Morgunblaðið - 24.02.2010, Síða 21

Minningar 21
MORGUNBLAÐIÐ MIÐVIKUDAGUR 24. FEBRÚAR 2010
Ragnheiðar Guðmundsdóttur og Elí-
asar Guðmundssonar. Þau höfðu
hafið búskap á Neðri-Brunná í Saur-
bæjarhreppi þegar Anna fæddist.
Þar fæddust einnig yngri systkini
hennar þau Maríanna og Jón. Hún
er römm sú taug sem tengir okkur
við ræturnar. Svo reyndist það að
minnsta kosti með hana Önnu. Saur-
bærinn var alla tíð sveipaður dýrð-
arljóma æskunnar. Sú tilfinning hef-
ur örugglega styrkst við að dvelja
þar vestra að sumarlagi eftir að vera
flutt þaðan. Fjölskyldan fluttist síð-
an til Hafnarfjarðar eftir stutta bú-
setu á Vatnsleysuströnd. Í Hafnar-
firði kynntist Anna þeim manni sem
hún síðan átti eftir að þreyta lífs-
gönguna með, Magnúsi Guðmunds-
syni sjómanni. Settust þau að í Hafn-
arfirði eftir stutta búsetu á Akureyri
og í Vestmannaeyjum. Í Hafnarfirði
bjuggu þau lengst af á Skúlaskeiði
26. Árið 1958 fluttu þau í Garða-
hrepp og áttu þar heima síðan. Í
Hafnarfirði ólust upp börnin Ragnar
Stefán, Svanhvít og Elín Guðmunda.
Drenginn Elías Guðmund misstu
þau á fyrsta ári. Eftir að Magnús
hætti til sjós tók hann að sér rekstur
eldhússins á Hrafnistu í Reykjavík
þegar það heimili tók til starfa. Þar
áttu þau hjónin farsælan feril þar til
starfsævi lauk. Anna og Magnús
voru fyrstu íbúarnir sem settust að í
húsum aldraðra við Hrafnistu í
Hafnarfirði. Magnús lést 1996 og
hafði þá verið heilsulítill um nokkura
ára skeið. Þegar ég hugsa til frænku
minnar, hennar Önnu Elíasar hlýtur
að koma upp í hugann þakklæti fyrir
þá hlýju og vináttu sem ég ætíð naut
frá henni sem sýndi sig í því að fá að
vera sem einn af fjölskyldunni um
þriggja ára skeið. Það voru afleið-
ingar þess að hún hafði sem lítil
stúlka vestur í Dölum orðið sérstök
vinkona föður míns, sem oft var
gestur hjá bróður sínum og mág-
konu á þeim árum og síðar hjá þess-
ari frænku sinni í Hafnarfirði. Þegar
degi hallar á langri ævi finnur maður
gjarnan hvert hugurinn leitar. Þegar
ég heimsótti frænku mína á síðustu
misserum og hún var ef til vill ekki
alveg klár á deginum í gær eða
fyrradag gátum við alltaf skroppið í
huganum vestur í Saurbæ og vakið
upp menn og málefni. Þá voru hlut-
irnir alveg á hreinu. Þegar ég nú
kveð Önnu frænku mína með þökk
fyrir að hafa nánast tekið mig í sinn
afkomendahóp, óska ég henni vel-
farnaðar á nýjum leiðum. Megi frið-
ur ríkja með henni svo og þeim sem
eftir sitja.
Jóhannes Harry Einarsson.
Nú er hún Anna farin, farin úr
okkar jarðnesku veröld, eftir langa
og farsæla ævi. En minningin um
ljúfa konu mun lifa í hugum okkar
samferðafólks hennar.
Anna var kona Magga frænda,
móðurbróður míns. Þau eru mér
bæði í barnsminni. Á sumrin komu
þau stundum í heimsókn á bernsku-
slóðir Magga, til afa og ömmu,
mömmu og „frænku“ á Þingeyri. Þá
var mikil gleði og eftirvænting hjá
fjölskyldunni á Litla-Holti, ekki síst
hjá okkur ungu mönnunum, mér og
Andrési Sverri, því Ragnar og Svana
bættust snemma í hópinn.
