SunnudagsMogginn - 22.11.2009, Blaðsíða 42

Laugardagur 21.11 kl. 22:50 RÚV Verð-
launamynd um Albert Pierrepont, kjörbúð-
arsendil og afkastamesta böðul Bretlands,
sem tók 608 manns af lífi á árunum 1933 til
55, þar á meðal 47 nasista sem dæmdir
voru í Nürnberg-réttarhöldunum og Ruth Ell-
is, síðustu konuna sem var hengd í Bret-
landi. Aðalhlutverk: Simon Armstrong, Ann
Bell, Nicholas Blane, Clive Brunt, Cavan
Clerkin. Leikstjóri: Adrian Shergold.
bbbnn
The Last Hangman
Böðullinn Albert Pierrepont að störfum.
42 22. nóvember 2009
Laugardagur 21.11. kl. 19:35 Stöð 2 Það
hlaut að koma að því að ein vinsælasta
teiknimyndahetja samtímans birtist á tjald-
inu. Hér er Grettir karlinn mættur með öll sín
aukakíló og ber sig vel. Myndin fjallar eink-
um um stormasamt lífið á heimili fressins,
þar sem hann þykir full-fyrirferðarmikill á
stundum og blóðlatur í þokkabót. Í íslenskri
raddsetningu talar Guðmundur Ingi Þor-
valdsson fyrir Jón, Vigdís Hrefna Pálsdóttir
fyrir Lísu og Grettir er Hjálmar Hjálmarsson.
bbbnn
Grettir: bíómyndin
Rooster Cogburn snýr
aftur í True Grit Það var
komið fram á árið
1969 þegar vestrahetj-
an John Wayne (1907-
79) hlaut náð fyrir aug-
um kvikmyndaakdemí-
unnar í Bandaríkjunum
og vann sín fyrstu og
einu Óskarsverðlaun.
Þau hlaut hann að sjálf-
sögðu fyrir hlutverk lögmanns í vestra, sem
nefndist True Grit. Hann segir frá því hvernig
ung og ákveðin unglingsstelpa fær karlinn til
að leita uppi morðingja föður hennar og
harðvítugum ævintýrum þeirra uns markmið-
inu er náð. Meðleikarar Waynes voru söngv-
arinn Glen Campbell, Kim Darby, Robert Du-
vall og Dennis Hopper.
Það eru engir aðrir em Coen-bræður sem
gera endurgerðina, en þeir Joel og Ethan eru
nýbúnir að vinna til fjölda Óskarsverðlauna
fyrir nútímavestrann No Country for Old
Men. Með hlutverk Cogburns fer Jeff Brid-
ges, sem stóð sig m.a. frábærlega í mynd
bræðranna um The Big Lebowski. Samleik-
ararnir eru heldur ekki af verri endanum,
þeir Matt Damon og Josh Brolin.
Forvitnileg endur-
gerð Coen-bræðra
Kvikmyndafréttir
Jeff Bridges
Leikstjóri: Victor Fleming. Með Judy
Garland, Ray Bolger, Jack Haley, Bert
Lahr. 1939. 100 mín.
Fáar myndir kvikmyndasögunnar eru
jafnfullar af æskublóma og hin rómaða
Töframaðurinn frá Oz eða „Wizard of
Oz“. Hún hefur flest til að bera sem prýtt
getur slíka mynd. Sviðsmyndin er ótrúleg
furðuveröld, litrík og yfirfull af leynd-
ardómum og undraverum. Myndin hefst
á sveitabýli í Kansas-fylki. Á það skellur
svo hrikalegur skýstrokkur að það tekst á
loft með eiganda sínum, henni Dorothy
litlu (Judy Garland) og hundinum henn-
ar, Toto. Þau lenda í draumkenndri ver-
öld sem kallast Oz. Þar er flest eins og í
ævintýrabók, mannfólkið, dýrin, gróð-
urinn, allt er umhverfið dýrðlega litríkt
og heillandi. En Dorothy litla vill samt
sem áður komast heim. Það er hægara
sagt en gert, til þess þarf hún að ná fund-
um og fá samþykki galdrakarlsins sem
öllu ræður í Oz. Þetta er myndin sem
gerði Garland fræga og sönginn Over the
Rainbow, að ævilöngu vörumerki henn-
ar. Þá eru þau öll ógleymanleg Jack Haley
sem Tinmaðurinn, Ray Bolger sem Fugla-
hræðan og Bert Lahr sem Ljónið hug-
lausa. Það má segja að textinn í laginu
sem gerði Garland að stórstjörnu sé sam-
nefnari fyrir ævintýraheim kvik-
myndanna. Eru ekki allir sammála?
„ Somewhere over the rainbow
Bluebirds fly.
Birds fly over the rainbow.
Why then, oh why can’t I?“
saebjorn@heimsnet.is
Kvikmyndaklassík Galdrakarlinn í Oz – The Wizard of Oz
Gamla, gula múrsteinsgatan
Judy Garland heillaði sem Dorothy.
