Morgunblaðið - 19.10.2010, Blaðsíða 2
2 FRÉTTIRInnlent
MORGUNBLAÐIÐ ÞRIÐJUDAGUR 19. OKTÓBER 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
BAKSVIÐ
Helgi Bjarnason
helgi@mbl.is
Enn þarf að spara verulega í rekstri
Reykjavíkurborgar á næsta ári.
Brúa þarf um þriggja milljarða
króna bil milli tekna borgarinnar og
útgjalda. Fulltrúar meirihlutans
segja að verið sé að skoða hækkun
skatta og þjónustugjalda, auk lækk-
unar útgjalda. Minnihlutinn gagn-
rýnir vinnubrögð borgarstjóra og
upplýsingagjöf til borgarráðs.
Þeir flokkar sem áttu fulltrúa í
borgarstjórn 2008 náðu sam-
komulagi um aðgerðaáætlun sem
var grundvöllur allra ákvarðana við
gerð fjárhagsáætlunar, bæði fyrir
árið 2009 og 2010. Þar var kveðið á
um forgangsröðun og engar ákvarð-
anir teknar án þess að þær stæðust
þessa áætlun. Aðgerðahópur með
fulltrúum allra flokka fylgdi málum
eftir.
Áætlunin var mikilvæg
Núverandi meirihluti Besta
flokksins og Samfylkingarinnar lýsti
því yfir að hann teldi sig ekki bund-
inn af þessu þverpólitíska sam-
komulagi. „Ég tel það miður því að-
gerðaáætlunin var það tæki sem
kom okkur í gegnum þessa erfiðu
tíma og var ekki aðeins mikilvæg
fyrir okkur stjórnmálamennina
heldur einnig starfsmenn borg-
arinnar og íbúa,“ segir Hanna Birna
Kristjánsdóttir, oddviti Sjálfstæðis-
flokksins í borgarstjórn og fyrrver-
andi borgarstjóri.
Minnihlutinn gagnrýnir meiri-
hlutann fyrir það hvernig staðið er
að gerð áætlunarinnar. „Engin til-
raun hefur verið gerð til að leggja
nýjar línur. Við vitum að staðan er
erfið og mikilvægt að fram komi
hverjar áherslurnar eru þannig að
borgarbúar viti hvað er undir,“ segir
Sóley Tómasdóttir, borgarfulltrúi
VG.
Samráð í aðgerðahópi
Minnihlutinn gagnrýnir meiri-
hlutann og borgarstjóra sérstaklega
fyrir að leggja ekki upplýsingar um
fjárhagsáætlunarvinnuna fyrir
borgarráð sem hefur það hlutverk
að afgreiða frumvarp að fjárhags-
áætlun og leggja fyrir borgarstjórn.
Hafa þeir meðal annars óskað eftir
áliti borgarlögmanns á verklagi og
upplýsingaflæði. Reiknað er með
svörum borgarlögmanns á fundi
borgarráðs næstkomandi fimmtu-
dag.
S. Björn Blöndal, aðstoðarmaður
borgarstjóra, segir að aðgerðahópur
sem í eiga sæti fulltrúar allra flokka
sé helsti samráðsvettvangurinn við
undirbúning fjárhagsáætlunar, eins
og verið hafi frá 2008. Þar sé unnið
með sparnaðartillögur á frumstigi, í
trúnaði, en það sem lagt sé fram í
borgarráði teljist opinber gögn. „Við
töldum það nóg,“ segir hann en úti-
lokar ekki að málin verði unnin ann-
ars staðar ef þetta sé að verða eitt-
hvert mál.
„Ég vona að það verði tekið á
þessum málum af alvöru og þau
kláruð. Það er mikið verkefni sem
bíður okkar,“ segir Hanna Birna.
Gagnrýna verklag borgarstjóra
Brúa þarf þriggja milljarða króna gjá í fjárhag borgarinnar Ekki lengur notast við aðgerðaáætlun
síðustu borgarstjórnar Minnihlutinn kallar eftir því að heildarlínur verði lagðar fyrir borgarráð
Gerð fjárhagsáætlunar
» Borgarstjóri ber ábyrgð á
gerð frumvarps að fjárhags-
áætlun og þriggja ára áætlun.
