Morgunblaðið - 11.04.2011, Blaðsíða 15

15
MORGUNBLAÐIÐ MÁNUDAGUR 11. APRÍL 2011
FA
B
R
IK
A
N
OSTAVEISLA FRÁ MS
Gullostur
Hvítmygluostur.Hvítmyglanereinnig
inni í ostinum. Áhugaverður ostur
með mildu bragði sem gott er að
njóta í lok góðrar máltíðar. Þessi
ostur er einn af flaggskipunum í
ostafjölskylduni frá MS.
Heilbakaður Gullostur
með timjan og hvítlauk
Vefjið smjörpappír utan um ostinn, pikkið átta göt ofan í
ostinn og stingið ögn af timjan ásamt þunnum sneiðum
af hvítlauk ofan í götin. Dreypið örlítilli ólífuolíu yfir.
Pakkið ostinum aftur inn í bréfið sem var utan um hann
og bakið hann í 30 mínútur við 160°C. Berið ostinn
fram með grilluðu hvítlauksbrauði.
Osta er hægt að bera fram með ýmsum hætti, það
má t.d. borða Gullostinn með góðu ávaxtamauki, eða
með hnetum og hella síðan góðu hunangi yfir eða setja
í hann fyllingu úr þurrkuðum ávöxtum s.s. apríkósum
og fíkjum og skreyta hann að ofan með þurrkuðum
trönuberjum og hlynsírópi. Búa til litlar og fallegar
ostasamlokur eða ostasnittur.
Kynntu þér fleiri góðar hugmyndir og
uppskriftir á heimasíðunni: www.ostur.is
Ostabakki
- antipasti
Grillaðar paprikur, sól- eða ofn-
þurrkaðir tómatar, grillað eggaldin,
hráskinka og þurrkaðar pylsur.
Gullostur, gráðaostur með ferskri
peru, blár Kastali.
Steyptur villisveppaostur skorinn
út í litla hringi. Maribóostur með
kúmeni. Kryddað apríkósumauk.
Baguette-brauð.
Uppskriftina að kryddaða apríkósu-
maukinu má finna á vefnum www.ostur.is
Advice-hópurinn, sem mælti gegn
samþykkt Icesave-laganna í að-
draganda þjóðaratkvæðagreiðsl-
unnar á laugaradg, skorar á stjórn-
völd að halda uppi vörnum í
deilunni við Breta og Hollendinga
og segir að niðurstaða kosninganna
sé hvatning til þess.
Fulltrúar hópsins neita því að
þjóðin sé klofin eftir kosningarnar
og segja úrslitin afgerandi. Advice
boðaði til blaðamannafundar í Þjóð-
menningarhúsinu í gær og þar kom
fram að hópurinn hyggst blanda
sér áfram í umræðuna um Icesave.
Aðspurðir hvort hópurinn ætlaði
sér frekari landvinninga í pólitík
svöruðu fulltrúarnir neitandi. Hóp-
urinn fagnaði því að þjóðin hefði
fengið að taka upplýsta ákvörðun.
Advice birti fjölda auglýsinga í að-
draganda kosninganna. Full-
trúarnir voru spurðir hver stæði
straum af kostnaði af þeim og svör-
uðu á þá leið að einstaklingar hefðu
fjármagnað baráttuna alfarið með
frjálsum framlögum. Alls hefðu um
7-8 milljónir safnast.
Stjórnvöld haldi uppi
vörnum í deilunni
Morgunblaðið/Árni Sæberg
Nei Advice hópurinn fagnaði ákaft er fyrstu tölur úr þjóðaratkvæðagreiðslunni voru ljósar.
„Það er kannski
nauðsynlegt að
efna til víðtæk-
ustu undir-
skriftasöfnunar,
sem nokkru sinni
hefur verið efnt
til á Íslandi til
þess að knýja
þessa ríkisstjórn
frá,“ spyr Styrm-
ir Gunnarsson,
fyrrverandi ritstjóri Morgunblaðs-
ins, í leiðara á síðu Evrópuvakt-
arinnar í gær.
Styrmir segir að með þjóðar-
atkvæðagreiðslunni hafi Ísland
„tekið forystu meðal þjóða heims í
baráttu fólks gegn alþjóðlegum
fjármálamörkuðum, sem hafa leit-
azt við að láta skattgreiðendur
borga fyrir mistök fjármálamann-
anna sjálfra og notið til þess stuðn-
ings pólitískra forystumanna og
annarra ráðandi afla í hverju land-
inu á fætur öðru“.
Hann segir að nú verði „horft til
Íslands sem fyrirmyndar um það
með hvaða hætti almenningur get-
ur hrakið á brott þá, sem með
ósvífnum hætti hafa reynt að
þvinga alþýðu manna til þess að
borga skuldir, sem þeim eru óvið-
komandi.
Það er ástæða til að óska íslenzku
þjóðinni til hamingju með þessa
niðurstöðu. Afkomendur þeirra,
sem fyrir ellefu hundruð árum
vildu ekki láta kúga sig í Noregi
hafa sýnt hverrar gerðar þeir eru.“
Styrmir segir að ríkisstjórn Sam-
fylkingar og Vinstri grænna geti
ekki setið áfram eins og ekkert hafi
ískorist. Það megi þó ráða af fyrstu
viðbrögðum oddvita stjórnarinnar
að það hyggist þeir gera. Hann seg-
ir að hafi oddvitar stjórnarinnar
ekki frumkvæði að því að segja af
sér verði þjóðin að reiða sig á að
þingmenn í stjórnarflokkunum knýi
fram afsögn og kosningar.
Nauðsynlegt að
safna undirskriftum
gegn ríkisstjórninni?
Styrmir
Gunnarsson
Áfram-hópurinn, sem studdi „já“ í
þjóðaratkvæðagreiðslunni um Ice-
save-lögin, hefur lokið störfum.
Gengið verður frá uppgjöri styrkja
og birtar niðurstöður um leið og
verkefninu verður slitið formlega,
að því er segir á heimasíðu hópsins.
„Í nafni þjóðarhags er brýnt að
dvelja hvorki við úrslit þjóðar-
atkvæðagreiðslunnar né láta þau
verða tilefni til enn frekari sundr-
ungar. Nú þarf umfram allt sam-
stöðu og fumlaust verklag til að
vinna þjóðina áfram, út úr efna-
hagsþrengingum og stöðnun,“ seg-
ir í frétt á heimasíðu Áfram-
hópsins.
Áfram birtir uppgjör
Morgunblaðið/Árni Sæberg
Já Áfram-hópur bíður úrslitanna.