Fréttablaðið - 19.12.2011, Qupperneq 12

19. desember 2011 MÁNUDAGUR12
* Gildir á meðan birgðir endast.
Þú kemst í samband við jólaandann
Þín ánægja er okkar markmið
vodafone.is
Frábær tilboð á snjöllum símum
Samsung Galaxy W
59.990 kr. staðgreitt
eða 4,999 kr. á mánuði í 12 mánuði
Fjölskyldu ALIAS fylgir *
LG Optimus Hub
39.990 kr. staðgreitt
eða 3.333 kr. á mánuði í 12 mánuði
Fjölskyldu ALIAS fylgir *og
2.000 kr. inneign á Tónlist.is
i i i i .
UMHVERFISMÁL Flokkunarstöð
Sorpu í Gufunesi hefur tekið í notk-
un búnað sem flokkar málmhluti
sjálfvirkt, með segulafli, frá öðru
sorpi. Því þurfa heimili á höfuð-
borgarsvæðinu og önnur svæði
sem Sorpa þjónar í sorphirðu, ekki
lengur að vera með sérstaka flokk-
unartunnu undir smáa málmhluti.
Í tilkynningu frá Reykjavíkur-
borg er þeim tilmælum þó beint
til almennings að héðan í frá verði
málmhlutir, líkt og niðursuðudós-
ir, álpappír, skrúfur, naglar og þess
háttar, settir beint ofan í sorptunn-
una en ekki í poka með öðru sorpi.
Málmar eru um þrjú prósent
af heimilissorpi, að því er fram
kemur í tilkynningunni, og alls
nást um 60 prósent af öllum
málmi úr sorpinu með þessari
nýju aðferð.
Um átta til tíu tonn af járni og
um eitt tonn af öðrum málmi er
flokkað frá með þessum hætti á
viku. Afraksturinn er svo sendur
úr landi, aðallega til Bretlands og
Spánar, til endurvinnslu.
Úr málminum er svo framleidd
ýmis vara, svo sem grill og garð-
húsgögn og þar fram eftir götun-
um. - þj
Nýr búnaður í sorphirðu og endurvinnslu í flokkunarstöð Sorpu:
Flokkar málma sjálfkrafa frá
SJÁLFVIRKT Ásmundur Jónsson, verk-
stjóri í móttökustöð Sorpu, sést hér með
hluti sem nýi búnaðurinn flokkaði frá
almenna sorpinu. MYND/SORPA
AKRANES Akranesbær mun leggja
fjórtán milljónir króna í nýsköp-
un, atvinnu- og ferðamál í bænum
á næsta ári. Þetta samþykkti
bæjar stjórnin á fundi fyrir helgi.
Bæjarráði var falið að vinna
að nánari útfærslu á hugmynd-
um og leggja tillögur um ráð-
stöfun á peningunum fyrir bæjar-
stjórn. Þá mun atvinnumálanefnd
og stjórn Akranesstofu verða
falið að leggja fyrir bæjarstjórn
greinar gerðir um störf verkefna-
stjóra í atvinnumálum og ferða-
málum. - þeb
Akranesbær veitir fé:
Fjórtán millj-
ónir í nýsköpun
DÓMSMÁL Tæplega þrítugur karl-
maður hefur verið dæmdur í þrjá-
tíu daga fangelsi, einkum fyrir að
stela úr verslunum.
Maðurinn hafði þann háttinn á
að setja vörur í poka í verslunun-
um og ganga út án þess að borga.
Þá var hann dæmdur fyrir að
brjótast inn í bifreið, í félagi við
óþekktan mann, og stela úr henni
radarvara. Maðurinn hefur játað.
- jss
Dæmdur í 30 daga fangelsi:
Stöðvaður með
þýfi við útidyr
DÓMSMÁL Rúmlega þrítugur karl-
maður hefur verið dæmdur í átta
mánaða fangelsi fyrir að ráðast á
annan mann og stórslasa hann.
Árásarmaðurinn kom á heimili
mannsins og krafðist launa sem
hann taldi sig eiga inni hjá fyrir-
tæki sem fórnarlambið stýrði.
Þegar fjármunir voru ekki reiddir
fram sló hann manninn í andlitið
þannig að hann hlaut skurð ofan
við augabrún, brot á kinnbeini og
augntóft, auk fleiri áverka.
