Morgunblaðið - 02.08.2011, Side 2
Félagsmenn í Fornbílaklúbbi Ís-
lands samþykktu tilboð í fasteign
klúbbsins við Rafstöðvarveg á fé-
lagsfundi hinn 25. júlí síðastliðinn. Í
fréttabréfi Fornbílaklúbbsins kemur
fram að tilboðið, sem hljóðar upp á
125 milljónir, hefði byrjað í 137 millj-
ónum en að ekki hefði verið hægt að
ná því hærra. Tilboðið var það eina
sem komið hefur en húsið hefur verið
skráð hjá þremur fasteignasölum.
Samþykkt með meirihluta
„Við réðum ekki við þetta lengur,“
segir Þorgeir Kjartansson, formaður
stjórnar Fornbílaklúbbs Íslands, um
söluna á húsi klúbbsins. Hann segir
að húseignin hafi verið þungur baggi
á félaginu og að reynt hafi verið að
afla styrkja frá hinu opinbera en það
hafi ekki gengið eftir.
Í fréttabréfi klúbbsins segir að til-
boðið hafi verið samþykkt með yf-
irgnæfandi meirihluta. Í salnum hafi
verið 93 manns, 86 vildu samþykkja
tilboðið en fjórir voru mótfallnir.
Þrjú atkvæði voru auð og ógild.
„Við lögðum upphaflega af stað
með eigið fé í þetta og erum að tapa
því. Við erum þó að losa okkur undan
skuld, ætlum að komast á réttan kjöl
og eigum smá-afgang til að koma
okkur af stað á ný,“ segir Þorgeir um
fjárhag félagsins. Hann segir skiptar
skoðanir hafa verið um söluna milli
félagsmanna. Þá hafi mikil orka farið
í þetta mál sem hafi að einhverju
leyti bitnað á starfsemi félagsins.
„Dýrmætasta eign félagsins eru fé-
lagsmennirnir,“ segir Þorgeir og
vonast til að gengið verði frá sölunni
um miðjan ágúst. kristel@mbl.is
Fornbílaklúbbur-
inn selur húsið
Morgunblaðið/Ernir
Fasteign Fornbílaklúbbur Íslands
samþykkti tilboð í hús félagsins.
„Við réðum ekki
við þetta lengur“
2 FRÉTTIRInnlent
MORGUNBLAÐIÐ ÞRIÐJUDAGUR 2. ÁGÚST 2011
www.noatun.is
www.noatun.is
Pantaðu veisluna þína á
eða í næstu Nóatúns verslun
Grillveislur
1299
Á MANN
VERÐ FRÁ
MEÐ MEÐL
ÆTI
Grísahnakkasneiðar
Lambalærissneiðar
Kjúklingabringur
Lambafille
Þín samsetning
Grillveislur Nóatúns
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is Víðir Sigurðsson,
vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Marta María Jónasdóttir fréttastjóri dægurmála martamaria@mbl.is Prentun Landsprent ehf.
Börkur Gunnarsson
borkur@mbl.is
Fjöldi umsókna íslenskra hjúkrunarfræðinga um
leyfi til starfa í Noregi hefur sautjánfaldast frá því
árið 2008. Ef marka má viðtal Morgunblaðsins við
nokkra hjúkrunarfræðinga má ætla að þessi ásókn
sé ekki að fara að minnka. „Á slysó þar sem ég er
að vinna hafa allir hjúkrunarfræðingarnir farið í
svona stutta vinnutúra og þénað kannski um hálfa
milljón á 7 til 10 dögum,“ segir Lilja Bolladóttir
hjúkrunarfræðingur sem hefur sótt um leyfi til
starfa í Noregi. Ofan á launin er flugið borgað
undir hjúkrunarfræðingana og þeim útveguð
gistiaðstaða sem þó er sjaldnast mjög vegleg.
Elsa B. Friðfinnsdóttir, formaður félags hjúkr-
unarfræðinga, játar að mikið sé um þetta en segir
erfitt að hafa yfirsýn yfir málið. Hún vildi þó bæta
við að þótt launin væru vissulega hærri væri það
ekki aðalmálið. „Ég hef spurt þau sem hafa þénað
svona mikið í stuttum ferðum og þá hefur komið í
ljós að þau hafa verið að vinna tvöfaldar vaktir dag
eftir dag, jafnvel alla daga vinnunnar. Ef þau
fengju að vinna svona hér á landi myndu þau fá
svipuð laun, kannski aðeins lægri en ekki
mikið. Það má líkja þessu við vertíð;
þú ferð ekki í ræktina eða á kóræf-
ingu, þú bara vinnur og vinnur og
svo ferðu að sofa á beddanum.
Slíkt gerir fólk ekki til langs tíma
litið.
En við vitum af því að það er gríð-
arleg undiralda. Það er búið að vera
mikið álag á hjúkrunarfræðing-
um og ekkert sem bendir til
þess að það verði minna í
framtíðinni, þessi óvissa
um hlutina hér á Íslandi
hefur áhrif, hún er óvið-
unandi,“ segir Elsa.