» Borgarstjóri leggur fram
frumvörp að áætlun í borg-
arráði.
» Nú hefur borgarstjóri ósk-
að eftir fresti til 18. nóv-
ember.
» Afgreiða þarf áætlunina
fyrir áramót. Reiknað er með
að borgarstjórn ræði hana á
aukafundi 30. nóvember og
afgreiði hana 14. desember.
Bjórkútarnir voru í stæðum fyrir utan skemmtistaðinn
Venue í miðbæ Reykjavíkur í gær eftir tónlistarhátíð-
ina Iceland Airwaves sem lauk á sunnudagskvöld. Unn-
ið var við að safna tómum kútunum saman af nærliggj-
andi stöðum enda stutt á milli helstu tónleikastaða
hátíðarinnar. Miklar annir voru á veitingastöðunum
um helgina og miðað við fjölda bjórkúta sem stóðu eins
og minnisvarði um skemmtun helgarinnar er óhætt að
fullyrða að hátíðargestir hafa ekki þurft að fara þyrstir
heim.
Morgunblaðið/Golli
Bjórkútarnir í stæðum eftir helgina
Þórður Gunnarsson
thg@mbl.is
„Nú hefur það verið gert innan félagsins sem við
teljum að hafi verið nauðsynlegt til að koma því í
söluhæft ástand,“ segir Höskuldur Ólafsson, for-
stjóri Arion banka, í samtali við Morgunblaðið.
Bankinn sendi frá sér tilkynningu í gær um að
formlegt söluferli á fyrirtækinu væri hafið. Ætlun
bankans nú er að selja 15-29% hlut í fyrirtækinu
til kjölfestufjárfestis. Hlutafé sem eftir stendur
verður síðan selt almennum fjárfestum og félagið
skráð á aðallista kauphallarinnar. „Við höfum
skilið 10-11 og færeysku verslanakeðjuna SMS
frá Högum. Skuldir þess lækkuðu við það í 12
milljarða,“ segir Höskuldur. En samkvæmt upp-
gjöri Haga fyrir reikningsárið sem endaði 28.
febrúar síðastliðinn námu vaxtaberandi skuldir
um 14,5 milljörðum króna.
Samkvæmt tilkynningu frá Arion banka frá því
febrúar á þessu ári átti að veita Jóhannesi Jóns-
syni, fyrrverandi eiganda Haga, forkaupsrétt á
allt að 10% hlut í Högum. Höskuldur settist í for-
stjórastól bankans um mitt síðasta sumar, en
hann segist á þeim tímapunkti ekki hafa haft af-
gerandi skoðun á því hvort forkaupsréttur til
handa Jóhannesi væri rétt stefna. „En eftir að ég
tók við komst ég fljótlega á þá skoðun að vera
hans í félaginu gæti haft truflandi áhrif á söluferl-
ið,“ segir forstjórinn.
Selja kjölfestuhlut áður en árið er úti
„Við teljum að miklu máli skipti að koma
hlutabréfamarkaðnum aftur af stað og við
ætlum að ríða á vaðið í þeim efnum. Það
skiptir miklu máli hvernig tekst til með
Haga. Fyrirtækið er í fínum rekstri
og með góð vörumerki. Ef þetta
gengur ekki þá er hægt að velta
fyrir sér hvað annað gerir það,“
segir hann. Samkvæmt áætlun-
um Arion banka á að selja kjöl-
festuhlutinn í Högum á þessu
ári.
Lækkuðu skuldir um 2,5 millj-
arða við endurskipulagningu
Forstjóri Arion banka segir nauðsynlega tiltekt hafa átt sér stað innan Haga
Söluverð Haga mun ráða því hversu mikið
mun nást upp í skuld félagsins 1998 ehf.,
sem keypti Haga út úr Baugi sumarið 2008.
