Morgunblaðið - 31.01.2011, Blaðsíða 2

2 FRÉTTIRInnlent
MORGUNBLAÐIÐ MÁNUDAGUR 31. JANÚAR 2011
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Baldur Arnarson
baldura@mbl.is
„Ég mætti ekki til þessa fundar með
umboð eða niðurstöðu upp á vasann.
Enda liggur ákvörðun um framhald-
ið ekki fyrir. Alþingi hefur ákvörð-
unarvaldið,“ segir Ögmundur Jónas-
son innanríkisráðherra um fund sinn
með þeim 25 einstaklingum sem
náðu kjöri til stjórnlagaþings í gær.
„Ríkisstjórnin er að afla upplýs-
inga og hlusta á sjónarmið málsaðila,
þar á meðal stjórnarandstöðunnar,
áður en hún ákveður hverjar hennar
tillögur verða um framhaldið.“
Enn að melta stöðuna
Ögmundur kveðst á þessari
stundu ekki vilja tjá sig um einstak-
ar tillögur sem fram hafa komið, þar
á meðal hvort þeir sem náðu kjöri fái
að starfa áfram og að niðurstaðan
fari í kjölfarið í þjóðaratkvæði.
„Það hafa komið fram ýmsar hug-
myndir og tillögur sem ég hef ekkert
umboð til að slá af eða staðfesta.
Menn eru að melta stöðuna. Ég get
þó sagt að mín skoðun er mjög ein-
dregið sú að úrskurði Hæstaréttar
ber að hlíta til hins ýtrasta og hvað
sem gert verður þarf að vera í sam-
ræmi við það.“
Hvað snertir tímarammann segir
Ögmundur að þótt stjórnin muni
hafa hraðar hendur geti hann á þess-
ari stundu ekkert um það sagt hve-
nær ákvörðun um næstu skref liggi
fyrir en þingið átti að taka til starfa
15. febrúar.
Dýrt að halda aðrar kosningar
Ómar Ragnarsson fréttamaður
náði kjöri á stjórnlagaþingið.
Hann segir hópinn hafa hist á
laugardag til að ræða stöðuna. Allir
vilji að stjórnlagaþing verði sett á.
„Ef það yrði kosið á ný, annað-
hvort með óbreyttum frambjóðend-
um, sem er eðlilegast miðað við það
sem á undan er gengið, eða ferlið
hafið á ný og því lokið í haust þá
myndum við öll, eða nánast öll, bjóða
okkur fram aftur. Á svipaðan hátt
myndum við öll, eða nánast öll, hlýða
kallinu ef Alþingi skipaði okkur í það
hlutverk að endurskoða stjórnar-
skrána. Ögmundur upplýsti okkur
um það [í gær] að það hefði verið
rætt um það í hópnum, þegar lögin
um stjórnlagaþing voru sett á sínum
tíma, að stjórnlagaþingið myndi
ákveða sjálft hvort það afhenti sitt
plagg til Alþingis, eða vildi að það
færi í ráðgefandi þjóðaratkvæða-
greiðslu. Flestum líst miklu betur á
þann kost,“ segir Ómar sem leggur
áherslu á að Hæstiréttur hafi ekki
fellt dóm heldur gefið álit sitt á kosn-
ingunum.
Hæstiréttur „enginn Guð“
„Í því áliti kemur hvergi fram að
Hæstiréttur véfengi þær atkvæða-
tölur sem fengust. Í því ljósi teljum
við stöðuna nokkuð sterka, sérstak-
lega m.t.t. til þess að mikill hvellur
yrði ef farið yrði í að verja yfir 200
milljónum í nýjar kosningar.
„Hæstiréttur er ekki Guð almátt-
ugur, heldur eins og önnur mann-
anna verk,“ segir Ómar sem telur
réttinn vísa til fjarlægs möguleika á
kosningasvindli í áliti sínu. Það sé
líkt og ef dómari í frægum leik á
Melavellinum forðum hefði dæmt
úrslitin ógild vegna þess að boltinn
kynni að hafa farið í gegnum gat á
netinu. Þvert á móti hafi dómari
hafnað kröfu annars liðsins um að
ógilda „gatmarkið“ í leiknum.
Bjarni Benediktsson, formaður
Sjálfstæðisflokksins, segir fulltrúa
ríkisstjórnarinnar ekki hafa haft
samband við sig vegna fyrirhugaðra
viðræðna um framhald málsins.
„Ef fundurinn verður á morgun
mæti ég, ef ég fæ fundarboð,“ segir
Bjarni sem telur stjórnvöld horfa
fram hjá niðurstöðu Hæstaréttar.
