Skólablaðið - 01.04.1988, Page 41

og hann lætur allar reglur lönd og
leið í samsetningu efna, mynstra
og lita. Hann notar bæði dýr og
skrautleg efni, útsaum, perlusaum
og alls konar skraut, og fer hvergi
spart með. Hann hikar ekki við að
lita skinn græn og fjólublá, hengja
dúska á fötin og á einni sýningu
hlóð hann hverri silkihúfunni ofan
á aðra án þess að gæta að hefð-
bundnum reglum um smekk.
I stað þess að valda hneykslun,
eins og margur myndi halda, ætlaði
allt um koll að keyra af hrifningu á
fyrstu sýningu hans. Fólk stóð uppi
á stólum og lét blómum rigna yfir
sviðið, hinum rótgrónu tísku-
kóngum eins og Yves Saint-
Laurent til mikillar gremju.
Dirfska og hugrekki þessa
manns hefur vakið verðskuldaða
athygli. Þegar hann setti gular
satín-ermar á minkakápur þótti
fólki hann hugrakkur, en þegar ein
sýningarstúlkan birtist á sviðinu
íklædd brúnum pels sem hafði
verið fóðraður með nærfatablúnd-
um, var ekki laust við að sumir
færu hjá sér. Hverjum öðrum hefði
dottið þvílíkt og annað eins í hug?
En þrátt fyrir allt skrautið er
hann sagður dá kvenlíkamann og
vita hvar mörkin liggja. Næsta ár
hyggst Lacroix síkka pilsin, því
eins og hann segir sjálfur: „Tíska
er ekki tíska nema hún taki sífellt
breytingum.“
Christian Lacroix ætti ekki að
lenda í vandræðum með að breyta
tískunni. Hvað ætli honum takist
að láta fínu frúrnar gera næst?
Urður Njarðvík.
41