Morgunblaðið - 22.03.2010, Blaðsíða 6

6
MORGUNBLAÐIÐ MÁNUDAGUR 22. MARS 2010
Eftir Helga Bjarnason
helgi@mbl.is
ELDGOSIÐ á Fimmvörðuhálsi
raskar daglegu lífi fólks á rýming-
arsvæðinu í Rangárþingi eystra.
Íbúarnir þurftu að yfirgefa heimili
sín í snarhasti og gista annars stað-
ar og komust ekki heim aftur fyrr
en síðdegis í gær. Íbúar fjórtán
bæja fengu ekki að sofa heima í
nótt. Fólkið tekur hlutunum með ró
en vonar að eldgosið fjari fljótt út
svo lífið komist aftur í fastar skorð-
ur.
Engin umferð var um þjóðveginn
undir Eyjafjöllum eftir hádegið í
gær og fáir bílar heima á bæjunum.
Það var sýnilegasta táknið um
hættuástand vegna eldgoss á
Fimmvörðuhálsi, ofan við Eyjafjöll-
in. Lágskýjað var yfir Fjöllunum og
ekki sást til eldstöðvanna. Ekki sást
heldur í reykjarstrókinn.
Síðdegis í gær var umferðin orðin
meiri, enda búið að opna þjóðveginn
og dregið hafði verið úr viðbúnaði.
Svartur reykjarmökkur frá eld-
stöðvunum sást hins vegar vel síð-
degis þegar ekið var inn Fljótshlíð-
ina. Þá loksins teiknaði hann sig vel
frá skýjunum sem verið höfðu dökk
framan af degi. Enn sást ekkert til
eldsins.
Bjarminn frá eldstöðvunum hafði
sést vel um nóttina, á stóru svæði.
Þá urðu bændur í Fljótshlíð varir
við smávegis ösku í lofti og fundu
brennisteinslykt.
„Tæmum ísskápinn“
„Við sitjum hér í góðu yfirlæti hjá
Önnu Birnu og Sigga og tæmum ís-
skápinn,“ sagði Helga Haraldsdóttir
frá Núpakoti þegar blaðamenn
Morgunblaðsins litu inn í Varmahlíð
undir Eyjafjöllum. Hún sat ásamt
fjölskyldu sinni og nágrönnum í
stofunni og fylgdist með fréttum af
gosinu í Sjónvarpinu.
Heimilisfólkið í Núpakoti og á
Þorvaldseyri fór í Varmahlíð í fyrri-
nótt, eins og til var ætlast. Þar voru
fyrir Anna Birna Þráinsdóttir,
sýslumaður í Vík og Sigurður Jakob
Jónsson og tvö börn þeirra, en þau
eiga sitt annað heimili í Varmahlíð.
Pétur Freyr Pétursson í Núpa-
koti segist hafa fengið smáskilaboð
frá Neyðarlínunni um klukkan tutt-
ugu mínútur yfir tólf. „Ég hélt að
þetta væri gabb og þegar ég sá
enga hreyfingu á Þorvaldseyri
hringdi ég í Neyðarlínuna og fékk
þetta staðfest,“ segir Pétur.
Þegar betur var að gáð sáu þau
örlítinn roða á skýi í norðaustri. Til
þess að sjá bjarmann varð þó að
fara út í myrkrið.
Búið að fara yfir áætlunina
Rýmingin gekk vel enda var ný-
lega búið að efna til funda og fara
yfir áætlunina með íbúum.
Heimilisfólkið í Núpakoti og á
Þorvaldseyri fékk ekki að sofa
heima í nótt, af öryggisástæðum.
Íbúðarhús þess eru meðal þeirra
fjórtán sem áframhaldandi rýming
nær til.
Ekkert minnir á eldgos
 Fámenni undir Eyjafjöllum og lítil umferð er helsta tákn um náttúruhamfarir  Lífið fer úr skorðum
þegar rýma þarf hús og fara frá búi  Fólkið tekur hlutunum með ró og vonast til að gosið fjari fljótt út
Morgunblaðið/Ómar
Fréttir Sigurður Jakob Jónsson í Varmahlíð fylgdist með fréttunum með unga fólkinu, Einari og Ingveldi Önnu Sigurðarbörnum og Pétri Loga Péturssyni.
