ólafsfirði 1879. Um aðrar vörutegundir, sem nefndar eru
í töflunni er óþarft að fullyrða, en þess skal þó getið, að æ
erfiðara varð að selja íslenzku ullina erlendis, og verð á
harðfiski fór stöðugt lækkandi. Ýmsar fleiri vörutegundir
fluttust að jafnaði frá Siglufirði, en ekki er ástæða til að
geta þeirra hér, að einni þó undanskilinni. Árið 1880 flutt-
ist saltsíld í fyrsta skipti frá Siglufirði. Magnið var ekki
mikið, en þó sannarlega mjór vísir til annars meira.
Þegar litið er á sögu Siglufjarðarverzlunar í heild á
verzlunarstjóratíð Snorra Pálssonar virðist næsta einsætt
að hún hafi gengið vel, einkum þó eftir að verzlunin varð
eign Gránufélagsins. Aukning út- og innfluttrar vöru varð
mikil að verðmæti og fjölbreytni vörutegundanna jókst
stöðugt. Ástand verzlunarinnar á hverjum tíma endur-
speglar alla jafna afkomu viðskiptavinanna og bendir þetta
því til þess, að Siglfirðingum hafi búnast heldur vel á
þessum árum.
III. A thafnama'öurinn.
1. Útgerö og tilraunir til nýjunga í veiöiskap.
Því hefur verið lýst hér að framan, hve veigamikill
þáttur hákarlaveiðar voru í athafnalífi íbúanna í út-
sveitum Eyjafjarðar á öldinni, sem leið. Snorri Pálsson
var mjög áhugasamur um öll atvinnumál, og þess vegna
þarf engan að undra að hann eignaðist snemma hlut í
þilskipi og ætti þannig beinan þátt í veiðum þessum.