SunnudagsMogginn - 05.12.2010, Blaðsíða 8

8 5. desember 2010
Leslie William Nielsen fæddist í Regina í Kanada 11.
febrúar 1926. Móðir hans var frá Wales en faðirinn
frá Danmörku. Bæði fluttu þau ung að árum til Kan-
ada. Nielsen átti tvo bræður og komst annar þeirra,
Erik, til metorða í stjórnmálum. Var um skeið aðstoð-
arforsætisráðherra Kanada á níunda áratugnum.
Hann lést fyrir tveimur árum.
Frændi Nielsens, Jean Hersholt, var leikari og víð-
frægur fyrir túlkun sína á söguhetjunni í þáttunum
um Christian lækni sem gengu árum saman í útvarpi
vestra. Nielsen viðurkenndi að Hersholt hefði haft
mikil áhrif á sig og í raun hvatt sig óbeint til að feta
þessa braut.
Faðir Nielsen var í landamæralögreglunni í Fort
Norman, þar sem nú heitir Tulita, og þar óx pilturinn
úr grasi. Sautján ára gekk hann í flugherinn en var of
ungur til að berjast í seinni heimsstyrjöldinni. Niel-
sen vann um tíma fyrir sér sem plötusnúður áður en
hann hóf leiklistarnám í Toronto. Þar fann hann fjöl-
ina sína og fékk styrk til framhaldsnáms í The
Neighbourhood Playhouse í New York. Þangað hélt
Nielsen skjálfandi á beinunum af ótta við að verða
sendur beint heim um leið og hann opnaði munninn.
Það fór á annan veg. Nielsen lagði um tíma stund á
nám í hinu víðfræga Actors Studio áður en hann fékk
sitt fyrsta hlutverk í sjónvarpi. Það var í þáttunum
Studio One, þar sem hann hitti fyrir ekki minni mann
en Charlton Heston. Nielsen fékk hvorki meira né
minna en 75 Bandaríkjadali fyrir ómakið.
Nielsen var fjórgiftur og lætur eftir sig eiginkonuna
Barbaree Earl og dæturnar Maura og Thea sem hann
átti með konu númer tvö, Alisande Ullman.
Fjórgiftur og af dönskum ættum
Nýleg mynd af Leslie Nielsen. Aldrei langt í brosið.
Reuters
Í
óðagotinu missa lögreglumennirnir
vammlausu Frank Drebin og Ed Hocken
fólið Quentin Hapsburg út um gluggann.
Hann fellur nokkrar hæðir en hafnar fyr-
ir mildi Guðs á tjaldþakinu við inngang hótels-
ins og skoppar með tilþrifum niður á gang-
stétt, þar sem hann lendir vitaskuld á fótunum
– óskrámaður. Hapsburg dustar rykið í róleg-
heitum af sér en í því að hann hyggst ganga á
brott ræðst glorsoltið ljón á hann og étur með
húð og hári. Nokkur seinheppni í ljósi þess að
Hapsburg er staddur í miðri stórborg í Banda-
ríkjunum.
En svona voru Naked Gun-myndirnar. Ekk-
ert er sem sýnist og fátt eins og það á að vera.
Sjálfur var Drebin aðstoðarvarðstjóri ekkert
blávatn. Þegar Hocken varðstjóri ráðlagði hon-
um einhverju sinni að fara varlega, með þeim
orðum að þetta gæti kostað hann lífið, svaraði
kappinn án þess að blikna: „„Þetta gæti kostað
mig lífið“ er millinafn mitt.“ „En hvað um
Jane?“ spurði Hocken þá áhyggjufullur um af-
drif ástkonu Drebins, Jane Spencer. „Ég veit
ekki hvert millinafn hennar er,“ var svarið.
Frank Drebin aðstoðarvarðstjóri er sann-
arlega með eftirminnilegri persónum á hvíta
tjaldinu hin síðari ár en hann var leikinn af
ísmeygilegri kímni af kanadíska gamanleik-
aranum Leslie Nielsen sem sagði skilið við
þessa tilveru í vikunni, 84 ára að aldri. Bana-
mein hans var lungnabólga.