Rýming Gestkvæmt var í gær í Varmahlíð undir Eyjafjöllum. Þangað komu
nágrannar sem þurftu að rýma hús sín, Pétur Freyr Pétursson og Helga
Haraldsdóttir frá Núpakoti og Guðný Valberg, Hanna Lára Andrews, Ólaf-
ur Pálsson og Páll Eggert Ólafsson frá Þorvaldseyri.
„GOSIÐ er á fínasta stað, eins og túristagos. Ég átti
ekki von á að það yrði svona austarlega og norðar-
lega,“ segir Þórarinn Ólafsson, kornbóndi í Drangshlíð
undir Eyjafjöllum. Hann var staddur hjá kunningja sín-
um í Landeyjum á laugardagskvöldið. Ólafur Gunn-
arsson, faðir hans, var heima í Drangshlíð, ásamt gest-
komandi foreldrum sínum, Gunnari Sæmundssyni og
Ástu Halldóru Ágústsdóttur.
Þórarinn lét föður sinn vita og fór síðan á Hvolsvöll.
Ólafur segist síðan hafa fengið staðfestingu á þessu frá
bróður sínum í Reykjavík sem hafði séð fréttir um eld-
gosið og hringt til að spyrjast fyrir um málið. Hann við-
urkennir að það hafi fyrst komið upp í hugann að þetta
væri æfing enda hafði almannavarnanefndin nýlega
fundað með íbúum og farið yfir rýmingaráætlun. „Það
fór ekki á milli mála að eitthvað var að gerast. Björg-
unarsveitarbíll ók um með blikkandi ljós. Þegar ég fór
síðan til að setja traktorinn inn fyrir Þórarin kom bíla-
lestin og stefndi til nágranna míns,“ segir Ólafur.
Drangshlíð er talin á öruggu svæði og þangað er stefnt
fólki af næstu bæjum þegar rýma þarf íbúðarhús.
Hélt fyrst að tilkynningin
um rýmingu væri æfing
Morgunblaðið/Ómar
Erfitt að trúa Ólafur Gunnarsson og Þórarinn Ólafsson
eru kornbændur í Drangshlíð undir Eyjafjöllum.
„ÉG sá fljótt að
gosið var ekki
framan til í jökl-
inum og ógnaði
okkur því ekki,“
segir Ólafur
Eggertsson,
bóndi á Þor-
valdseyri og
oddviti Rang-
árþings eystra.
Eldgos í Eyjafjallajökli eru
þekkt og jarðskjálftar und-
anfarnar vikur hafa minnt íbúana
sem undir honum búa á þá stað-
reynd.
„Við höfum verið mánuð í
spennitreyju,“ segir Ólafur um að-
draganda gossins. „Börnin hafa
verið að spyrja um þetta og við
þurfum að hafa gætur á þeim og
hjálpa þeim í gegn um þetta,“ seg-
ir oddvitinn. helgi@mbl.is
Sá fljótt að gosið
ógnaði okkur ekki
Ólafur Eggertsson
„EYJAFJALLAJÖKULL er jökull-
inn minn. Ég er ekki hrædd við
hann,“ segir Oddný Jónsdóttir. Hún
var í sumarbústað í Skógum um
helgina ásamt eiginmanni sínum,
Sveini Ingimarssyni, og þremur
börnum. Þau fóru til Víkur ásamt
öðrum íbúum í Skógum en komu
við í bústaðnum á leiðinni í bæinn,
þegar þjóðvegurinn var opnaður í
gær.
Oddný er alinn upp í Skógum og
segist vera hræddari við Kötlu en
Eyjafjallajökul. Eldgosið var mikið
ævintýri fyrir börnin og búast má
við að það lifi lengi í minningunni.
Aldrei hrædd við
Eyjafjallajökul
Morgunblaðið/Ómar
Í Skógum Oddný Jónsdóttir og
Ingimar Sveinsson á heimleið.
Eldgos á Fimmvörðuhálsi