Morgunblaðið - 02.08.2011, Side 6
6 FRÉTTIRInnlent
MORGUNBLAÐIÐ ÞRIÐJUDAGUR 2. ÁGÚST 2011
Ljósmynd/Landhelgisgæslan
Björgun Mörg ung börn urðu fyrir vökvaskorti en ástand á fólki var gott.
María Elísabet Pallé
mep@mbl.is
Áhöfn Ægis, varðskips Landhelgis-
gæslunnar, bjargaði á laugardag 58
flóttamönnum sem skildir höfðu ver-
ið eftir á Rado-
pos-skaga á Krít.
Í hópnum voru 30
karlmenn, 16
konur, þar af
tvær ófrískar og
tólf börn, allt nið-
ur í ársgömul.
„Meðlimir áhafn-
arinnar fóru með
gúmmíbát upp að
fjörunni og ferj-
uðu með honum
fólkið upp í annan hraðskeiðari bát
sem fór með fólkið um borð í skipið,“
segir Einar Valsson skipsherra á
varðskipinu Ægi.
Einar segir að einum flóttamanni
hafi tekist að hringja eftir hjálp en
fólkið vissi ekki hvar það var statt.
Það hafi ekki séð til mannabyggð-
ar og um 14 tíma tók að finna fólkið.
Flóttamennirnir sem eru frá Afgan-
istan og Sýrlandi höfðu verið skildir
eftir en ástæða þess er ekki ljós. Í
hópnum voru mörg ung börn og tvær
óléttar konur. „Þetta er ekki svo erf-
ið vinna því hún er svo gefandi. Þeg-
ar svona vel gengur og við lendum í
björgunaraðgerðum sem takast
100% vel þá vegur það alveg á móti
erfiðleikunum,“ segir Einar en öll 18
manna áhöfnin tók þátt í björguninni
sem tók aðeins 1½ klukkustund frá
því að fólkið fannst. „Fólkið varð fyr-
ir vökvaskorti en annars var það í
góðu ástandi miðað við þær aðstæð-
ur sem það hafði verið í og þakklæti
skein úr hverju andliti,“ segir Einar.
Í samvinnu við landamæra-
stofnun Evrópusambandsins
Áhöfn Ægis hefur tekið þátt í
nokkrum aðgerðum í sumar og líka
síðasta sumar en hefur ekki komið að
björgun með þessum hætti áður þar
sem fólki er bjargað úr fjöru en ekki
af sjó.
Landhelgisgæslan tekur þátt í
samvinnuverkefni með landamæra-
stofnun Evrópusambandsins. Full-
trúar þeirra og grísk yfirvöld tóku á
móti flóttamannahópnum og flutti
það til Souda á Krít.
Landhelgisgæslan bjargar 58 manns
Flóttamenn frá Afganistan og Sýrlandi voru skildir eftir í fjöru á Krít Leitin tók um 14 tíma
Í hópnum voru 16 konur og 12 börn, allt niður í ársgömul Þakklæti skein úr hverju andliti
Vel heppnað
» 58 flóttamenn höfðu verið
skildir eftir á Radopos-skaga á
Krít.
» Það tók 18 manna áhöfn
Ægis um 1½ klukkustund að
ferja fólkið úr landi yfir í skip.
» Ægir er við gæslustörf á
Miðjarðarhafi á vegum ESB.
Einar
Valsson
BAKSVIÐ
Hjalti Geir Erlendsson
hjaltigeir@mbl.is
Að venju voru margir á faraldsfæti
um verslunarmannahelgina. Skipu-
lögð hátíðarhöld voru víða um land
og gengu þau að mestu leyti vel.
Fjölmennt var á fjölskylduhátíðinni
„Einni með öllu“ á Akureyri. Um 10
til 12 þúsund manns voru saman
komin á lokatónleikum hátíðarinnar
í miðbæ Akureyrar á sunnudags-
kvöldið. Þar stigu meðal annars á
svið hljómsveitirnar Jón Jónsson og
Dikta auk Helga Björns og Reið-
manna vindanna. Að tónleikunum
loknum var glæsileg flugeldasýning
við Pollinn.
Í Vestmannaeyjum gengu hátíðar-
höld nokkuð vel. Veðrið setti þó strik
í reikninginn en það rigndi allhressi-
lega á Þjóðhátíðargesti nær alla
helgina. En þrátt fyrir stormviðvör-
un á sunnudaginn streymdi fólk til
Eyja alveg fram á kvöldið en talið er
að þá hafi um 14 þúsund manns verið
saman komin í Herjólfsdal.