Drebin hafði þann kost (eða ókost) að hafa
ekki minnsta grun um hamfarirnar sem gengu
yfir allt í kringum hann enda kom hann þeim
ósjaldan af stað sjálfur. Fáránleikinn var á köfl-
um algjör og misskilningurinn eftir því. „Hvað
geturðu sagt mér um þennan mann?“ spurði
hann téða Jane sem staðið hafði misindismann
að verki. „Hann er hvítur með yfirvararskegg,
svona einn og níutíu,“ svaraði hún. Drebin
hleypti brúnum: „Það er ekkert smáræðis yf-
irvararskegg!“
Airplane var vendipunkturinn
Nielsen mun lifa um ókomin ár með alþýðu
manna fyrir túlkun sína á Drebin og ekki síður
sem læknirinn í stórslysamyndasatírunni
Airplane árið 1980. Hann var álíka viðutan.
Það kann að koma ýmsum á óvart en Leslie
Nielsen hóf feril sín í kvikmyndum í alvar-
legum hlutverkum um miðjan sjötta áratuginn.
Hann var hávaxinn og myndarlegur og valdist
gjarnan í hlutverk góða gæjans. Áratugirnir
liðu án teljandi tilþrifa af hálfu Nielsens enda
var framboð af slíkum mönnum glettilega gott
vestur í Hollywood. Það er helst að fólk muni
eftir honum sem skipstjóra á skemmti-
ferðaskipi í Poseidon-ævintýrinu árið 1972.
Eftir að einhverjum datt í hug að fá Nielsen í
fyrstu Airplane-myndina lá leið hans hratt
upp á við. Myndin féll í kramið, bæði hjá leik-
um og lærðum, og Nielsen þótti vinna leiksigur
í hlutverki Rumacks læknis. Loksins var hann
kominn á rétta hillu. Fræg voru ummæli Ro-
gers Eberts þess efnis að Nielsen væri „Olivier
skopstælinganna“. Ekki amalegt veganesti.
Í ljósi velgengni Airplane ákváðu sömu að-
ilar, leikstjórarnir Jim Abrahams, David og
Jerry Zucker, að hasla sér völl í sjónvarpi á
svipuðum forsendum. Þættirnir kölluðust Po-
lice Squad! og skörtuðu Nielsen í aðalhlutverki
sem Frank Drebin aðstoðarvarðstjóri. Ekki
reyndist hljómgrunnur fyrir Police Squad! og
framleiðslu var hætt eftir aðeins sex þætti.
Nielsen gat þó unað vel við sitt framlag enda
var hann tilnefndur til Emmy-verðlauna.
Þrátt fyrir ófarirnar stungu Abrahams og
Zuckerarnir hugmyndinni ekki niður í skúffu
og sex árum síðar voru þeir tilbúnir með kvik-
mynd: The Naked Gun: From the Files of Po-
lice Squad. Aftur var Nielsen trompið, dyggi-
lega studdur af gamla brýninu George
Kennedy og tveimur Séð & heyrt-fígúrum,
Priscillu Presley og O.J. Simpson sem þá var
enn með þokkalega hreina samvisku. Myndin
sló rækilega í gegn og aftur hitti Roger Ebert
naglann á höfuðið: „Þú hlærð og síðan hlærðu
að sjálfum þér fyrir að hafa hlegið.“ Gagn-
rýndur koma sannarlega ekki með kókópuffs-
inu þarna vestra.
Tvær framhaldsmyndir voru gerðar: The
Naked Gun 2½: The Smell of Fear og The Na-
ked Gun 33¹/³: The Final Insult. Þær gengu líka
vel og lengi hafa verið uppi hugmyndir um að
gera fjórðu myndina. Af því verður varla úr
þessu.
Húmar að
háðfugli
Leslie Nielsen
kunni að kitla
hláturtaugarnar
Leslie Nielsen á góðri stundu með Priscillu Presley sem lék á móti honum í hinum kostulegu Naked Gun-myndum.
Reuters
Vikuspegill
Orri Páll Ormarsson orri@mbl.is
Leslie Nielsen var
virkur í list sinni til
hinsta dags og síð-
ustu tíu árin lék hann
í fjórtán bíómyndum,
þeirra frægastar eru
líklega Scary Movie 3
og 4 sem fengu mis-
jafna dóma en prýði-
lega aðsókn. Síðasta
myndin sem Nielsen
lék í, The Waterman
Movie, verður frum-
sýnd á næsta ári.
Virkur til
hinstu
stundar
ódýrt og gott
Verð áður 2598 kr.
Grísalundir, erlendar
1398kr.kg
46%afsláttur