SunnudagsMogginn - 14.08.2011, Page 28

Særún varði mestum tíma á ljósmyndanámskeiðinu í
að fylgjast með Reyni Pétri á Sólheimum. „Ég fylgd-
ist með honum að störfum í gróðurhúsinu, þar sem
hann vann meðal annars með tómatana, og svo í
sundi eða göngutúr eftir að vinnudegi var lokið,“
segir hún. „Ég fékk tækifæri til að vera fluga á vegg
og það var dásamlegt; hann er svo æðislegur, alltaf
hress og í góðu skapi, syngjandi og spjallandi.“
Hún segir samfélagið á Sólheimum einstakt. „Ég
frétti af því að það hefði verið vandamál með fjár-
mögnun, en þau hefðu unnið dómsmál og það fannst
mér gott. Maður fann það glöggt hversu fólki líður
vel þar og það á að vera þannig.“
Og rætur Særúnar liggja líka á Sólheimum. „Ég bjó
þar þangað til ég var tveggja ára, því mamma og
pabbi unnu þar, og mér fannst því spes að koma
þangað. Ég man ekkert eftir því. En Reynir Pétur var
þar þegar ég var tveggja ára. Hann gekk í kringum
Ísland í maí árið 1985 og ég fæddist í sama mánuði.
Það fannst honum spennandi.“
Samstarfið gekk því vel við Reyni Pétur. „Það var
svolítið fyndið þegar ég var að mynda hann í sund-
lauginni. Þá var þar önnur kona og fylgdist með. Ég
hafði ekkert kynnt mig eða af hverju ég væri þarna
og þegar ég skrapp á klósettið heyrði ég að hún
spurði svolítið hvasst: „Hvenær kemur Hanný konan
þín?“ Þegar ég kom út aftur gætti ég þess að út-
skýra af hverju ég var þarna,“ segir hún og hlær.
„Mig langar aftur til Sólheima. Ef til vill mynda ég
áfram Reyni Pétur, kannski fleira fólk.“
Fékk að vera
fluga á vegg
Ljósmynd/Særún Norén
’
Ég bjó [á Sól-
heimum]
þangað til ég
var tveggja ára, því
mamma og pabbi
unnu þar, og mér
fannst því spes að
koma þangað. Ég
man ekkert eftir því.
En Reynir Pétur var
þar þegar ég var
tveggja ára.
28 14. ágúst 2011