Fréttablaðið - 22.12.2011, Side 66

22. desember 2011 FIMMTUDAGUR50
HVAÐ? HVENÆR? HVAR?
Fimmtudagur 22. desember 2011
➜ Tónleikar
19.30 Mugison heldur tónleika í sal
Eldborgar í Hörpu. 3 tónleikar verða á
dagskrá, klukkan 19.30, 20.00 og 23.59.
Uppselt er á alla tónleika.
21.00 Kertaljósatónleikarnir Mozart
við kertaljós, í umsjón Kammerhópsins
Camerarctica, verða haldnir í Dóm-
kirkjunni í Reykjavík. Aðgangseyrir er kr.
2.500 og 1.500 fyrir nemendur og eldri
borgara. Frítt fyrir börn.
22.00 Bítladrengirnir blíðu fagna
útgáfu á nýjum DVD-diski sínum með
tónleikum á Ob-La-Dí, Frakkastíg 8.
Aðgangur ókeypis
20.30 Kammerkórarnir Ísold og Hymn-
odia halda jólatónleika í Akureyrar-
kirkju. Forsala miða er í Eymundsson í
Hafnarstræti og kostar miðinn 2.000 kr.
Miðaverð við innganginn er 2.500 kr.
➜ Hönnun
16.00 ARTÍMA gallerí listfræðinema við
Háskóla Íslands eru með opin lista- og
hönnunarmarkað til klukkan 19.00.
Markaðurinn verður við Smiðjustíg 10,
101 Reykjavík.
➜ Sýningar
19.30 Þjóðleikhúsið verður með for-
sýningu á jólasýningu sinni. Jólasýningin
að þessu sinni er uppsetning Kjartans
Ragnarssonar á skáldsögu Halldórs Lax-
ness, Heimsljósi. Miðaverð er kr. 2.000.
20.00 Stuttmyndin Óttalegir
Jólasveinar eftir Munda og Snorra
Ásmundsson verður frumsýnd í Gamla
bíói. Kvöldið hefst með piparkökum,
kakói og jólajazzbandinu Nóa. Yfir
myndinni er spiluð lifandi tónlist og Páll
Óskar Hjálmtýsson er sérstakur veislu-
stjóri. Miðaverð er kr. 1.000. Athugið að
myndin er stranglega bönnuð börnum.
➜ Upplestur
17.00 Kristín
Ómarsdóttir
mun lesa úr
bók sinni,
Við tilheyrum
sama myrkrinu
- Af vináttu:
Marilyn
Monroe og
Greta Garbo í
Nýlistasafninu.
Bókin verður til
sölu á sérverði.
➜ Uppákomur
11.00 Þjóðminjasafn Ísland fær
Gáttaþef í heimsókn. Öllum velkomið
að kíkja við og syngja og skemmta sér
með honum. Aðgangur er ókeypis.
12.34 Jóladagatal Norræna hússins
heldur áfram í dag. Boðið er uppá jóla-
glögg og piparkökur, eins og aðra daga.
Aðgangur er ókeypis og allir
hjartanlega velkomnir.
20.00 Bingó-kvöld verður haldið á
Dönsku kránni. Bingóspjaldið á kr. 300,
og sérstakt happdrættis-bingóspjald á
kr. 500. Að bingóinu loknu tekur Magni
upp gítarinn og syngur fram eftir kvöldi.
➜ Tónlist
22.00 Plötusnúðurinn Sexy Lazer stýrir
hátíðardjammi á skemmtistaðnum
Austur.
➜ Markaðir
12.00 Jólabasar Kæmpe JULE-
BAZAR er opinn í Nýlistasafninu.
Tækifæri til að kaupa myndlist
beint af listamönnum.
15.00 Hljómsveitirnar Prinspóló
og Nolo munu leika á hressilegum
jólamarkaði í kjallara Kjörgarðs (við
herrafataverslun Kormáks & Skjald-
ar). Á markaðnum fást alls kyns
menningarafurðir og er hann
opinn til klukkan 22:00.
16.00 Jólamarkaður
Trúnó verður á skemmti-
staðnum Barböru,
Laugarvegi 22. Mikið
úrval af dóti og heitt kakó
og piparkökur í boði.