Fórnarlambið hafði verið undir
hendi geðlæknis vegna geðrask-
ana, sem versnuðu um allan helm-
ing við árásina. Árásarmaðurinn,
sem á langan sakaferil, var dæmd-
ur til að greiða fórnarlambinu 600
þúsund krónur. - jss
Réðist á mann inni á heimili:
Átta mánuði
inni eftir árás
DÓMSMÁL Ákæruvaldið í landinu er farið að
krefjast harðari refsinga yfir kynferðis-
brotamönnum og dómstólar farnir að herða
þær. Umræðan í samfélaginu frá almenningi,
stjórnmálamönnum, gras-
rótarsamtökum og þolend-
um kynferðisbrota er farin
að skila árangri í þyngri
dómum. Þetta er mat Helga
Gunnlaugssonar, afbrota-
fræðings við Háskóla
Íslands.
Mikil aukning hefur orðið
í óskilorðsbundnum dómum
yfir brotamönnum sem hafa
níðst kynferðislega á börn-
um, en 21 einstaklingur sat í
fangelsi í fyrra fyrir barna-
níð. Árið 2001 sat einn inni
og það sem af er ári hafa
fjórtán setið í fangelsi fyrir
slík brot. Hafa ber í huga að
fjöldi barnaníðinga sem sitja
inni safnast upp og því var
talan svo há í fyrra.
Að mati Helga hefur aukin
umræða gert það að verkum
að fólk er óhræddara við að
kæra kynferðisbrot og því
fái lögreglan fleiri kærur inn á borð til sín.
Umburðarlyndið fyrir brotunum minnkar með
hverju árinu og því má segja að þau séu meira
uppi á yfirborðinu og rannsóknaraðilar taki
þeim alvarlegar en áður.
Björgvin Björgvinsson, yfirmaður kynferðis-
brotadeildar lögreglunnar, segir marga sam-
verkandi þætti ástæður fjölgunarinnar. Hann
nefnir þar að rannsóknaraðferðir lögreglunnar
hafi batnað, Barnahús var stofnað, samvinna
Barnaverndarstofu og lögreglu jókst sem og
aukin menntun í geiranum almennt.
„Þá kannski síðast en ekki síst stofnun kyn-
ferðisbrotadeildar lögreglunnar sem var sett á
laggirnar árið 2007,“ segir Björgvin og bætir
við að ákæruvaldið hafi einnig stigið ákveð-
ið skref í sömu átt og fyrrgreindar stofnanir.
Páll Winkel, forstjóri Fangelsismálastofnun-
ar, segir brýnt að bregðast við þessari fjölgun
því þeir fangar sem brjóta gegn börnum kyn-
ferðislega eru „lægst settir“ innan fangasam-
félagsins.
„Það er skylda okkar að bjóða þeim sem best-
ar aðstæður, líkt og öðrum,“ segir Páll.
Samkvæmt upplýsingum frá Fangelsis-
málastofnun hafa þó ekki orðið miklar sveifl-
ur síðan árið 2001, að undanskildum árunum
2009 og 2010, í fjölda dóma innan hvers árs þar
sem dómþoli hefur verið dæmdur annars vegar
í óskilorðsbundið fangelsi fyrir kynferðisbrot
gegn börnum og hins vegar í skilorðsbundna
refsingu. sunna@frettabladid.is
Dómstólar herða refsingar
Breyttar áherslur dómstóla og ákæruvalds eru taldar meginforsenda þess að barnaníðingar eru yfirleitt
dæmdir í óskilorðsbundið fangelsi. Einn sat í fangelsi 2001 fyrir barnaníð en í fyrra voru þeir 21.
PÁLL WINKEL
HELGI GUNN-
LAUGSSON
BAK VIÐ LÁS OG SLÁ Tuttugu og einn barnaníðingur sat í fangelsi á síðasta ári og hefur óskilorðsbundnum dómum
fyrir slík brot fjölgað mikið á síðustu tíu árum. FRÉTTABLAÐIÐ/VILHELM
KULDAKAST Á INDLANDI Indverskir
karlar hlýja sér við eld á köldum
morgni í Allahabad á sléttunni undir
Himalajafjöllum. FRÉTTABLAÐIÐ/AP