„Ríkisstjórnin þarf að fara að átta
sig á því að Hæstiréttur dæmdi
kosninguna ógilda. Það þýðir að það
eru engir stjórnlagaþingsfulltrúar
til. Ég hef mikla samúð með þeim
sem tóku þátt í kosningunni, bæði
þeim sem voru í framboði og störf-
uðu við framkvæmd kosninganna.
Mér finnst að þeir verðskuldi afsök-
unarbeiðni frá ríkisstjórninni og
jafnframt skýr svör um framhaldið.
Ég er þeirrar skoðunar og hef alltaf
verið að við getum byrjað vinnu við
endurskoðun stjórnarskrárinnar án
frekari millileikja,“ segir Bjarni og á
við endurskoðun á vettvangi stjórn-
málaflokkanna.
Flokkarnir taki við málinu
– Stjórnlagaþingið yrði því óþarft?
„Já.“
– Hvað með hugmyndir um að
þeir sem hlutu kosningu fái að halda
starfinu áfram og hugsanlega leggja
fram tillögur sínar í þjóðaratkvæði?
„Ég legg til að Ögmundur hitti
alla frambjóðendurna 523 fyrst hann
er byrjaður á því, vegna þess að þeir
eru allir í sömu stöðu gagnvart dómi
Hæstaréttar. Ég tel að þeir sem
náðu kosningu séu í sömu stöðu og
aðrir frambjóðendur. Kjörbréf
þeirra eru ógild. Þeir hafa því ekki
stöðu umfram aðra frambjóðendur
til að hafa áhrif á framvindu mála.“
Ögmundur útilokar ekki
þjóðaratkvæðagreiðslu
Morgunblaðið/Ómar
Glatt á hjalla Vel fór á með Ögmundi og Ómari á fundinum í gær. Ástrós Gunnlaugsdóttir fylgist brosandi með.
 Stjórnarandstaðan boðin til fundar um næstu skref í stjórnlagaþingsmálinu
„Mér bárust smáskilaboð sem ég
geri ekki mikið úr. Mér skilst að
aðrir hafi fengið þau líka. Í þeim
kom fram að ég skyldi hafa verra
af. Þetta hreyfði ekki mikið við
mér. Ég verð að segja það. Mér
varð hins miklu meira um þegar
ég varð áskynja viðbragða
innanríkisráðherra og ummæla
hans um dóm Hæstaréttar. Mér
fannst þau mun alvarlegri,“ segir
Óðinn Sigþórsson, einn kærenda
vegna framkvæmdar stjórnlaga-
þings, um hótun sem honum barst
eftir að Hæstiréttur ógilti kosn-
inguna.
Ögmundur láti af embætti
Óðinn telur að Ögmundur Jón-
asson innanríkisráðherra eigi að
segja af sér vegna framgöngu
sinnar í kjölfar dóms Hæstaréttar.
„Hér talar sá ráðherra sem fer
með eitt vandasamasta ráðuneyti
á Íslandi, þ.e.a.s. ráðuneyti sem á
að gæta laga og réttar. Hann leyf-
ir sér að taka þannig til orða að
hann muni sætta sig við dóm
Hæstaréttar en gefur sterkt í
skyn að niðurstaðan sé röng. Mað-
urinn sem á að byggja upp traust
á ráðuneyti sínu tekur málið póli-
tískum tökum og grefur þar með
undan dómstólnum. Ögmundur
hlýtur að íhuga afsögn.“
Skafti Harðarson bauð sig einn-
ig fram og kærði svo framkvæmd-
ina. Honum barst hótun á blogg-
síðu sína þar sem sagði: „Skafti!
Þetta gleymist aldrei og við náum
okkur niður á ykkur […] ef við
verðum af þessum kosningum.“
Hótanir raktar framvegis
Skafti ætlar ekki að láta rekja
hótunina en mun héðan í frá láta
rekja hótanir ef tilefni þykir til.
Þorgrímur S. Þorgrímsson
kærði einnig framkvæmd kosning-
anna en sama dag og Hæstiréttur
ógilti þær, eða síðdegis á þriðju-
dag, fékk hann smáskilaboð í
gegnum ja.is, vef símaskrárinnar.
