Fréttablaðið - 19.12.2011, Síða 2

19. desember 2011 MÁNUDAGUR2
REYKJAVÍK Skíðasvæði höfuðborgar-
svæðisins stefna að því að koma upp
snjóbyssu við skíðasvæðið í Ártúns-
brekku. Að sögn Magnúsar Árna-
sonar, framkvæmdastjóra skíða-
svæðanna, er um tilraunaverkefni
að ræða, en tilgangurinn er meðal
annars að geta boðið upp á fleiri
skíðadaga á vetri og sýna fram á
kosti snjóframleiðslu.
„Hugmyndin er þannig til komin
að síðustu tvo vetur snjóaði lítið
þrátt fyrir mikinn kulda, en það
voru kjöraðstæður til snjófram-
leiðslu,“ segir Magnús í samtali við
Fréttablaðið.
„Veturinn 2009 til 2010 og í janúar
í ár hefði til dæmis verið hægt að
framleiða snjó á fullu.“
Magnús bætir því við að ef allt
gangi upp sé stefnan að framleiða
snjó í Ártúnsbrekku þegar aðstæð-
ur eru fyrir hendi og þá sérstaklega
ef lokað er uppi í Bláfjöllum. Svæð-
ið muni bæði nýtast almenningi og
skíðadeildum.
„Þannig að við erum að vonast
til þess að fá tækifæri til að sýna
borgarbúum hversu auðvelt þetta
er og hversu vel framleiddur snjór
getur haldist. Að vera með eina hvíta
brekku í annars snjólausri borg ætti
að vekja gott umtal um snjófram-
leiðslu.“
Ástæða þess að Ártúnsbrekka
verður fyrir valinu fyrir þetta til-
raunaverkefni er aðgangur að vatni.
Í Bláfjöllum er takmarkað magn af
neysluvatni sem myndi klárast afar
fljótt ef það yrði tengt við snjóbyss-
una.
Umhverfis- og samgönguráð
Reykjavíkurborgar fjallaði um
málið á síðasta fundi sínum og fagn-
aði þar tillögum um að nýta skíða-
svæðið í Ártúnsbrekku betur, en
Undirbúa snjófram-
leiðslu í Ártúnsbrekku
Skíðasvæði höfuðborgarsvæðisins hafa fengið lánaða snjóbyssu og stefna að því
að setja tækið upp á skíðasvæðinu í Ártúnsbrekku. Framkvæmdastjóri segist
vona að þetta tilraunaverkefni sýni og sanni kostina við snjóframleiðslu.
Í ÁRTÚNSBREKKU Skíðasvæði höfuðborgarsvæðisins stefna að því að framleiða
snjó í Ártúnsbrekku. Um tilraunaverkefni er að ræða, en reynist tækjabúnaðurinn
vel er hugsanlegt að lagt verði í kaup á snjóbyssu. FRÉTTABLAÐIÐ/VILHELM
FILIPPSEYJAR, AP Staðfest hefur
verið að yfir 650 eru látnir og í
það minnsta 900 er saknað eftir
að hitabeltisstormur gekk yfir
suðurhluta Filippseyja á föstudag.
Storminum fylgdu mikil flóð sem
hrifu heilu þorpin með sér á haf út.
Óttast er að enn fleiri hafi far-
ist, þar sem heilu fjölskyldurnar
hafi látist og enginn sé eftir til
að tilkynna að fólksins sé saknað.
Flestir sem fórust voru konur og
börn að sögn Rauða krossins.
Foreldrar Amor Limbago eru
meðal þeirra sem er saknað.
„Þegar ég kom til baka sá ég að
húsið okkar var horfið,“ sagði
Limbago, sem er 21 árs gömul.
„Það var ekkert eftir nema leðja
og vatnið sem náði upp að hnjám.“
Flestir íbúanna voru sofandi
þegar stormurinn gekk yfir.
Gríðar legar rigningar fylgdu
óveðrinu og flæddu ár og lækir
yfir bakka sína. Stjórnvöld vör-
uðu við storminum og hættu á
flóðum, en viðvaranirnar virðast
ekki hafa skilað árangri. Þúsund-
ir hermanna, lögreglumanna og
sjálfboðaliða leituðu um helgina
að fólki sem komst lífs af, og grófu
hundruð líka upp úr leðjunni. - bj
Yfir 650 látnir og 900 saknað eftir að hitabeltisstormur gekk yfir Filippseyjar:
Flóð hrifu heilu þorpin á haf út
TJÓN Gríðarlegt eignatjón varð í flóðunum sem fylgdu hitabeltisstorminum og heilu
þorpin hurfu í vatnselginn. FRÉTTABLAÐIÐ/AP
Róbert, hvernig gengur að
þrykkja bolum á markað?