Já, Anna mín, þær eru margar
minningarnar mínar, sem tengjast
þér og fjölskyldu þinni, og allar eru
þær ljúfar og góðar.
Á Reykjavíkurárum mínum kom
ég á Skúlaskeiðið og hlaut þar alltaf
ljúfar móttökur. Og ég man vel eftir
uppörvandi heimsóknum ykkar til
mín á Vífilsstaði, þegar ég var þar
sjúklingur 22 ára gamall.
Við Sigrún og börn okkar nutum
margra góðra stunda á heimili ykk-
ar; í Hraunsholti, Garðabæ og Boða-
hlein. Og alltaf var notalegt að koma
til ykkar í eldhúsið á Hrafnistu. Þið
glödduð okkur líka með ánægjuleg-
um komum ykkar til okkar í Mjólk-
árvirkjun, Andakílsárvirkjun og
Borgarnes.
Kæra Anna, það er margs að
minnast, og margt þér að þakka. Við
þökkum þér allar okkar samveru-
stundir.
Við Sigrún sendum börnum Önnu
og fjölskyldum þeirra dýpstu sam-
úðarkveðjur.
Bjarni K. Skarphéðinsson.
MOSAIK Hamarshöfða 4 - 110 Reykjavík
sími 587 1960 - www.mosaik.is
TILBOÐSDAGAR
20-50% afsláttur
af völdum legsteinum með áletrun
á meðan birgðir endast
10% afsláttur af öðrum vörum
✝
Elskulegur faðir minn og afi okkar,
BJARNI MAGNÚSSON,
Hrafnistu,
áður Bergstaðastræti,
Reykjavík,
lést á gjörgæsludeild Landspítalans við Hringbraut
sunnudaginn 21. febrúar.
Útför hans fer fram frá Fossvogskirkju mánudaginn
1. mars kl. 13.00.
Guðbjörg Bjarnadóttir,
Helga Birgisdóttir,
Ragnar Birgisson,
Sverrir Birgisson.
✝
Elskuleg eiginkona mín, móðir, tengdamóðir, amma
og langamma,
INGIBJÖRG JÓNATANSDÓTTIR,
Bröttugötu 2,
Borgarnesi,
verður jarðsungin frá Borgarneskirkju föstudaginn
26. febrúar kl. 14.00.
Þeim sem vilja minnast hennar er bent á krabba-
meinsfélögin.
Jón S. Pétursson,
Jakobína S. Stefánsdóttir, Sverrir Hjaltason,
Pétur V. Hannesson, María E. Guðmundsdóttir,
Friðþjófur Th. Ruiz, Birna R. Ingimarsdóttir,
barnabörn og barnabarnabörn.
✝
Ástkær móðir, tengdamóðir, systir, mágkona,
amma og langamma,
GEIRRÚN JÓHANNA VIKTORSDÓTTIR,
Rúna Viktors,
frá Karlsstöðum
í Fljótum,
sem lést miðvikudaginn 17. febrúar, verður
jarðsungin frá Siglufjarðarkirkju laugardaginn
27. febrúar kl. 14.00.
Björg Viktoría Zophaníusardóttir, Sverrir Sævar Ólason,
Jón Friðrik Sigurðsson, Steinunn Jónsdóttir,
Sigurður Ólafur Sigurðsson, Margrét Bjarnadóttir,
Svala Hólmfríður Sigurðardóttir,
Steindóra Ágústa Sigurðardóttir, Stefán Jón Stefánsson,
Sigurður Þorsteinn Jóhannsson, Helga Jóna Lúðvíksdóttir,
barnabörn og barnabarnabörn.
✝
Ástkær móðir okkar, tengdamóðir, amma og lang-
amma,
RANNVEIG MAGNÚSDÓTTIR,
Garðvangi, Garði,
áður til heimilis
Lyngholti 9,
Keflavík,
verður jarðsungin frá Keflavíkurkirkju föstudaginn
26. febrúar kl. 14.00.
Björgvin Halldórsson, Rebekka Dagbjört Jónsdóttir,
Guðmundur Halldórsson, Hulda Árnadóttir,
Kristín Halldórsdóttir,
Þorgeir Ver Halldórsson, Inga Sjöfn Kristinsdóttir,
Óskar Halldórsson, Hildur Harðardóttir,
barnabörn og barnabarnabörn.
