Morgunblaðið - 27.10.2011, Blaðsíða 16

16
MORGUNBLAÐIÐ FIMMTUDAGUR 27. OKTÓBER 2011
SVIÐSLJÓS
Steinþór Guðbjartsson
steinthor@mbl.is
„Þetta breytir öllu,“ segir Georg Kr.
Lárusson, forstjóri Landhelgisgæslu
Íslands, um nýjasta skipið í flotanum,
varðskipið Þór, sem kom til Vest-
mannaeyja í gær.
Georg bendir á að Landhelgisgæsl-
an hafi síðast fengið nýtt skip 1975 en
vekur um leið athygli á því að Týr og
Ægir, varðskipin sem fyrir eru, hafi
reyndar verið endurbyggð nær þrisv-
ar sinnum og séu því í góðu lagi. „Þau
eru samt barn síns tíma í grunninn,
hafa ekki stækkað og vélarnar eru
þær sömu, þó ýmiss konar tæknibún-
aður hafi verið mikið endurbættur.
Siglingamynstrið í kringum landið
hefur líka gjörbreyst og stærri skip
sigla nú með meiri, verðmeiri og
hættulegri farm.“
Nauðsynlegt skip
Georg rifjar upp að þegar Dettifoss
hafi misst stýrið suðaustur af landinu
fyrir nokkrum árum hafi bæði eldri
varðskipin verið á svæðinu og þeim
hafi rétt tekist að halda í við Dettifoss
og bjarga því að skipið, sem væri mun
minna en skipin á hafsvæðinu væru
núna, ræki til lands. „Það er algjör-
lega nauðsynlegt að hafa öflugt drátt-
ar- og björgunarskip,“ segir hann.
Skipið er búið öflugum mengunar-
varnar- og upphreinsibúnaði. Einnig
fjölgeislabúnaði sem notaður er við
leit og rannsóknir neðansjávar. Um
borð er jafnframt öflugur eftirlitsbún-
aður sem sameinast í stjórnstöð í
miðri brúnni. Skipið getur þannig
verið færanleg stjórnstöð í neyðarað-
gerðum og tengt björgunarhópa við
samhæfingarstöð Almannavarna þó
að allt venjulegt fjarskiptasamband
liggi niðri. Í Þór er björgunarbúnaður
fyrir 48 manns en Georg segir að í
neyðartilfellum geti skipið flutt allt að
2.000 manns.
Með tilkomu Þórs verða kaflaskipti
í öryggismálum sjómanna og vöktun
íslenska hafsvæðisins. Að mati Land-
helgisgæslunnar verður skipið öflug-
ur hlekkur í keðju björgunarhópa á
Norður-Atlantshafi. Georg segir að
nú þegar hafi skipaumferð aukist
stórlega frá Norður-Noregi og Rúss-
landi og með væntanlegri opnun
norðaustursiglingaleiðarinnar sé því
spáð að hún eigi eftir að aukast til
muna. Þór gegni því mjög mikilvægu
hlutverki.
Stefnt er að því að halda nýja skip-
inu á heimaslóðum næstu mánuði en
vera áfram með eldri skipin sem mest
í verkefnum erlendis. Ægir er í Mið-
jarðarhafinu og er væntanlegur til
landsins í lok nóvember, en Týr, sem
er við fiskveiðieftirlit við Nýfundna-
land, er væntanlegur í desember.
Flugvél Gæslunnar fer í nóvember til
Ítalíu og verður þar fram að jólum. Þá
verður önnur þyrlan fjarri góðu
gamni að minnsta kosti þrjá fyrstu
mánuði komandi árs.
Georg segir að reynt verði að hafa
Þór á sem bestum stöðum. Skipið efli
Gæsluna og veiti ákveðna öryggistil-
finningu. Það fer til almennra gæslu-
starfa annan laugardag og er hug-
myndin að það fari til sem flestra
hafna landsins á næstu vikum svo eig-
endurnir geti kynnt sér það sem best.
„Við lítum svo á að það sé mikill feng-
ur fyrir alla landsmenn enda er skipið
að sjálfsögðu eign þeirra,“ segir
Georg. „Fyrsta króna skattgreiðand-
ans á að renna til þess að tryggja ör-
yggi og þarna er króna skattgreið-
andans svo sannarlega komin í
varðskip.“
LHG/Árni Sæberg
Kaflaskipti í öryggismálum
og vöktun hafsvæðisins
 Varðskipið Þór til flestra hafna landsins á næstu vikum til að eigendurnir geti kynnt sér það sem best
Athöfn Fulltrúar bæjarstjórnar Vestmannaeyja tóku á móti skipherra og forstjóra Landhelgisgæslunnar.
Varðskipið Þór
» 4. mars 2005 samþykkti
ríkisstjórn Íslands tillögu
Björns Bjarnasonar, þáverandi
dóms- og kirkjumálaráðherra,
um endurnýjun skipa og flug-
vélar Landhelgisgæslunnar.
» 20. desember 2006 var
gerður samningur við Asmar-
skipasmíðastöðina í Talchuano
í Síle um smíði nýs varðskips.
Smíðin hófst 16. október
2007.
» Varðskipið var sjósett 29.
apríl 2009 og hlaut nafnið Þór.
» Miklar skemmdir urðu á
skipasmíðastöðinni í jarð-
skjálfta 27. febrúar 2010 og
seinkaði afhendingu skipsins
um rúmt ár, til 23. september
2011.
» Varðskipið Þór er 93,80 m
að lengd, 16 m breitt og með
120 tonna dráttargetu.
» Varðskipin Ægir og Týr eru
71,15 m að lengd, 10 m breið
og með um 56 tonna dráttar-
getu.
» Nær 37 ár eru síðan Íslend-
ingar fengu síðast nýtt varð-
skip en Týr kom til landsins
24. mars 1975 og Ægir 12. júní
1968.
» Kostnaður er um 29 millj-
ónir evra og er innan heildar-
áætlunar, samkvæmt upplýs-
ingum frá Gæslunni.
Varðskipið Þór til Íslands