Myndir vikunnar í sjónvarpi
C
hristmas Carol, eins og Jó-
laævintýrið hans Dickens
heitir á frummálinu, er svo
sem ekkert ný af nálinni á
tjaldinu. Fáar ef nokkrar sögur hafa ver-
ið kvikmyndaðar oftar en þessi sígilda
dæmisaga um helstu lesti mannskepn-
unnar; græðgi, nirfilshátt og slægð.
Kvikmyndagerðirnar eru orðnar um 20
talsins, sú elsta frá 1910.
Sjálfsagt er nýjasta Jólaævintýrið
vandaðasta og tilkomumesta nálgunin til
þessa. Leikstjórinn er Robert Zemeckis,
sem á að baki fjölda úrvalsmynda og er
álitinn einn af færustu mönnum í fag-
inu. Hann nýtir nýjustu þrívíddartækni
sem er á boðstólum í dag og er kennd
við Walt Disney. Að auki betrumbætir
hann tölvugrafíkina sem hann notaði í
The Polar Express, næstu mynd sinni á
undan. Jim Carrey og starfsbræður hans
í Jólaævintýrinu leika vissulega í mynd-
inni og raddsetja hana en tæknin
skrumskælir þá á flestan hátt. Hún er
nánast það sem má kalla „leikin teikni-
mynd“, en á bak við tölvuvinnsluna má
þekkja taktana í Carrey – þótt hann sé
afbakaður, teygður og skældur á alla
vegu.
Að negla Carrey í aðalhlutverk
nánasarinnar Ebenesers Scrooges er
bráðsmellin hugmynd og með ólík-
indum að engum skuli hafa komið slíkt
til hugar fyrr en nú. Carrey er algjört
kameldýr, á til öll þau margslungnu
svipbrigði Scrooges sem krafist er í
raddbeitingu og framkomu. Hann fer á
kostum sem maurapúkinn Scrooge og
fer að auki jafnánægjulega með hlutverk
drauganna þriggja sem heimsækja hann
á jólanótt; anda liðinna jóla, yfirstand-
andi hátíða og síðast en ekki síst anda
ókominna jóla. Ekki álitlegur hópur, en
hann gefur Scrooge færi á að bæta ráð
sitt, opna pyngjuna til hjálpar fátæk-
lingum, matarbúr og ekki síst hjarta sitt
og örlæti. Andarnir sýna honum hvert
hann stefnir að öllu óbreyttu og sá stað-
ur er hreint ekki eftirsóknarverður.
Scrooge fær loks skilning á því hver sé í
rauninni tilgangurinn með komu hátíðar
ljóss og friðar.
Auk Carreys fara þau Gary Oldman,
Colin Firth, Robert Hoskins og Robin
Wright Penn með önnur aðalhlutverk
myndarinnar, en Jólaævintýrið er fyrst
og fremst saga Ebenesers Scrooges og
segir Carrey að aðalatriðið við að leika
karlinn sé að sýna að hann búi að ein-
hverju leyti í okkur öllum. Þessi frábæri
gamanleikari hefur tekið að sér að túlka
mörg og misjöfn hlutverk í myndum á
boð við Liar, Liar; Bruce Almighty;
Eternal Sunshine of the Spotless Mind;
The Truman Show og Man on the Moon,
svo nokkrar séu nefndar sem sýna
breidd Carreys sem leikara.
Enn bætir Carrey mýjum persónum í
sarpinn með Scrooge og jólaöndunum,
hann telur að Jólaævintýri Dickens sé
ein sú besta um jákvæðar hugarfars-
breytingar og persónulegar endurbætur
sem skrifuð hefur verið. Hér er fjallað
um sögupersónu sem aldrei hefur notið
ástar og umhyggju og getur þess vegna
ekki endurgoldið hana. Scrooge verður
að gjöra svo vel að endurskoða líf sitt,
hann fær tækifæri til að sjá hvert stefnir
í hans aumu tilveru ef hann bætir ekki
ráð sitt. Það er ekki tekið út með sæld-
inni að sjá og heyra hvernig hann hefur
sólundað lífinu, en þá koma jólaandarnir
til hjálpar, þótt óheflaðir séu.
Carrey þekkir efnið til hlítar, sá
myndina með Alastair Sim frá 1951 í
nokkur skipti, en breska leikaranum
tókst listilega að flytja Scrooge á tjaldið.
Engu líkara en hann væri með óbragð í
munninum og sárindi nístu merg hans
og bein. Skínandi dæmi um mann sem
hefur úthýst ástinni úr huga sínum en
eftir standa sárindin sem taka yfir ef
menn lifa tilfinningasnauðu lífi.
Hin óteljandi andlit Carreys
Um helgina hefjast sýningar á nýjustu fjölskyldumyndinni
sem byggð er á Jólaævintýri Dickens og er ekkert til sparað.
Sæbjörn Valdimarsson saebjorn@heimsnet.is
Fettur og grettur eru
fag Carreys og nú
hjálpar tæknin honum
enn frekar!
Kvikmyndir