Þræla sér út í Noregi
„Eins og á vertíð,“ segir Elsa Friðfinnsdóttir Hjúkrunarfræðingar þéna
mikið í Noregi fyrir mikla vinnu Óvissan og álagið hér heima óviðunandi
Að sögn Elsu B. Friðfinnsdóttur, formanns fé-
lags hjúkrunarfræðinga skapar óvissan hér á
landi mjög mikil óþægindi. „Það er búið að
vera að breyta deildum úr sólarhrings-
deildum í fimm daga deildir og jafnvel dag-
deildir sem þýðir mikla launalækkun þrátt
fyrir áframhaldandi álag,“ segir Elsa. „Það er
óvissa sem ríkir í geiranum ofaná álagið og
þetta gerir engum gott. Fólk getur búist
við því að tilkynnt sé með stuttum fyr-
irvara um lokanir og breytingar á
opnunartíma. Fólk er orðið mjög þreytt á
þessu.“
Óvissan
HJÚKRUNARFRÆÐINGAR
Elsa Björk
Friðfinnsdóttir
María Elísabet Pallé
mep@mbl.is
„Dauðinn er hafinn, varpið fór
mánuði of seint af stað á Snæfells-
nesi í ár,“ segir Freydís Vigfús-
dóttir doktorsnemi sem hefur
rannsakað kríuvarp á Snæfellsnesi
frá árinu 2008 og að auki á Mel-
rakkasléttu í sumar.
„Kríurnar voru lítið árásar-
gjarnar og vörpin voru gisin. Ung-
arnir eru að drepast þessa dagana,
litlir ungar sem lifa enn eiga mjög
lítinn séns. Þeir munu líklega ekki
ná fullum þroska og drepast úr
hor áður en kríurnar leggja af stað
í för á vetrarstöðvar upp úr
miðjum ágúst,“ segir Freydís.
Afleiðingar fyrir stofninn í
heild
Freydís segir ástandið búið að
vera viðvarandi í sjö ár í röð á
Suður- og Vesturlandi en á Mel-
rakkasléttu hafi það byrjað fyrir
tveimur árum að sögn heima-
manna. „Þegar svona lítil fram-
leiðsla er mörg ár í röð verður
framleiðnin lítil næstu ár og það
getur haft slæmar afleiðingar fyrir
stofninn í heild til lengri tíma lit-
ið,“ segir Freydís. „Það versta er
að vera ekki með viðmiðunarmæl-
ingar þegar varpið var gott. Raun-
verulega vitum við ekki hversu al-
varlegt ástandið er vegna þess að
mælingar frá góðum árum eru af
mjög skornum skammti hérlendis.“
Vandamál hafsins
„Þetta er ekkert sérstakt vanda-
mál kríunnar eða lundans heldur
endurspegla sjófuglar stærra
vandamál í hafinu,“ segir Freydís.
Hún segir niðurstöður verkefnisins
kalla á frekari rannsóknir og að
ýtarlegri fjölstofna-rannsóknir
vanti með tengingu fuglanna við
hafrænu þættina. Taka þurfi
vandamálið þéttari tökum og sam-
hæfa vinnubrögð mismunandi
verkefna.
„Greinin hefur verið
fjársvelt og fé vantar
í yfirgripsmeiri
verkefni. Vanda-
málið á Íslandi
hefur alþjóðlegt
vægi þar sem
við hýsum
stóran hluta
margra sjó-
fuglastofna,“
segir Frey-
dís.
Drepast úr hor áður
en kríurnar fljúga burt
Sjöunda árið sem kríuvarp mistekst Mánuði of seint
Morgunblaðið/Ómar
Kríuvarp Ástæða er til að hafa áhyggjur af kríustofninum ef kríuvarp helst óbreytt á næstu árum.
„Ef þetta heldur svona áfram í
mörg ár til viðbótar þá fer þetta
aðeins á einn veg en þetta er sjö-
unda árið í röð sem varpárangur
er lakur á Suður- og Vesturlandi.
Ef lítil eða engin ungafram-
leiðsla verður í mjög mörg ár til
viðbótar og engin endurnýjun þá
fer ekki vel fyrir þessum stofn-
um.
Það er fjöldi fugla sem reiðir
sig á sömu fæðu og krían, t.d.
bjargfuglar og ýmsar mávateg-
undir.
Ástandið er ekki einfalt
eða einhlítt í einni tegund.
Fuglar í vörpum á Mel-
rakkasléttu, þar sem
kríuungar lifðu af, höfðu
gjarnan aðgang að fersk-
vötnum með hornsílum,“
segir Freydís Vigfús-
dóttir.
Komust í
aðra fæðu
FUGLALÍF
Freydís Vigfúsdóttir
líffræðingur
Umferð gekk að mestu leyti stór-
slysalaust fyrir sig um helgina. Þó
valt bíll á veginum við Laugarvatn
síðdegis í gær. Karl og kona slös-
uðust og voru flutt með þyrlu Land-
helgisgæslunnar til Reykjavíkur.
Þá myndaðist umferðaröngþveiti
í Norðfjarðargöngum að kvöldi
laugardagsins þegar tveir flutn-
ingabílar fóru inn í einbreið göngin
að sunnanverðu og stífluðu þau.
Bíll valt við
Laugarvatn
Nokkrir ökumenn voru teknir fyrir
of hraðan akstur á leið norður frá
Egilsstöðum síðdegis í gær eftir
unglingalandsmót UMFÍ. Töluverð
umferð var á Austfjörðum um
helgina að sögn lögreglunnar á Eg-
ilsstöðum og nokkuð um hrað-
akstur. Miðað við þunga gekk um-
ferðin vel að mestu leyti um allt
land. Nær stöðugur straumur lá til
höfuðborgarinnar í allan gærdag.
Nokkrir óku of hratt
af landsmótinu