Fréttablaðið - 19.12.2011, Side 27

TANNHVÍTTUN
MÁNUDAGUR 19. DESEMBER 2011 Kynningarblað Meðferðir, möguleikar, algeng vandamál, fróðleikur og góð ráð..
Hvað hefur tannhvíttun verið lengi til?Sú aðferð sem er mest
notuð í dag er rúmlega 20 ára
gömul. Hún hefur vissulega verið
þróuð og endurbætt á þessum tíma.
Geta allir búist við mikilli breyt-
ingu?
Rannsóknir hafa sýnt að mik-
ill meirihluti þeirra sem hvítta er
ánægður með meðferðina. Ein
rannsókn frá 2003 sýndi fram á að
98% voru ánægð með árangurinn.
Þetta á við þau tilfelli þar sem um
hefðbundnar „öldrunar“-litabreyt-
ingar er að ræða. Það geta einnig
verið aðrar sjaldgæfari orsakir fyrir
dökkum lit á tönnum og er tann-
hvíttun þá ekki jafn árangursrík í
sumum tilvikum. En þá er hægt að
grípa til annarra ráða.
Fylgja einhverjar aukaverkan-
ir meðferðinni? Getur tannhvíttun
skaðað glerunginn?
Algengasta vandamálið er við-
kvæmni í tönnum. Það er oftast
vægt en getur í einhverjum tilvik-
um verið tímabundið vandamál.
Það eru samt til leiðir til að minnka
líkurnar á að þetta gerist og einn-
ig er hægt að draga úr óþægindun-
um með ákveðnum efnum.
Ekki er talið að glerungurinn
sjálfur geti skaddast ef farið er
eftir fyrirmælum og meðferðin er
framkvæmd með réttum hætti.
Hins vegar ber að varast að ofnota
heimahvíttunina.
Best er að einstaklingurinn
prófi að hvítta fyrst um sinn í
stutta stund, ef til vill klukkutíma
eða svo í fyrsta sinn. Ef það geng-
ur vel má lengja tímann þangað til
viðkomandi treystir sér til að sofa
með skinnurnar. Það gefur besta
árangurinn. Einnig ber að hafa í
huga að yngra fólk er yfirleitt með
viðkvæmari tennur og því ekki
talið æskilegt að hvítta fyrr en fólk
er komið yfir tvítugt. En það geta
verið undantekningar frá þessu.
Algengt er að fólk fari í sína fyrstu
hvíttun eftir þrítugt. Sumir byrja
þó fyrr og fer það að sjálfsögðu
eftir tannlit og þeim kröfum sem
fólk gerir til útlitsins.
Ef sjúklingur verður var við ein-
hver vandamál er best að hafa sam-
band við sinn tannlækni og meta
stöðuna.
Hvernig virkar tannhvíttun?
Talið er að virka efnið, sem er
oftast karbamíð-peroxíð eða vetn-
is-peroxíð, sundrist í smærri sam-
eindir og gangi inn í tennurn-
ar með því að smeygja sér inn um
glufur sem eru í glerungnum og
sundri efnasameindum sem orsaka
litabreytingar í tönnum.
Hvort er betra að hvítta með
skinnum eða að fara í hraðhvíttun
í tannlæknastól?
Í langflestum tilvikum er hægt
að ná mjög góðri hvíttun með
heimahvíttun einni og sér. Hins
vegar er mjög áhrifaríkt að byrja
með hraðhvíttun og síðan að halda
áfram með lýsingarskinnur til að
klára meðferðina.
Nýlega hefur verið þróuð ein-
föld aðferð sem gerir hraðhvíttun
bæði þægilegri fyrir sjúkling og
árangursríkari. Við höfum boðið
viðskiptavinum okkar upp á að
sameina þessar tvær leiðir í einn
pakka til að ná góðum og hröðum
árangri.
Stundum hefur hraðhvíttun
með ljósum verið áberandi í um-
ræðunni. Eins og Tannlæknafé-
lagið hefur bent á er ekkert sem-
bendir til þess að það sé árangurs-
ríkari meðferð en sumir hafa samt
trú á þessu.
Eru til aðrar leiðir til að hvítta
tennur?
Við höfum margar aðferðir til að
breyta lit og útliti tanna. Stundum
er nauðsynlegt að setja plastfyll-
ingar, postulínsfacettur eða jafn-
vel krónur á framtennurnar til að
ná þeim árangri sem sjúklingur
óskar.
Hvað þarf að hvítta oft til að ná
góðum árangri?
Ef heimahvíttun er notuð er oft-
ast þörf á 7-14 skiptum. Í sumum
tilvikum þarf enn lengri tíma. Það
fer einnig eftir því hversu lengi
efnið er notað í hvert skipti. Hrað-
hvíttun eina og sér þarf oftast að
endurtaka oftar en einu sinni til
að ná sambærilegum árangri.
Þarf að endurtaka meðferðina
með vissu millibili?
Algengt er að fólk eigi efni til að
hvítta og endurtaki meðferðina
í nokkra daga í senn einu sinni á
ári. Vegna þess er gott að eiga þess-
ar skinnur og grípa til þeirra ef lit-
urinn fer að færast í fyrra horf. Þá
dugar oftast að hvítta í 2-4 skipti.
Skinnurnar sjálfar endast afar vel.
Geta allir hvíttað?
Ekki er mælt með tannhvíttun ef
konur eru ófrískar eða með börn á
brjósti. Einnig getur verið varasamt
að hvítta ef fólk er með mjög við-
kvæmar tennur eða með meðfædda
glerungs- eða tannbeinsgalla.
Mikil ánægja með skínandi bros
Þórður Birgisson rekur tannlæknastofuna Hvítt bros í Ármúla 23 og Breiðumörk 18 í Hveragerði. Áhugamál hans þegar kemur að tannlækningum eru
tannhvíttun, fegrunartannlækningar og Cerec-postulínsfyllingar.
Þórður segir flesta afar ánægða með úkomuna. MYND/ANTON
Dæmigerð breyting eftir hvíttun.
Hér sést hvernig tannhvíttun í tannlæknastól er framkvæmd. Talsverð breyting fæst með hraðhvíttun en meðferð er síðan lokið með
Algengt er að silfurfyllingar í jöxlum eða forjöxlum gefi tönnunum
gráleitari blæ. Þá er eina ráðið til að bæta brosið að skipta þeim út fyrir
plast- eða postulínsfyllingar.
Eftir að fyllingarnar voru fjarlægðar sést vel hversu mikilar tannskemmdir
voru þar.
Eftir að tannskemmdir voru hreinsaðar voru í þessu tilviki settar Cerec-
postulínsfyllingar og krónur. Kosturinn við þessa aðferð er sá að hægt er
að klára meðferðina í einni heimsókn.