Saga - 1976, Side 222

212
JÓN GUÐNASON
gefandi fékk þá Sverri og Tómas Guðmundsson til þess
að semja þjóðlífsþætti eða mannlífsmyndir handa tímariti
sínu Satt. Síðar hóf hann að gefa út þessa þætti í bókum,
sem báru samheitið Islenzkir örlagaþættir, og komu út 10
bækur á árunum 1964 til 1973:
Konur og kraftaskáld 1964
Undir hauststjörnum 1965
1 veraldarvolki 1966
Horfin tíð 1967
Minnisverðir menn 1968
Mannlífsmyndir 1969
Með vorskipum 1970
Gamlar slóðir 1971
Fýkur í sporin 1972
Gullnir strengir 1973
I þáttum sínum f jallar Sverrir yfirleitt um einstaka menn,
en þættirnir eru í flestum tilvikum ekki einföld ævirakn-
ing heldur jafnframt lýsing á aldarfari og þjóðfélagshátt-
um. Með beztu ritgerðum Sverris af þessu tagi eru þættir
hans um Hallgrím Pétursson, Odd Sigurðsson lögmann,
Jón Þorláksson á Bægisá og Sigurð Breiðfjörð.
Þjóðmálagreinar.
Sverri Kristjánssyni nægði ekki að sitja í kyrrlátu sæti
kennarans og fræðimannsins. Hann leit á það sem skyldu
sína að vinna þjóðmálaskoðunum sínum og þeim stjórn-
málaflokki, sem hann fylgdi að málum, allt sem á hans
færi var. Hann var það sem Frakkar kalla homme engagé,
virkur borgari. Einn þátturinn í pólitísku starfi Sverris
var að fara í framboð fyrir Sósíalistaflokkinn í Rangár-
vallasýslu í þingkosningunum haustið 1942 og í Gullbringu-
og Kjósarsýslu 1946. Þeir, sem þá hirtu hinn pólitíska urta-
garð, sáu skjótt, að arfi hafði komizt í hann. Þegar Sverr-
ir, þessi sonur malarinnar og borgarstrætanna, réðst í
framboð í Rangárvallasýslu, einu flekklausasta sveitakjör-
dæmi landsins, sagði blað bænda, Tíminn 24. september