Fréttablaðið - 22.12.2011, Page 6

22. desember 2011 FIMMTUDAGUR6
Hátíð ljóssins 22. des. 20% afsláttur
DÓMSMÁL Verjandi Baldurs Guð-
laugssonar, fyrrverandi ráðuneytis-
stjóra í fjármálaráðuneytinu, telur
að fréttaflutningur af málinu úr
dómsal hafi spillt fyrir því. Hann
gagnrýnir héraðsdómara harðlega
í greinargerð sem lögð hefur verið
fyrir Hæstarétt.
Baldur var í apríl fundinn sekur
um innherjasvik og dæmdur í
tveggja ára fangelsi. Niðurstaða
dómsins var sú að hann hefði öðlast
innherjaupplýsingar um yfirvofandi
fall Landsbankans í samráðshópi
þriggja ráðuneyta, Seðlabankans
og Fjármálaeftirlitsins, og hag-
nýtt sér þær þegar hann seldi bréf
sín í bankanum fyrir 192 milljónir
skömmu fyrir bankahrun.
Karl Axelsson, verjandi Baldurs,
krefst þess í greinargerðinni til
Hæstaréttar að málinu verði vísað
frá dómi, líkt og hann gerði á fyrri
stigum málsins. Til vara vill hann
að dómurinn verði ómerktur og
réttað verði að nýju í málinu, eða að
Baldur verði sýknaður.
Krafan um frávísun byggir á
sömu rökum og áður; að rannsókn-
inni hafi verið áfátt og að málið í
raun verið rannsakað í tvígang, sem
sé ólögmætt.
Krafa Karls um ómerkingu og
sýknu byggir hins vegar á því að
dómur Guðjóns St. Marteinssonar
sé hæpinn – og í raun arfavitlaus
– á nær alla lund. Fyrir það fyrsta
telur verjandinn að dómari hefði átt
að nýta heimild til að hafa dóminn
fjölskipaðan, enda hafi honum frá
upphafi mátt „vera ljóst að um væri
að ræða úrlausnarefni á flóknu sér-
sviði sem hann hafði enga sérstaka
þekkingu á“.
Þá segir í greinargerðinni að
sönnunarmati dómsins sé verulega
áfátt, einblínt hafi verið á vitnis-
burði sem komu Baldri illa en aðrir,
sem renndu stoðum undir framburð
Baldurs, sniðgengnir.
Karl segir dómara gerast sekan
um grundvallarmisskilning á þekkt-
ustu leikreglum fjármálamarkaðar-
ins og hlutafélagaformsins með því
að tiltaka að „ekki hafi staðið til að
bjarga hluthöfum banka færi banki
í þrot“. „Það er með ólíkindum að
það vefjist fyrir héraðsdómi að
hlut hafar í félagi eru fyrstir til að
tapa fari félag í þrot,“ segir í grein-
argerðinni. Þar segir enn fremur
að ónákvæmni gæti í forsendum
dómsins, ýmsar ályktanir séu með
ólíkindum, í dómnum séu þversagn-
ir, þar fari fram takmarkað mat á
upplýsingum og verulega skorti
á rökstuðning, sem sé afar óskýr.
Sumpart eru niðurstöður dómsins
sagðar fráleitar, jafnvel svo mjög
að þær verðskuldi ekki umfjöllun.
Ómerkingarkrafan er einnig
byggð á því sem áður greinir; að
fjölmiðlar hafi flutt fréttir af fram-
burði vitna jafnóðum úr dómsal, og
fyrir liggi að vitni hafi lesið fram-
burði þeirra sem á undan fóru. Það
sé andstætt lögum um meðferð
sakamála, þar sem segi að vitni
skuli að jafnaði ekki hlýða hvort á
annars framburð. stigur@frettabladid.is
Segir fréttaskrif í beinni úr
dómsal hafa spillt málinu
Verjandi Baldurs Guðlaugssonar fer hörðum orðum um dóm Guðjóns Marteinssonar í greinargerð til Hæsta-
réttar. Dómarann skorti ljóslega þekkingu á málaflokknum. Krefst frávísunar, ella ógildingar eða sýknu.
