Fréttablaðið - 19.12.2011, Side 24

19. desember 2011 MÁNUDAGUR24
Innilegar þakkir til allra sem sýndu
okkur samúð og hlýhug við andlát
og útför elskulegrar móður okkar,
tengdamóður, ömmu og langömmu,
Guðrúnar Jóhönnu
Valdimarsdóttur
áður til heimilis að Haðalandi 15,
Reykjavík,
sem lést mánudaginn 21. nóvember.
Sérstakar þakkir til starfsfólks Hrafnistu í Hafnarfirði
fyrir góða umönnun og hlýju.
Sigurbjörg Edda Agnarsdóttir Benóný Eiríksson
Svanhildur Agnarsdóttir Hafliði S. Magnússon
Agnar Rúnar Agnarsson Guðlaug Sigurðardóttir
barnabörn og barnabarnabörn.
Innilegar þakkir til allra þeirra sem
sýndu okkur samúð og hlýhug við
andlát og útför ástkærs eiginmanns
míns, föður okkar, sonar, bróður,
mágs og tengdasonar,
Sigurðar Ólafssonar.
Sérstakar þakkir færum við starfsfólki
Heimahlynningar og krabbameinsdeilda Landspítalans.
Dóra Thorsteinsson
Matthías Sigurðsson
Hildur Sigurðardóttir
Hjördís Smith Ólafur Sigurðsson
Sverrir Ólafsson Hulda Stefánsdóttir
Björk Ólafsdóttir Hörður Már Gylfason
Geir Thorsteinsson Halldóra Æsa Aradóttir
Guðbjörg Elín Þórarinsdóttir.
Elskulegur sonur okkar, bróðir, mágur
og frændi,
Jón Freyr Finnsson
Ráðagerði, Seltjarnarnesi,
lést þriðjudaginn 13. desember á deild B-2
Landspítalanum Fossvogi. Útför hans verður gerð frá
Seltjarnarneskirkju mánudaginn 19. desember
kl. 13.00. Blóm og kransar eru vinsamlega afþakkaðir
en þeim sem vilja minnast hans er bent á
SOS barnaþorpin og líknarfélög.
Jónína Ragnarsdóttir Finnur Jónsson
Grétar Elías Finnsson Hildur Elín Geirsdóttir
Freyja Finnsdóttir Henrik Andersen
og systkinabörn
Móðir okkar, tengdamóðir,amma
og langamma,
Ólafía Guðmundsdóttir
frá Böðmóðsstöðum,
Hvassaleiti 58, Reykjavík,
lést á Landspítalanum við Hringbraut 11. desember.
Jarðsungið verður frá Grensáskirkju þriðjudaginn
20. desember kl. 15.00. Blóm og kransar vinsamlega
afþakkaðir en þeir sem vilja minnast hinnar látnu
láti líknarstofnanir njóta þess.
Inga K. Guðmundsdóttir Bjarni Guðmundsson
Þórdís K. Guðmundsdóttir
Pálmar Guðmundsson Erla Rannveig Gunnlaugsdóttir
barnabörn og barnabarnabörn.
Okkar kæra
Ágústa R. Júlíusdóttir
áður til heimilis að Fornhaga 17,
sem lést á hjúkrunarheimilinu Sóltúni þriðjudaginn
6. desember, verður jarðsungin frá Neskirkju mánu-
daginn 19. desember kl. 15. Starfsfólki Sóltúns eru
færðar þakkir fyrir frábæra umönnun. Blóm og kransar
afþakkaðir en þeim sem vildu minnast hinnar látnu er
bent á hjúkrunarheimilið Sóltún.

Sigurður Júlíusson Hulda Sigurðardóttir
Hólmfríður Júlíusdóttir
Elín Pálmadóttir
Sólveig Pálmadóttir
Helga Pálmadóttir Helgi G. Samúelsson
frændsystkin og ömmubörn.