„Vonandi betur en að þrykkja
boltum í netið.“
Handboltakappinn Róbert Gunnarsson
þrykkir myndir á boli í frístundum sínum
og selur. Hann spilar nú með þýska
liðinu Rhein-Neckar Löwen og gæti vel
hugsað sér að gera bolaþrykk að atvinnu
þegar handboltaferlinum lýkur.
LÖGREGLUMÁL Ekið var á ungan
dreng á Akranesi á laugardags-
kvöld. Ökumaður bílsins stakk af,
án þess að athuga ástand drengs-
ins, en gaf sig fram við löregluna
á Akranesi skömmu síðar.
Drengurinn var fluttur á
sjúkrahús, þar sem hann gisti um
nóttina. Hann var útskrifaður
þaðan í gær, óbrotinn en tölu-
vert marinn og skrámaður eftir
atvikið.
Málið er á frumstigi rannsókn-
ar, samkvæmt upplýsingum frá
lögreglunni á Akranesi. Þar er
það litið alvarlegum augum að
ökumaðurinn skyldi aka á brott,
en öllum ber skylda til að veita
hjálp á vettvangi umferðarslysa.
- hhs
Alvarlegt brot á Akranesi:
Ók á barn og
stakk svo af
INDÓNESÍA, AP Meira en 200 er
saknað eftir að skip með flótta-
fólk sökk í stormi undan ströndum
Jövu í gær. Talið er að skipið hafi
verið ofhlaðið af flóttamönnum
sem vildu komast frá Indó nesíu til
eyja sem tilheyra Ástralíu.
Björgunarmenn höfðu í gær
bjargað 33 úr sjónum, þar af
tveimur átta og tíu ára börnum
sem höfðu haldið sér í rekald úr
bátnum í fimm klukkustundir.
Einn þeirra sem bjargaðist sagði
að aðeins hefðu verið 25 björgun-
arvesti um borð og áhöfnin hafi
tekið níu af þeim.
Talið er að flóttamennirnir séu
flestir frá Afganistan, Íran, Írak
og Tyrklandi. - bj
Skip með flóttamenn sökk:
Um 200 saknað
BJARGAÐ Margir þeirra sem björguðust
voru örmagna eftir sjávarháskann.
FRÉTTABLAÐIÐ/AP
RÚSSLAND Að minnsta kosti fjórir
létu lífið og fimmtíu er saknað
eftir að rússneskur olíuborpallur
sökk í hafið við Sakhalin-eyju í
gær. Fjórtán hafa fundist á lífi.
Verið var að draga pallinn þegar
honum hvolfdi í stormi.
Alls voru sextíu og sjö manns
á pallinum en óttast er að ekki
hafi allir náð í björgunarbátana.
Tveir af fjórum björgunarbátum
pallsins hafa fundist mannlausir
í sjónum en ölduhæð var um það
bil fjórir metrar og frostið um
sautján stig þegar slysið varð.
Rannsakað verður hvort öryggis-
reglur hafi verið brotnar með
því að flytja pallinn í svo slæmu
veðri. - rat
Olíuborpallur sökk í fárviðri:
Björgunarbátar
finnast tómir
LÖGREGLUMÁL Tveir erlendir karl-
menn sem voru handteknir með
fölsuð greiðslukort í úra- og
skartgripabúð á föstudag voru
um helgina úrskurðaðir í tveggja
vikna gæsluvarðhald. Þetta kom
fram í fréttum RÚV.
Mennirnir reyndu að kaupa
Rolex-úr að andvirði rúmlega
fimm milljóna króna í verslun-
inni. Starfsfólkið grunaði að ekki
væri allt með felldu, og kallaði til
lögreglu sem handtók mennina.
Mennirnir voru með tugi fals-
aðra kreditkorta á sér og verður
rannsakað hvort þeim tókst að
nota þau í öðrum verslunum. - bj
Tveir grunaðir um kortasvindl:
Handteknir í
skartgripabúð
DÓMSMÁL Embætti sérstaks saksóknara hefur
gefið út ákæru á hendur tveimur fyrrverandi
starfsmönnum Glitnis fyrir stórfelld umboðs-
svik. Samkvæmt heimildum Fréttablaðsins er
um að ræða þá Lárus Welding, fyrrverandi for-
stjóra Glitnis, og Guðmund Hjaltason, fyrr-
verandi framkvæmdastjóra fyrirtækjasviðs
Glitnis.
