Morgunblaðið - 27.10.2011, Síða 40

LHG/Árni Sæberg
Heimkoma Þór kom til Íslands í gær og voru Vestmannaeyjar fyrsti viðkomustaðurinn. Þyrlur Landhelgisgæslunnar fylgdu varðskipinu síðasta spölinn.
Steinþór Guðbjartsson
steinthor@mbl.is
Það var vel við hæfi að Vestmannaeyjar væru
fyrsti íslenski viðkomustaður varðskipsins Þórs,
nýja eftirlits- og björgunarskips Íslendinga, en
skipið lagðist að bryggju í Friðarhöfn í gær eft-
ir að hafa verið afhent í Síle fyrir rúmum mán-
uði.
„Hér er vagga Gæslunnar,“ sagði Sigurður
Steinar Ketilsson, skipherra á Þór, skömmu áð-
ur en hann kom með áhöfn sinni á nýja skipinu
til Eyja, en 18 manns eru í áhöfn. Hann rifjaði
upp að Eyjamenn hefðu stofnað Björgunarfélag
Vestmannaeyja 1918 og keypt fyrsta varðskipið
Þór 1920. „Hann var ýmist kallaður fyrsti Þór,
Vestmannaeyja-Þór eða Fjöru-Þór af því að
hann strandaði.“
Skipið var afhent 23. september og var lagt af
stað frá Talchuano í Síle 28. september. Siglt
var um Panamaskurð 6. og 7. október, stoppað í
fjóra sólarhringa í Boston, þar sem meðal ann-
ars var tekið hús á bandarísku strandgæslunni
áður en siglt var til Halifax í Kanada þar sem
allur dráttarbúnaður var tekinn um borð.
Nýja skipið er fjórða skip Landhelgisgæsl-
unnar sem ber nafnið Þór. Landssjóður keypti
fyrsta skipið af Björgunarfélagi Vestmannaeyja
og var afsalið gefið út 1. júlí 1926, sem jafn-
framt er stofndagur Landhelgisgæslu Íslands.
Leiðindaveður var um hádegisbil í gær, 40 til
50 hnútar, þegar Þór nálgaðist Vestmanneyjar,
en síðan rættist úr því. „Það fer vel á því,“ sagði
skipherrann og bætti við að skipið hefði reynst
mjög vel á leiðinni frá Síle. „Þó að siglingin hafi
verið löng er einn kostur við það – það er búið
að taka flesta barnasjúkdóma úr skipinu nú þeg-
ar við komum heim.“
Sigurður Steinar segir að skipið sé mjög
tæknivætt. „Það hefur verið brotið blað í sögu
íslensku þjóðarinnar,“ segir hann og áréttar að
starfsmenn ASMAR-skipasmíðastöðvarinnar í
Talchuano í Síle hafi lagt mikinn metnað í smíði
skipsins, hlutir hafi komið víða að og nauðsyn-
legur undirbúningur verið tímafrekur. »16-17
Brotið blað í sögu þjóðar
 Varðskipið Þór, nýja eftirlits- og björgunarskip Íslendinga, komið til landsins
 Tók út flesta barnasjúkdómana á leiðinni og fór síðan í vöggu Gæslunnar
FIMMTUDAGUR 27. OKTÓBER 300. DAGUR ÁRSINS 2011
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 2550
1. Ævintýrahús í Reykjavík
2. Aftur til sölu en 70% dýrari
3. Úrin úr ráninu fundin
4. Fimm flytja úr landi á dag
»MEST LESIÐ Á mbl.is
FÓLK Í FRÉTTUM
 Hermann Gunnarsson mun stýra
söngveislunni Jólastjörnur Hemma
Gunn á skemmtistaðnum SPOT í
Kópavogi fyrir jól. Veislan hefst að
loknu jólahlaðborði en meðal jóla-
stjarna verða Mugison og Bjarni Ara.
Morgunblaðið/Ernir
Hemmi Gunn og
jólastjörnur á SPOT
 Tenórsöngvar-
inn Kristján Jó-
hannsson þurfti
að vera yfir nótt á
Landspítalanum
fyrir hálfum mán-
uði, þá nýkominn
frá Ítalíu þar sem
hann söng á tón-
leikum. Kristján
sagðist í samtali við blaðamann í gær
hafa ofgert sér ytra en færir starfs-
menn spítalans hefðu komið honum í
gírinn á ný.
Kristján brattur eftir
stutta sjúkrahúsdvöl
 Gagnrýni um kvikmyndina Okkar
eigin Osló birtist sl. mánudag á vef
kvikmyndatímaritsins Variety. Í henni
segir m.a. að í myndinni séu hnyttin
samtöl en nokkuð
vanti þó upp á
trúverðugleika ást-
arsambands aðal-
persónanna sem
Þorsteinn Guð-
mundsson og
Brynhildur Guð-
jónsdóttir
léku.
Hnyttin samtöl en
ótrúverðugt samband
Á föstudag Norðaustan 5-10 og dálitlar skúrir eða él um landið
norðvestanvert, en annars hægari og þurrt að mestu. Hiti 0 til 6
stig, en vægt frost í innsveitum.
SPÁ KL. 12.00 Í DAG Fremur hæg norðaustlæg eða breytileg átt,
rigning eða súld um landið norðanvert, en yfirleitt þurrt sunnan-
lands. Heldur hvassara um landið norðvestanvert í kvöld.
VEÐUR
Íslenska kvennalandsliðið í
knattspyrnu vann Norður-
Íra í undankeppni Evrópu-
móts landsliða í Belfast í
gærkvöld, 2:0. Sigurinn var
sannfærandi en Hólmfríður
Magnúsdóttir og Dagný
Brynjarsdóttir skoruðu
mörk Íslands með tveggja
mínútna millibili fyrir hlé.
Íslendingar eru efstir í riðl-
inum með 13 stig eftir fimm
leiki. Næsti leikur verður í
vor. »4
Ísland trónir á
toppnum
Birgir Leifur Hafþórsson lék vel á
öðrum hring á fyrsta stigi úrtöku-
mótanna fyrir bandarísku PGA-
mótaröðina í golfi í Norður-Karólínu í
gær og lék á 70 höggum, tveimur
höggum undir pari vallarins.
Reiknað er með að um 22 kylfingar
komist áfram á 2. stigið að loknum
fjórum keppnisdögum á föstudags-
kvöldið. »1
Birgir Leifur á tveimur
undir pari eftir 2 daga
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Knattspyrnumaðurinn Pálmi Rafn
Pálmason gerir ráð fyrir því að yfir-
gefa norska úrvalsdeildarliðið Sta-
bæk þegar samningur hans við félag-
ið rennur út eftir tímabilið. Pálmi
segir að áhugi sé frá liðum í Skandi-
navíu en hann hefur
leikið með Stabæk
í fjögur ár. »1
Pálmi Rafn á förum frá
norska liðinu Stabæk