Fréttablaðið - 18.11.2011, Síða 42

KYNNING − AUGLÝSINGJólaföt FÖSTUDAGUR 18. NÓVEMBER 20114
NÝTT
VISATÍMABIL
RÉTTU SOKKARNIR VIÐ JAKKAFÖTIN
Sérstakar reglur gilda þegar pöruð eru saman jakkaföt og sokkar. Meginreglan er sú að
sokkarnir eiga að passa við jakkafötin en ekki skóna. Þannig á að vera í dökkbláum sokkum
við dökkblá jakkaföt þó að skórnir séu svartir. Með þessu virðist fóturinn lengri auk þess sem
minna ber á því ef buxurnar eru aðeins of stuttar.
Sokkarnir þurfa þó ekki alltaf að vera alveg eins og buxurnar. Þeir mega líka vera örlítið
dekkri en þær. Ef valdir eru mynstraðir sokkar ætti grunnlitur þeirra að passa við litinn á
jakkafötunum. Ef ekki reynist mögulegt að finna sokka sem passa við lit jakkafatanna ætti að
miða við að hafa þá í sama lit og skóna.
Ljósir sokkar eru í lagi við ljós jakkaföt en eru algert tabú við dekkri jakkaföt. Ekki þarf að taka
fram að hvítir sportsokkar eru hreint og beint bannaðir við allar gerðir jakkafata.
Ekki er gott að vera í of lágum sokkum. Helst ættu þeir að ná upp á miðja kálfa ef ekki bara
upp að hnésbótum. Þannig myndast ekki óþægilegt gap þegar buxnaskálmin kippist upp
þegar setið er.
STJARNA EINS OG TAYLOR
Ef maður er í vandræðum með
velja jólakjólinn er kjörið að
finna vefsíður með myndum af
gömlum Hollywood-stjörnum
og skoða stíl þeirra. Tíska sjötta
áratugarins nýtur mikilla vinsælda
um þessar mundir og fáar konur
skutu Elizabeth Taylor ref fyrir
rass í klæðaburði á þeim tíma.
Hér er hún í jólamyndatöku fyrir
tímaritið Life upp úr 1950 og allar
konur ættu að verða stjörnur um
jólin í svona kjól eða öðrum álíka.
Myndina og aðrar í svipuðum dúr
er að finna á vefsíðunni life.com.
NÝ SNYRTIMENNSKA
Snemma á nítjándu öldinni
kom breski spjátrungurinn Beau
Brummell fram með alveg nýjan
stíl í klæðaburði sem fljótlega
náði vinsældum hjá öðrum
spjátrungum um alla Evrópu.
Klæðnaðurinn samanstóð af
velsniðnum jakka við buxur og
vesti úr sama efni og fagurlega
bundið hálstau setti punktinn yfir
i-ið. Fötin voru í dökkum litum
og voru mikil breyting frá þeim
skrautlega fatnaði sem tískan
hafði krafist fram að því. Jakkaföt-
in voru komin fram á sjónarsviðið
og hafa lifað góðu lífi síðan.
Þess má geta að Brummell kom
einnig fram með fleiri tísku-
nýjungar sem þóttu byltingar-
kenndar á þeim tíma, til dæmis
þá kröfu að til að teljast snyrti-
legir þyrftu karlmenn að baða sig
reglulega í heitu vatni.