SunnudagsMogginn - 07.02.2010, Page 25

7. febrúar 2010 25
Þú hefur hlotið verðlaun og við-
urkenningar fyrir verk þín og þetta árið
ertu tilnefndur til Edduverðlauna.
Skipta verðlaun þig máli?
„Fyrstu stóru verðlaunin sem ég fékk
voru á kvikmyndahátíð í Kaíró árið 2001.
Þá fékk ég dómnefndarverðlaunin fyrir
Fíaskó og Sophia Loren og Antonioni sátu
á fremsta bekk í beinni útsendingu í
egypsku þjóðaróperunni. Þá hugsaði ég:
Vá! Eftir það minnkaði spennan fyrir
verðlaunum og nú skipta þau mig per-
sónulega litlu máli. Ég verð hins vegar
alltaf mjög stoltur og ánægður og fagna
hátt þegar fólk sem ég vinn með fær
verðlaun og viðurkenningu. Ég held stíft
með mínu fólki.“
Ákvörðun Páls mun ekki standa
Nú eru niðurskurðartímar og mennta-
málaráðherra tilkynnti um skert fram-
lög til kvikmyndagerðar og útvarpsstjóri
lýsti því yfir að dregið yrði úr kaupum á
íslensku efni hjá stofnuninni. Kvik-
myndagerðarmenn hafa brugðist gríð-
arlega harkalega við og notað sterk orð.
Hafa viðbrögð ykkar ekki verið fullhörð?
„Kvikmyndagerðarmenn eru langt frá
því að vera veruleikafirrtir og hafa skiln-
ing á nauðsynlegum niðurskurði. Við
höfðum búið okkur undir fimm prósenta
niðurskurð frá ríkinu en þegar hann
reyndist vera 35 prósent var það mikið
áfall og fólk sá fram á stórfellt atvinnu-
leysi í greininni. RÚV-málið ýtti fólki svo
út á bardagavöllinn. Það hefur alltaf verið
gjá á milli RÚV og sjálfstæðra kvik-
myndagerðarmanna og hún hefur
breikkað á starfstíma Páls Magnússonar.
Það er ekkert samtal þarna á milli því
stjórnendur RÚV líta á okkur sem enn
einn þrýstihópinn á meðan við ættum að
vinna að sama marki, sem er að gera gott
sjónvarpsefni fyrir Íslendinga. Reiði
kvikmyndagerðarmanna er uppsöfnuð
en enginn hefur þorað að segja neitt fyrr
en nú af hræðslu við að missa viðskipti.
Þegar útvarpsstjóri sagðist ætla að hætta
að kaupa íslenskar kvikmyndir og draga
stórlega úr kaupum á innlendu efni
sprakk allt af því að það er vitað að RÚV
hefur ekki staðið við þann þjónustu-
samning sem er í gildi við ríki og þjóð.
RÚV ber að kaupa ákveðið mikið af sjálf-
stætt framleiddu íslensku efni en hefur
ekki staðið við þær skuldbindingar.
Þetta mál snýst ekki bara um Pál
Magnússon heldur yfirstjórn á rík-
isútvarpinu sem er ekki menningarleg
heldur pólitísk og rekstrarleg. Þegar
skipanin er þannig verður RÚV sjálfkrafa
að sjónvarpsstöð sem sinnir ekki menn-
ingarhlutverki sínu.“
En stendur ekki þessi ákvörðun Páls?
„Hún mun ekki standa, því get ég lofað
þér.“
Hvað heldurðu að breytist?
„Ég hef trú á því að Katrín Jakobsdóttir
menntamálaráðherra átti sig á eðli máls-
ins og taki málstað kvikmyndagerð-
arinnar. Hún er mjög góður mennta-
málaráðherra á erfiðleikatímum. Ég vona
að hún verði áfram í ráðuneytinu svo
kvikmyndagerðarmenn þurfi ekki að
upplýsa enn einn ráðherrann um mik-
ilvægi kvikmyndagerðar í menningu
landsins og hversu miklu hún skilar
þjóðarbúinu. Fyrir hverja krónu sem rík-
ið fjárfestir í greininni koma hátt í fimm
til baka í skatttekjum og ferðamannaiðn-
aði. Það er hátt í þúsund manns sem hef-
ur starfa af kvikmyndagerð með einum
eða öðrum hætti og við tengjumst víða
inn í atvinnulífið. Þessi barátta hefur
sameinað íslenska kvikmyndagerð-
armenn. Í svona bransa eru litlir smá-
kóngar hér og þar en nú erum við öll
samhuga í því að taka þennan slag og
berjast, fyrir sjálf okkur og þjóðinni til
heilla.“
Hugmyndin að vaktaseríunum svo-
kölluðu hefur verið seld til Bandaríkj-
anna. Hvað er að frétta af þeim málum?
„Fox-sjónvarpsstöðin keypti for-
kaupsrétt að bandarískri endurgerð þátt-
anna. Það er gerður prufuþáttur og svo er
bara að sjá hvernig tekst til og hvort ráð-
ist verður í endurgerð. Þegar hugmyndin
um bandaríska endurgerð kviknaði hefði
ég getað fylgt henni eftir og væri núna í
Bandaríkjunum að fylgjast með ferlinu.
En ég ákvað að festast ekki í fortíðinni. Ég
horfi til dæmis aldrei á verk mín eftir að
ég hef frumsýnt þau. Ég lifi í núinu og
horfi fram á veginn. Ég ætla ekki að
dvelja í Næturvaktinni alla mína ævi.“
Morgunblaðið/Árni Sæberg
’
Þetta mál snýst ekki bara
um Pál Magnússon heldur
yfirstjórn á Ríkisútvarpinu
sem er ekki menningarleg heldur
pólitísk og rekstrarleg. Þegar skip-
anin er þannig verður RÚV sjálf-
krafa að sjónvarpsstöð sem sinnir
ekki menningarhlutverki sínu.“