HÁTTSETTUR Baldur Guðlaugsson var einn æðsti embættismaður landsins fyrir
hrun. Um hann sagði Björgvin G. Sigurðsson, þá viðskiptaráðherra, að hann hefði
líklega verið valdamestur allra í ríkisstjórninni. Við hlið hans er verjandinn Karl
Axelsson. FRÉTTABLAÐIÐ/GVA
Í greinargerð Ríkissaksóknara til Hæstaréttar er öllum málsástæðum Karls
og Baldurs hafnað. Segir þar að dómurinn hafi komist að réttri niðurstöðu
um sekt Baldurs, þótt farið sé fram á að sakfellt verði að fullu fyrir ákærulið
tvö, sem kvað á um innherjaupplýsingar sem Baldur hefði öðlast um fyrir-
hugað hámark á innstæðum á Icesave-reikningunum.
Því er hafnað að málið sé ónýtt þar sem dómurinn hafi ekki verið fjölskip-
aður og enn fremur verði ekki séð að Hæstiréttur hafi nokkurn tíma ómerkt
héraðsdóm á þeirri forsendu einni.
Þá er auk þess krafist að refsingin yfir Baldri verði þyngd. Í héraði mælti
sérstakur saksóknari með tveggja ára óskilorðsbundnum fangelsisdómi og
fékk sínu framgengt.
Saksóknari krefst enn þyngri refsingar
SAMGÖNGUMÁL 83 prósent þeirra
sem koma sem gestir á Landspít-
alann eru tuttugu mínútur eða
styttri tíma á leiðinni. Þetta eru
niðurstöður ferðavenjukönnunar
sem gerð var fyrir Nýja Landspít-
alann, opinbert hlutafélag um nýja
byggingu við spítalann.
Könnunin var unnin þannig að
gestir á spítalanum, bæði í Foss-
vogi og á Hringbraut, voru spurð-
ir um ferðavenjur sínar. Könnun-
in var framkvæmd í nóvember og
fengust svör frá 681 gesti. Yfir 48
prósent voru aðstandendur og 44
prósent voru að sækja þjónustu
á spítalann. Sjö prósent voru í
öðrum erindagjörðum þar.
Langflestir, eða tæp 95 pró-
sent, sögðust koma akandi. Tæp
þrjú prósent komu fótgangandi,
tæplega tvö prósent gesta notuðu
almenningssamgöngur og 0,6 pró-
sent hjóluðu. Rúmur helmingur
ökumanna lagði í gjaldskyld stæði,
en aðrir lögðu ýmist í gjaldfrjáls
stæði, lögðu í nágrenni spítalans
eða lögðu á annan hátt.
Rúmur helmingur gestanna var
á bilinu eina til tíu mínútur á leið
sinni á spítalann, ýmist frá heim-
ili sínu eða síðasta áfangastað. Þá
voru 28 prósent á bilinu ellefu til
tuttugu mínútur á leiðinni.
- þeb
Langflestir sem eiga leið á Landspítalann koma þangað á bíl:
Innan við 20 mínútur á leiðinni
Á að leyfa baðstað við Perluna?
Já 63,8%
Nei 36,2%
SPURNING DAGSINS Í DAG:
Óttast þú stökkbreytt afbrigði af
fuglaflensunni?
Segðu þína skoðun á Vísir.is.
LANDSPÍTALINN Langflestir komu á bíl
á Landspítalann, og meirihlutinn lagði í
gjaldskyld stæði við spítalann.
FRÉTTABLAÐIÐ/VILHELM
UMHVERFISMÁL „Útgerðirnar taka
fréttir af dauðri síld á Breiðafirði
mjög alvarlega og munu leggja
sig allar fram um að áhrif veið-
anna verði eins lítil og mögulegt
er,“ segir Friðrik J. Arngrímsson,
framkvæmdastjóri sambandsins.