✝
Elskuleg móðir okkar, tengdamóðir, amma og lang-
amma,
UNNUR BJARNADÓTTIR,
Sólvangsvegi 1,
Hafnarfirði,
áður húsmóðir á
Ásólfsstöðum í Þjórsárdal,
verður jarðsungin frá Stóra-Núpskirkju í Gnúpverja-
hreppi laugardaginn 27. febrúar kl. 14.00.
Amalía Stefánsdóttir, Leif Bryde,
Páll Stefánsson, Natalí Stefánsson,
Guðný Stefánsdóttir,
Hafsteinn Stefánsson, Sigrún Óla,
barnabörn og barnabarnabörn.
✝
Ástkær faðir okkar, tengdafaðir, afi og langafi,
ÓLAFUR GUÐJÓN TRYGGVASON
bóndi,
Raufarfelli,
A-Eyjafjöllum,
verður jarðsunginn frá Eyvindarhólakirkju,
A-Eyjafjöllum, laugardaginn 27. febrúar kl. 14.00.
Þeim sem vilja minnast hans er bent á Styrktarfélag
krabbameinssjúkra barna.
Þórunn Ólafsdóttir, Jón Sigurðsson,
Tryggvi Ólafsson, Sigrún J. Heiðmundsdóttir,
Sigrún Ólafsdóttir, Sigurður Kjartansson,
Ingi Ólafsson, Anna Kristín Birgisdóttir,
Anna Björk Ólafsdóttir, Kristinn Stefánsson,
Jón Pálmi Ólafsson, Hildur Hjaltadóttir,
Rósa Íris Ólafsdóttir,
Katrín Jóna Ólafsdóttir, Einar Þór Guðmundsson,
barnabörn og barnabarnabörn.
✝
Elskuleg móðir okkar, tengdamóðir, amma og lang-
amma,
HILDUR AÐALBJÖRG BJARNADÓTTIR
fyrrv. húsmóðir
í Hvammsgerði,
Vopnafirði,
lést á Droplaugarstöðum fimmtudaginn 18. febrúar.
Útför fer fram frá Háteigskirkju föstudaginn
26. febrúar kl. 13.00.
Kristín Brynjólfsdóttir, Arthúr Pétursson,
Guðrún Brynjólfsdóttir, Andrés Magnússon,
Elín Hannesdóttir,
barnabörn og barnabarnabörn.
✝
Ástkær eiginmaður minn, faðir, tengdafaðir og afi,
SIGURÐUR ÞÓR PÉTURSSON,
Pétursborg,
Kjalarnesi,
lést á líknardeild Landspítalans í Kópavogi
aðfaranótt laugardagsins 20. febrúar.
Útförin fer fram frá Langholtskirkju föstudaginn
26. febrúar kl. 13.00.
Bestu þakkir til starfsfólks á deild 11E Landspítalanum við Hringbraut og
líknardeild Landspítalans í Kópavogi fyrir góða umönnun.
Árnína Kristín Dúadóttir,
Þóra Kristín Sigurðardóttir, Heimir Björgvinsson,
Oddrún Ýr Sigurðardóttir,
Pétur Már Sigurðsson,
Árnína Björt, Þórdís Rún,
Sigurður Darri og Sölvi Þór.
✝
Látin er ástkær móðir okkar, tengdamóðir, amma
og langamma,
HULDA ÞORSTEINSDÓTTIR
píanókennari,
áður til heimilis
Nesvegi 76,
Reykjavík.
Útförin fer fram frá Garðakirkju föstudaginn
26. febrúar kl. 11.00.
Lára K. Guðmundsdóttir,
Guðrún Edda Guðmundsdóttir, Finnbogi Rútur Hálfdanarson,
Emil Gunnar Guðmundsson,
Þórunn Hulda Guðmundsdóttir, Bjarni Lárusson,
Hulda Birna Guðmundsdóttir,
Gunnhildur Halla Guðmundsdóttir, Óskar Kristjánsson,
barnabörn og barnabarnabörn.