Þau hljóðuðu svo: „Þú og þinn
sérhagsmunahópur mun aldrei
komast upp með þetta. Þú munt
sjá eftir þessu. Þetta snýst um þig
og framtíðina.“ baldura@mbl.is
Hótað fyrir
að kæra
kosninguna
Skafti Harðarson Óðinn Sigþórsson
Guðni Sigfússon, framkvæmda-
stjóri Sýningakerfa, fyrirtækis
sem tekið hefur að sér uppsetn-
ingu kjörklefa vegna alþingis- og
sveitarstjórnarkosninga, telur að
sá sparnaður sem hafi hlotist af
því að notast við pappaskilrúm
fremur en klefa í stjórnlagaþings-
kosningunum hafi verið lítill.
Guðni telur í ljósi reynslu sinnar
af kostnaði við uppsetningu kjör-
klefa á höfuðborgarsvæðinu og
m.t.t. til launakostnaðar við frá-
gang á pappaskilrúmum, að
sparnaðurinn hafi verið lítill.
Heimildarmaður sem kom að
undirbúningi kosninganna sagði
ekki „orð á gerandi“ varðandi
launakostnað við að brjóta saman
skilrúm. Dómsmálaráðuneytið gaf
út tilmæli um notkun pappaskil-
rúma og fóru sveitarfélög að þeim.
Klefarnir lítið dýrari
HÆSTIRÉTTUR GERÐI ATHUGASEMD VIÐ SKILRÚMIN
Baldur Arnarson
baldura@mbl.is
„Þessi hluti ræðunnar bar hvorki
vott um sanngirni né góða dóm-
greind. Það segir sig sjálft,“ segir
Ögmundur Jónasson innanríkis-
ráðherra, spurður um þau ummæli
Jóhönnu Sigurðardóttur forsætis-
ráðherra um helgina að flokksbrot
innan Vinstri grænna, sem gjarnan
er kennt við óróleika, væri að „leika
sér að eldinum“ með andstöðu við
veigamikil mál í stjórnarsáttmála
ríkisstjórnarinnar.
Jóhanna lét þessi orð falla á
flokksstjórnarfundi Samfylking-
arinnar en þar sagði hún orðrétt:
Skaðar stjórnarsamstarfið
„Því er hins vegar ekki að leyna að
sá óróleiki sem verið hefur í sam-
starfi við hluta þingflokks Vinstri
grænna hefur skaðað stjórnarsam-
starfið og dregið úr trúverðugleika
ríkisstjórnarinnar. Vegna órofa
samstöðu innan Samfylkingarinnar
og trausts samstarfs við formann og
stærsta hluta VG hefur þetta hins
vegar ekki stöðvað framgang mikil-
vægra mála ríkisstjórnarinnar.
En það er hættulegur leikur að
spila pólitískan einleik á kostnað
samstarfsfélaga sinna í trausti þess
að samstaða annarra og stuðningur
við óvinsælar en óhjákvæmilegar
ákvarðanir tryggi að upp úr stjórn-
arsamstarfinu slitni ekki […] Þeir
stjórnarliðar sem líta á samstarfs-
yfirlýsingu stjórnarflokkanna sem
plagg sem ekki þarf að taka mark á
eru að leika sér að eldinum.“
Hræri ekki í innyflunum
Steingrímur J. Sigfússon, fjár-
málaráðherra og formaður VG,
hvatti forystu Samfylkingarinnar til
að horfa til ungliða sinna.
,,Ég held að forysta Samfylking-
arinnar ætti að taka unga jafnaðar-
menn til fyrirmyndar sem eru að
borða með ungum Vinstri grænum í
kvöld. Það er mun vænlegra að fólk
reyni að tala og vinna saman en að
hræra í innyflum hvað annars. Við
getum öll lært af unga fólkinu,“
sagði Steingrímur í samtali við vef-
ritið Smuguna.
Bar ekki vott um góða dómgreind
Morgunblaðið/Ómar
Ræða Jóhanna á fundi flokks-
stjórnar Samfylkingarinnar.
 Ögmundur Jónasson gagnrýnir
ummæli forsætisráðherra um VG
Tónlistarnem-
endur í Reykja-
vík efna til mót-
mæla við
ráðhúsið kl.
13:30 á morgun.
Ástæðan er
óánægja nem-
endanna með
verulegan niður-
skurð á fram-
lögum til tónlist-
arkennslu í borginni frá og með
hausti 2011. Nemendur og kenn-
arar Söngskólans í Reykjavík
hyggjast ganga fylktu liði frá Söng-
skólanum, Snorrabraut 54, niður
Laugaveginn og að ráðhúsinu.
Gangan hefst kl. 12:45 og eru vel-
unnarar skólans hvattir til þátttöku.
Mótmæla
við ráðhúsið
Niðurskurður bitn-
ar á tónlistarnámi