Organistablaðið - 01.01.1986, Blaðsíða 25

undirleiks. Þrjú síðastnefndu verkin voru
frumflutt á vortónleikum Mótettukórs
Hallgrímskirkju í kristskirkju í maí s.l. og
eru hluti af efnisskrá kórsins á tónleikum
í Noregi í júní.
Ný orgelverk
Jón Nordal samdi verkið Tokkata fyrir
vígslu dómkirkjuorgelsins í desember á
síðasta ári. Marteinn H. Friðriksson frum-
flutti það við það tækifæri. Áskell Másson
hefur nýlokið samningu Orgelsónötu,
sem tileinkuð er Herði Áskelssyni og m.a.
samin með vígslu framtíðarorgels í Hall-
grímskirkju í huga.
Organistar í Róm
Organistinn á Selfossi, Glúmur Gylfa-
son, er farinn ásamt fjölskyldu sinni til 9
mánaða dvalar í Róm. Þar mun hann
stunda nám í orgelleik og fást við
raddsetningar. Til Glúms sóttu kennslu í
orgelleik nemendur úr Árnessýslu og af
höfuðborgarsvæðinu. Varð nokkurt
vandamál að finna þeim nýja staðfestu.
Hinn fjölhæfi organisti Ólafur Sigurjóns-
son á Forsæti tók við stöfum Glúms í
Selfosskirkju. Þau Glúmur munu dvelja í
Róm frá des. ’86 til sept. ’87. Þar í borg-
inni eilífu dvelur einnig ungur maður úr
Vesturbænum, Örn Falkner, við nám í
orgelleik. Örn var áður organisti í Njarð-
víkum.
Námsstefna um sálma-
fræði
Næsta vetur er fyrirhuguð námsstefna
í Háskóla Islands um sálmafræði
(hymnologiu). Auk Guðfræðideildar
Háskólans munu sálmabókarnefnd þjóð-
kirkjunnar og söngmálastjóri þjóðkirkj-
unnar standa að námsstefnunni. Efni
hennar verður sálmasaga íslands í fyrir-
lestrum innlendra fyrirlesara og sálma-
söngur í Noregi í dag í tilefni af nýút-
komnum sálma- og sálmasöngsbókum
þar, í kynningu þekktra norskra sálma-
fræðinga. Námsstefnutími er líklegur í
byrjun ársins 1987 og er fyrirhugað að
reyna ná til sem flestra organista og
presta, auk guðfræðinema. Nánari kynn-
ing á framkvæmd stefnunnar verður í
næsta blaði.
Nýir organistar
I haust (’86) lét Jakob Tryggvason af
störfum organista við Akureyrarkirkju eft-
ir áratuga giftudrjúgt starf. Við tók Björn
Steinar Sólbergsson, ungur organisti
upprunninn af Akranesi, en hefursíðustu
ár stundað nám úti í Frakklandi. Hann
stundar einnig kennslu og sækja til hans
nemendur úr nágrenninu og organistar
vestan úr Skagafirði.
Að Laugarneskirkju komu til starfa nýir
organistar s.l. haust. Það eru hjónin Ann
Toril Lindstad og Þröstur Eiríksson
nýkomin frá námi í Noregi. Þau luku bæði
cand. mag. prófi í kirkjuktónlist frá Tón-
listarháskólanum í Osló. Að loknu fram-
haldsnámi í 2 ár lauk Ann Toril diplom-
prófi en Þröstur cand. musicae frá sama
skóla. Þröstur er auk þess nýkjörinn
formðaur organistafélagsins. Organista-
blaðið býður þau velkomin til starfa.
BYKO
Nýbýlavegi 6
Verslunog skrifstofa
Simi 41000
ORGANISTABLAÐIÐ 25