Friðrik segir að útgerðir síldar-
skipa leggi áherslu á að umgengni
um síldarmiðin verði eins góð og
best verður á kosið. Í því skyni
hafi verið ákveðið að samstarf
útgerðanna um veiðarnar verði
enn nánara á næstu vertíð en
verið hefur við að miðla afla á
milli skipa og til að draga úr hætt-
unni á að óhöpp verði við veiðarn-
ar.
Undanfarna daga hafa birst
fréttir af dauðri síld á Breiða-
firði. Af því tilefni hafa útgerðir
síldarskipa fundað og farið yfir
þær upplýsingar sem fyrir liggja.
Friðrik segir að fram hafi komið
að á vissum stöðum séu aðstæður
til veiðanna erfiðar og síld hafi
sloppið út jafnvel þó að ítrustu
varúðar hafi verið gætt.
Á undanförnum árum hefur
langstærstur hluti íslenska síld-
arstofnsins haft vetursetu á mjög
afmörkuðum svæðum á Breiða-
firði. Frá því að sýking kom upp í
stofninum hafa hundruð þúsunda
tonna af síld drepist, ekki síst á
Breiðafirði. - shá
Útgerðir síldarskipa taka fréttum af dauðri síld á Breiðafirði alvarlega:
Dauð síld eykur samstarf skipa
UPPI Í HARÐA LANDI Samstarf sjómanna á síldveiðum er útbreitt en aðstæður gera
veiðarnar mjög erfiðar. FRÉTTABLAÐIÐ/VILHELM
FINNLAND Kona og tvö ung börn
hennar fundust látin í íbúð þeirra
í bænum Häkansböle í Finnlandi.
Talið er að þau hafi verið stungin.
Í íbúðinni fannst einnig faðir
barnanna illa meiddur. Lögregl-
an grunar hann um verknaðinn.
Samkvæmt finnska dagblaðinu
Hufvudstadsbladet bjuggu konan
og börnin í fjölskylduathvarfi um
tíma í haust, en fluttu heim til föð-
urins í október. - gb
Harmleikur í Finnlandi:
Kona og tvö
börn látin
ÖRYGGISMÁL Tilboð vegna tímabund-
innar leigu á þyrlu til Landhelgis-
gæslunnar voru opnuð á mánudag.
Gæslan þarf þyrlu á meðan TF-LÍF
verður í skoðun í Noregi, en skoð-
unin mun standa til 10. mars.
Í útboðsgögnum var gerð krafa
um þyrlu af gerðinni Super Puma.
Tvö tilboð bárust. Annars vegar
þyrla af gerðinni Aerospatiale
Super Puma AS332 L1. Þyrlan er í
eigu Knut Axel Ugland Holding AS
sem einnig á þyrlu Gæslunnar, TF-
GNA. Hins vegar barst frávikstil-
boð um leigu á Dauphin AS365N –
TF-HDU sem er í eigu Norðurflugs
ehf. - shá
TF-LÍF í skoðun til Noregs:
Tveir vilja leigja
Gæslunni þyrlu
TF-LIF Viðgerð þyrlunnar hefði þýtt, án
leiguþyrlu, að aðeins ein björgunarþyrla
hefði verið til staðar. FRÉTTABLAÐIÐ/VILHELM
DÓMSMÁL Hæstiréttur hefur stað-
fest úrskurð Héraðsdóms Reykja-
víkur þess efnis að tveir karl-
menn sem ákærðir hafa verið
fyrir að nauðga konu í bíl við
Reykjavíkurflugvöll skuli sæta
gæsluvarðhaldi til 13. janúar.
Vitni sem konan hljóp til eftir
að hún var laus frá mönnunum
hefur borið að hún hafi legið á
dyrabjöllunni og hrópað: „Mér
var nauðgað, mér var nauðgað.“
Vitnið bar enn fremur að konan
hefði verið nötrandi og skjálfandi
og í miklu uppnámi. - jss
Gæsluvarðhald staðfest:
Nötrandi og í
miklu uppnámi
KJÖRKASSINN