Á Siglufirði var síldarævintýrisins
minnst með samnefndri hátíð. Talið
er að rúmlega 6.000 gestir hafi komið
á hátíðina. Þá lagði skemmtiferða-
skipið Minerra að bryggju á laug-
ardaginn og um 350 farþegar af skip-
inu spókuðu sig um Siglufjörð. Hlýtt
var í veðri þó að nokkrir regndropar
hafi fallið af himnum ofan eins og
raunin var um næstum allt land.
Nokkur þúsund manns voru sam-
an komin á Flúðum um helgina og
voru tjaldstæði þar þétt skipuð. Á
Flúðum fór meðal annars fram hin
árlega heimsmeistarakeppni í trakt-
oraralli þar sem keppt er á traktor-
um undir 50 hestöflum.
Hér hafa aðeins verið nefndir
nokkrir af þeim fjölmörgu skipu-
lögðu viðburðum sem voru haldnir
um helgina. Er margt óupptalið svo
sem hinn árlegi Mýrarbolti á Ísa-
firði, Neistaflug í Neskaupstað og
SÁÁ-hátíðin Edrú 2011. Þá var Inni-
púkinn haldinn í Reykjavík.
Skiptust á skin og skúrir
Hátíðarhöld fóru að mestu vel fram um verslunarmannahelgina Um 14
þúsund manns voru á sunnudagskvöldið í Herjólfsdal þrátt fyrir slæmt veður
Ljósmynd/Sigurjón Ragnar
Í stuði Egill Ólafsson söng þekktustu lög Stuðmanna við undirleik hljómsveitarinnar Buffs í Vestmannaeyjum við mjög góðar undirtektir hátíðargestanna.
Morgunblaðið/Sigurður Sigmundsson
Flúðir Ölvir Karl Emilsson bar sigur úr býtum á heimsmeistaramótinu í
traktoraralli. Þetta var í sjöunda sinn sem hann vinnur titilinn.
Tvær nauðganir hafa verið kærðar
til lögreglu eftir helgina í Vest-
mannaeyjum. Lögregla handtók í
kjölfarið karlmann á þrítugsaldri
sem grunaður er um að hafa
nauðgað konu við salernisaðstöðu í
Herjólfsdal.
Lögreglan á Akureyri hafði af-
skipti af tveimur minniháttar lík-
amsárásarmálum aðfaranótt mánu-
dags. Þá var einn handtekinn eftir
stórfelda líkamsárás á Flúðum.
Hann lamdi annan mann með
flösku í andlitið. Sá er varð fyrir
árásinni var fluttur til aðhlynn-
ingar á heilsugæslu en reyndist
ekki alvarlega slasaður. Lögregla
þurfti sömuleiðis að hafa afskipti
af fjölmörgum haugdrukknum ein-
staklingum en eins og við var að
búast var mikill erill hjá lögregl-
unni um allt land.
Nokkur of-
beldismál
rannsökuð
Tíðni ofbeldis
svipuð og fyrri ár
Lítil umferð á há-
lendinu um helgina
Viku Kanturinn gaf sig undan jeppanum.
Umferðin var róleg á hálendinu yf-
ir verslunarmannahelgina að sögn
hálendisvaktar Slysavarnafélagsins
Landsbjargar.
Minni umferð var á hálendinu en
undanfarnar verslunarmannahelg-
ar og talið er að blautt og kalt veð-
ur hafi átt sinn þátt í því. Björg-
unarsveitirnar eru til taks í tæpa
tvo mánuði á hverju sumri á fjórum
stöðum á hálendinu, Kjalvegi, að
Fjallabaki, á Sprengisandsleið og á
svæðinu norðan Vatnajökuls. Á
meðfylgjandi mynd er Björg-
unarsveitin Núpar frá Kópaskeri að
aðstoða ítölsk hjón sem höfðu verið
að víkja fyrir bíl og kanturinn gaf
sig með þeim afleiðingum að aftur-
endi bílsins féll niður og rann á
stóran hraunhnullung sem varnaði
því að bílinn ylti alveg á hliðina.
mep@mbl.is
10-12
þúsund manns voru í miðbæ
Akureyrar á sunnudagskvöldið
14
þúsund voru saman komin í
Herjólfsdal í Vestmannaeyjum
6
þúsund manns voru á Síldaræv-
intýrinu á Siglufirði
9
skipulagðar stórhátíðir voru haldn-
ar víðs vegar um landið um helgina
‹ HELGIN Í TÖLUM ›
»