Aðgangur er ókeypis.
Upplýsingar um viðburði
sendist á hvar@fretta-
bladid.is.
Jón Atli Helgason tón-
listarmaður býður sjálfan
sig velkominn til Íslands
með veislu á Austri í kvöld.
Hann lætur vel af dvöl sinni
í Kaupmannahöfn.
„Ég elska Kaupmannahöfn og það
er snilld að vera á meginlandinu,“
segir Jón Atli Helgason tónlistar-
maður, sem er nýkominn til lands-
ins í jólafrí.
Þrátt fyrir að vera á Íslandi í
stuttu stoppi yfir hátíðirnar ætlar
Jón Atli ekki að slá slöku við og
skipuleggur ýmis partí víðs vegar
um bæinn. „Ég kem heim til að
halda partí fyrir landann og sjá
til þess að allir skemmti sér yfir
hátíðarnar,“ segir Jón Atli, en í
kvöld býður hann vinum, vanda-
mönnum og áhugasömum á Aust-
ur þar sem hann ætlar að þeyta
skífum. „Ég sýni nokkra vel valda
takta ef það er stemming fyrir því.
Þetta er eins konar velkominn-
heim-partí fyrir sjálfan mig.“
Jón Atli hefur verið búsettur
í Danmörku í tæplega eitt ár þar
sem hann er iðinn við kolann að
spila á helstu skemmtistöðum
landsins en hann er einnig í hljóm-
sveitinni Human Woman ásamt
Gísla Galdri Þorgeirssyni. Dúett-
inn sameinast á næsta ári þegar
Gísli flyst búferlum til Danmerkur
og staðfestir Jón Atli að árið 2012
verði ár Human Woman. Fyrsta
smáskífa sveitarinnar kemur út
í lok janúar og plata væntanleg í
vor en Human Woman er á mála
hjá HFN Music í Hamburg. „Það
er snilld að fá Gísla út og við getum
unnið í tónlistinni saman og fylgt
plötunni eftir hér. Svo er auðvelt
að ferðast út um alla Evrópu frá
Kaupmannahöfn.“
Jón Atli er einnig að skipuleggja
áramótapartí ásamt Margeiri Ing-
ólfssyni og Stephan Stephensen.
Jón Jónsson leggur undir sig Esju
á gamlárskvöld þar sem Human
Woman ætlar að troða upp í síðasta
sinn fyrir útrás. „Það hefur skap-
ast hefð fyrir áramótapartýum
okkar og þetta verður eintóm gleði
í ár með sveitinni Too Young to
Love frá New York, Högna Egils og
okkur strákunum,“ segir Jón Atli
sem heldur svo til Taílands í janú-
ar ásamt foreldrum sínum og síðan
beint í árlega skíðaferð í Ölpunum
ásamt félögum sínum í febrúar.
„Ef árið endar eins og það byrjar
hef ég mjög góða tilfinningu fyrir
2012.“ alfrun@frettabladid.is
KEMUR HEIM TIL
AÐ HALDA PARTÍ
PARTÝHALDARI Jón Atli kemur heim frá Kaupmannahöfn til að skemmta lands-
mönnum yfir hátíðarnar. FRÉTTABLAÐIÐ/GVA
Tónleikaferð U2 um heiminn,
360° var sú tekjuhæsta á árinu
samkvæmt tímaritinu Billboard.
Hljómsveitin spilaði á 44 tón-
leikum fyrir næstum þrjár millj-
ónir áhorfenda og námu tekjurn-
ar um 35 milljörðum króna.
Í öðru sæti á listanum lenti
bandaríska rokksveitin Bon
Jovi. Hún græddi um 23 millj-
arða króna á sínum 68 tónleikum
og féll þar með úr fyrsta sætinu
sem hún vermdi á síðasta ári. Í
þriðja sæti voru piltarnir í Take
That og í því fjórða var Roger
Waters, fyrrverandi liðsmaður
Pink Floyd.
U2 var tekjuhæst
MILLJARÐATEKJUR Írarnir í U2 græddu
um 35 milljarða á tónleikaferð sinni.