Ekki er útilokað að fleiri verði ákærðir fyrir
aðkomu sína að sama máli.
Þeir eru ákærðir fyrir að misfara með fé
bankans í lánveitingum tengdum félaginu
Svartháfi. Bankinn lánaði 10 milljarða króna til
félagsins snemma á árinu 2008, en daginn áður
en lánin voru veitt, varð breyting á eignarhaldi
Svartháfs þannig að Werner Ívar Rasmusson,
faðir Karls og Steingríms hjá Milestone, varð
eini eigandi félagsins.
Í Rannsóknarskýrslu Alþingis segir að þessi
lánveiting virðist hafa verið til þess fallin að
hún komi ekki fram hjá raunverulegum
lántakanda, Milestone, sem var með
mjög háa skuldastöðu við bankann.
Þannig kæmi það ekki fram undir
Milestone í uppgjörum á útreikningi á
áhættugrunni útlána gagnvart eigin
fé bankans.
Eftir því sem heimildir Frétta-
blaðsins herma gætu fleiri verið
ákærðir í framhaldinu en enn þá hefur
ekki verið tekin afstaða til þess.
Lárus var á dögunum
úrskurðaður í gæsluvarðhald vegna annarra
mála sem tengjast störfum hans hjá Glitni.
Guðmundur Hjaltason lét af störfum hjá
Glitni rúmum tveimur mánuðum eftir að lánið
til Svartháfs var afgreitt og hóf störf hjá Mile-
stone. Hann stofnaði svo ráðgjafafyrirtæki
sem vann meðal annars fyrir fjármálaráðu-
neytið að endurskipulagningu sparisjóð-
anna. Það gekk svo inn í Sögu fjárfestinga-
banka og þaðan inn í MP banka þar sem
Guðmundur er starfsmaður í dag. - þj, sh, þsj
Sérstakur saksóknari ákærir tvo fyrir umboðssvik í máli Svartháfs og Milestone-bræðra:
Enn fleiri gætu fengið ákæru í málinu
LÁRUS WELDING ÁKÆRÐUR Lárus Welding,
fyrrverandi forstjóri Glitnis, hefur verið
ákærður fyrir umboðssvik í störfum
sínum fyrir bankann.
LÖGREGLUFRÉTTIR
Rúta valt í Melasveit
Rútubílstjóri slapp með lítil meiðsl
þegar bifreiðin, sem hann var einn í,
valt á hliðina á gatnamótum Vestur-
landsvegar og Akrafjallsvegar í gær.
Mikil hálka og hvasst var á svæðinu.
■ Miðað er við að hægt sé að framleiða 2,5 rúmmetra af snjó úr einum
rúmmetra af vatni.
■ Gera má ráð fyrir að 1.350 rúmmetra af snjó þurfi til að þekja skíðasvæð-
ið í Ártúnsbrekku.
■ Samkvæmt því þyrfti til þess um 543 tonn af vatni en snjóbyssan ætti að
geta þakið brekkuna á um 30 klukkustundum, en það er háð aðstæðum.
Brekkan þakin á rúmum sólarhring
lagði ríka áherslu á að vatnstaka úr
ánni muni ekki hafa náttúruspjöll í
för með sér.
Samkvæmt greinargerð Magnús-
ar verður vatnið tekið úr hyl í Ell-
iðaám þar sem enginn lax er. Frá
dælunni verður lögð 300 metra lögn
ofanjarðar upp í brekkuna. Dælan
flytur 8,3 lítra vatns á sekúndu.
Veiðimálastofnun hefur þegar
gefið jákvæða umsögn um verkefnið
þar sem segir að verði öllum reglum
framfylgt, muni það ekki hafa áhrif
á lífríki ánna.
Engin íblöndunarefni eru notuð í
framleiðsluna, en snjór sem er búinn
til með þessum hætti er lengur að
bráðna en náttúrulegur snjór. Það er
vegna þess að snjókorn frjósa út á
við, en tilbúinn snjór frýs inn á við.
Snjóbyssan er fengin að láni,
án endurgjalds, frá framleiðanda
en Magnús segir að ef þessi til-
raun heppnist vel á næstu miss-
erum, sé hugsanlegt að lagt verði í
kaup á snjóbyssu. Slíkt tæki kostar
hins vegar á milli 30 og 40 þúsund
evrur, fyrir utan virðisaukaskatt og
aðflutningsgjöld.
Málið liggur nú hjá ÍTR sem
ákveður hvort lagt verður út í verk-
efnið. thorgils@frettabladid.is
SPURNING DAGSINS