timamot@frettabladid.is
„Þetta er óbeint framhald fyrri bók-
arinnar, Galdrasteinsins, sem kom
út fyrir tveimur árum,“ segir Harpa
Dís Hákonardóttir, höfundur barna-
bókarinnar Fangarnir í trénu, sem
komin er út hjá Sölku. „Sögurnar ger-
ast báðar í Álfheimum og fjalla um
mennska stelpu sem fer til Álfheima
og uppgötvar að álfarnir þurfa hjálp
frá henni.“
Harpa Dís er aðeins 18 ára, byrjaði
að skrifa um tíu ára aldur en segist ekk-
ert endilega hafa ætlað að verða rithöf-
undur þegar hún yrði stór. „Ég hef lesið
mikið af ævintýrum og hef mjög gaman
af þeim. Finnst gaman að skálda eitt-
hvað upp og sögurnar hafa bara orðið
til í framhaldi af því. En það sem eigin-
lega ýtti mér af stað í alvöru var að ég
byrjaði snemma að senda smásögur í
keppnir fyrir börn og þegar ég var tólf
ára lenti ég í öðru sæti í ljóða- og smá-
sagnakeppni sem Æskan og RÚV stóðu
fyrir. Skriftirnar voru samt áfram bara
áhugamál alveg þangað til ég var búin
að klára Galdrasteininn. Þá langaði mig
að fara lengra með hana og sjá hvort
maður gæti fengið gefna út sögu þótt
maður væri bara sextán ára.“
Galdrasteinninn fékk góðar viðtök-
ur og Harpa Dís vonast til þess sama
með Fangana í trénu. Ætlar hún að
halda áfram að skrifa um þessar pers-
ónur? „Já, ég er komin með hugmynd að
þriðju bókinni, þannig að þetta verður
þríleikur,“ segir hún. „Ég er ekki byrjuð
að skrifa hana en er með söguþráðinn í
huganum og ætla að setjast niður núna
í jólafríinu og byrja að skrifa.“
Rithöfundarstarfinu fylgir mikill
erill í kjölfar útgáfu og Harpa Dís hefur
lesið upp úr Föngunum í trénu í sjö
grunnskólum undanfarna viku, stund-
um fyrir fimm bekki í hverjum skóla.
Er hún ekkert orðin þreytt á þessu?
„Nei, nei, þetta er oftast bara mjög
skemmtilegt,“ segir hún. „En það verð-
ur samt gott að komast í jólafrí. Ég ætla
að byrja á því að baka smákökur og svo
bara hvíla mig og lesa góðar bækur.“
Hverjir eru uppáhaldshöfundarn-
ir? „Ég er mjög hrifin af Astrid Lind-
gren, Guðrúnu Helgadóttur og Kristínu
Helgu Gunnarsdóttur. Ég er lítið farin
að lesa bækur fyrir fullorðna, en er að
lesa Ungfrúna góðu og húsið eftir Hall-
dór Laxness núna og nýbúin með Sjálf-
stætt fólk. Mér finnst Laxness mjög
góður höfundur.“ Heldurðu að þú farir
að skrifa fullorðinsbækur þegar þú ert
búin með þríleikinn úr Álfheimum?
„Já, ég get alveg hugsað mér það ef það
kemur einhver góð hugmynd til mín.“
Bróðir Hörpu Dísar er Grímur
Hákonarson kvikmyndagerðarmaður,
og hann og pabbi þeirra, Hákon Sigur-
grímsson, lesa yfir handrit bókanna
áður en hún sendir þær til útgefenda.
Breytir hún miklu eftir yfirlesturinn?
„Ég breyti því sem ég er sammála
um að þurfi að breyta, en Grímur vill
stundum breyta of miklu og þá segi ég
stopp.“ fridrikab@frettabladid.is
HARPA DÍS HÁKONARDÓTTIR: SENDIR FRÁ SÉR BÓK NÚMER TVÖ ÁTJÁN ÁRA
Er komin með hugmynd að
þriðju bókinni um Álfheima
ÞRIÐJA BÓKIN Í KOLLINUM Harpa Dís Hákonardóttir, höfundur Fanganna í trénu, er þegar
komin með hugmynd að lokabók þríleiksins. FRÉTTABLAÐIÐ/VALLI
MARIANNE FAITHFULL söngkona er 65 ára
„Uppreisn er það eina sem heldur í manni lífinu.“
Forsætisráðherrar Bretlands og Kína,
þau Margaret Thatcher og Zhao
Ziyang, skrifuðu undir samkomulag
í Peking 19. desember 1984, um að
Bretar afsöluðu sér yfirráðum yfir
Hong Kong. Frá og með 1. júlí árið
1997 myndu borgin og þær sex millj-
ónir sem þar bjuggu tilheyra Kínverska
alþýðulýðveldinu.
Samkomulagið markaði endalok
155 ára yfirráða Breta í Hong Kong
og Thatcher sagði við þetta tilefni
að það væri við hæfi að fyllast stolti
og bjartsýni á framtíðina á þessu
sögulega augnabliki. Athöfnin fór fram
í Höll fólksins í Peking að viðstöddum
forseta Kínverska alþýðulýðveldisins,
Deng Xiaoping, sem lengi hafði barist
fyrir endurheimt Hong Kong.
ÞETTA GERÐIST: 19. DESEMBER 1984
Bretar afsala sér Hong Kong
Merkisatburðir 19. desember
1821 Eldgos hefst í Eyjafjallajökli, sem aldrei hafði gosið fyrr á
sögulegum tíma.
1901 Stórbruni verður á Akureyri. Fimmtíu manns verða
heimilis lausir er tólf hús brenna.
1943 B-25 sprengiflugvél lendir á hvolfi skammt sunnan við
Grandaveginn í Reykjavík í aðflugi að flugvellinum í Vatns-
mýrinni. Þrír hermenn farast.
1969 Alþingi samþykkir að Ísland gangi í EFTA frá og með
1. mars 1970.
1992 Kvikmyndin Karlakórinn Hekla er frumsýnd.
65