Kaupverðið var 263,5 milljónir evra, sem eru
um 40 milljarðar króna á núvirði. Í skráðum
félögum á erlendum mörkuðum, sam-
bærilegum Högum, miðast verð-
lagning hlutafjár við um það bil sjö-
faldan EBITDA-hagnað. Sé slíku
verðmati beitt á Haga ætti félagið
að vera um 20 milljarða króna
virði.
Heimtur ráðast
af söluverði
KAUP 1998 EHF. Á HÖGUM SUMARIÐ 2008
Höskuldur Ólafsson
Hugsanlegt er að
afstýra fjöldaupp-
sögnum hjá Orku-
veitu Reykjavíkur
með því að semja
við starfsmenn
um skert starfs-
hlutfall. Nokkri
trúnaðarmenn
starfsmanna
Orkuveitunnar
kynntu stjórnend-
um hennar þessar hugmyndir nýlega.
Kjartan Magnússon, fulltrúi Sjálf-
stæðisflokksins í stjórn Orkuveitunn-
ar, óskaði í gær eftir aukastjórnar-
fundi á miðvikudag til að ræða
hugmyndirnar í kjölfar fundar sem
hann átti með trúnaðarmönnum í
gær. Hann segir ámælisvert að þær
hafi ekki verið kynntar stjórn Orku-
veitunnar. „Þetta er leið sem hefur
verið farin í fjölmörgum fyrirtækjum
síðustu tvö árin og gefist vel,“ segir
Kjartan.
Orkuveitan sendi frá sér tilkynn-
ingu síðdegis í gær þar sem sagði að
forstjóri fyrirtækisins hefði mætt
óboðinn á fund Kjartans og trúnaðar-
mannanna og var það sagt fordæma-
laust að stjórnarmaður boðaði til
starfsmannafundar upp á sitt eins-
dæmi. Þar kom einnig fram að hug-
myndin um skert starfshlutfall hefði
verið rædd í stjórn fyrirtækisins og á
samráðsfundum undanfarnar vikur.
Kjartan segir að hugmyndirnar
hafi aðeins verið ræddar í stjórn þeg-
ar hann hafi borið þær á borð. Hann
hafi ekki vitað að starfsmenn hefðu
einnig lagt þær til og segir hann þá
staðreynd gefa þeim meiri vigt.
„Ég tel mig hafa fulla heimild til að
boða slíkan fund. Ég veit að fyrrver-
andi stjórnarformaður Orkuveitunn-
ar boðaði til slíkra funda með starfs-
mönnum. Það hlýtur að virka í báðar
áttir. Fulltrúi minnihluta í stjórn hlýt-
ur að hafa sama rétt,“ segir hann.
kjartan@mbl.is
Vilja afstýra
uppsögnum OR
Fulltrúi minnihlutans óskaði eftir
aukastjórnarfundi til að ræða tillögur
Kjartan
Magnússon
Sú ákvörðun sjávarútvegs-
ráðherra að gefa rækjuveiðar
frjálsar hefur leitt til þess að
Byggðastofnun telur óhjá-
kvæmilegt að setja 700 milljónir
króna á afskriftareikning vegna
skulda þriggja fyrirtækja af átta,
sem starfa í rækjuveiðum og
-vinnslu og hafa fengið lán hjá
stofnuninni.
Þetta kom fram hjá Katrínu
Júlíusdóttur, iðnaðarráðherra, á
Alþingi í gær þegar hún svaraði
fyrirspurn frá Einari K. Guð-
finnssyni, þingmanni Sjálfstæðis-
flokks. Katrín sagði, að hvorki
iðnaðarráðuneyti né Byggða-
stofnun hefði vitað um þau áform
sjávarútvegsráðherra að gefa
rækjuveiðar frjálsar. Katrín
sagði, að staða Byggðastofnunar
væri mjög erfið og eiginfjárhlut-
fall stofnunarinnar hefði verið
komið niður í 5,18% um mitt árið.
Aðalástæðan væri ófyrirséð fram-
lög í afskriftarsjóði, sem námu þá
1,1 milljarði króna.
Aukinn vandi
Byggðastofnunar
með rækjufrelsi