SunnudagsMogginn - 04.04.2010, Blaðsíða 32

F
ólk vatt sér að Hrólfi Sæmundssyni á götu í Aachen
og spurði hreint út: Ert þú ekki Íslendingurinn?
Þetta var eftir að hann söng hlutverk Papagenós í
Töfraflautu Mozarts.
Barítónsöngvarinn starfaði hér heima þar til síðastliðið
haust að hann var fastráðinn til tveggja ára í Aachen og segist
ekki hafa gert sér almennilega grein fyrir því áður en hann
fór utan hvar hann stæði miðað við starfsbræður sína í
Þýskalandi. Hann veit það núna! Hrólfur hefur nefnilega
verið ausinn lofi í vetur; nú síðast var honum hrósað í há-
stert fyrir frammistöðu í titilhlutverkinu í Évgéní Onegin,
óperu Tjækovskís. Í að minnsta kosti einu blaði var hann
sagður „hinn fullkomni Onegin“ og er auðvitað stoltur.
„Mér hefur gengið betur en ég leyfði mér að dreyma um;
bjóst ekkert endilega við að fá svona góð hlutverk strax,
hvað þá jafn frábærar viötökur hjá áhorfendum og raun ber
vitni eða svona góða dóma í fjölmiðlum,“ segir Hrólfur við
Morgunblaðið.
„Íslenskir söngvarar hafa mjög gott orð á sér hérna. Það er
frábært fyrir unga söngvara eins og mig að vera í Þýska-
landi,“ segir hann og undirstrikar hve stórkoslegt sé að
starfa við það sem hann hafi menntað sig til. „Ég held
ótrauður áfram og stefni enn hærra eftir að samningi mínum
lýkur hér. Maður stefnir alltaf upp á við.“
Hann hefur tekið þátt í fjórum óperum í Aachen og verið í
aðalhlutverki í þeim öllum. „Fjölskyldan er ljómandi sátt,“
segir hann en eiginkona Hrólfs, Ásgerður Júlíusdóttir, er við
nám í Aachen og sonur þeirra, Kári Júlíus, er í leikskóla.
Vert er að geta þess að Íslendingum gefst tækifæri til að
hlýða á Hrólf á þriðjudagskvöldið. Hann heldur þá tónleika í
Salnum ásamt hollenska píanóleikaranum og hljómsveit-
arstjóranum Gerrit Schuil, undir yfirskriftina Gullnar aríur
en þar flytja þeir nokkrar af fegurstu barítónaríum óp-
erubókmenntanna, úr Töfraflautunni, Évgéní Onegin,
Tannhäuser, Rakaranum í Sevilla, Faust og Carmen.
Hrólfur er 36 ára. „Það þykir ungt fyrir mína rödd; barí-
tónar fara af stað af alvöru um 35 ára aldur og toppa ekki fyrr
en um og eftir fimmtugt,“ segir Hrólfur og bætir við hlæj-
andi: „Ég er rétt að byrja!“
Ég er rétt
að byrja!
Hrólfur fyrir utan hið fallega
óperuhús í Aachen þar sem
hann þykir hafa staðið sig
afbragðsvel í vetur.
Hrólfur þenur raddböndin á æfingu fyrir Falstaff, hina kunnu óperu Guiseppe Verdis.
Hrólfur Sæmundsson er fastráðinn
við óperuhúsið í Aachen í Þýska-
landi og hefur slegið í gegn í vetur.
Ljósmyndir: Eggert Jóhannesson eggertj@simnet.is
Texti: Skapti Hallgrímsson skapti@mbl.is
Bak við tjöldin
Hljóð! Hrólfur á leið inn á svið í Evgení Onegin.