Morgunblaðið - 27.10.2011, Blaðsíða 23

23
MORGUNBLAÐIÐ FIMMTUDAGUR 27. OKTÓBER 2011
Árið 1951 gerðu borg-
aryfirvöld og eigendur
Bræðraborgarstígs 31
með sér makaskipa-
samning þar sem þeir
skiptu á lóðarskikum A
við Bræðraborgarstíg
og B við Hávallagötu.
Ætlun borgarinnar með
þessum samningi var að
færa bílastæði af skika
B yfir á skika A þegar
hús á lóðinni yrði endur-
byggt. Í samningnum segir svo:
„Hinsvegar er um það samkomulag
milli aðilanna, að þar til húsið
Bræðraborgarstígur 31 verður end-
urbyggt, nýtt hús reist á lóðinni og
gatan breikkuð, hafi eigendur
Bræðraborgarstígs 31 afnotarétt
spildunnar A, án endurgjalds. Á sama
tíma hefir bæjarstjórnin endurgjalds-
lausan afnotarétt spildunnar B, sem
að undanförnu hefir verið notað fyrir
bifreiðastæði.“
Ekkert hefur raskað þessu ákvæði
samningsins á undanförnum 60 árum.
Borgin hefur haft skika B til afnota
sem almenn bílastæði og eigandi
Bræðraborgarstígs 31 haft skika A til
afnota.
Nú ætla borgaryfirvöld hins vegar
að falla frá hinum samningsbundna
afnotarétti sínum á spildu B og fella
niður 7-8 almenn bílastæði sem þar
hafa verið frá því fyrir miðja síðustu
öld. Þetta ætla þau er gera án þess að
gera eiganda Bræðraborgarstígs 31
að rýma reit A svo þar megi gera bíla-
stæði í stað þeirra sem falla niður á
reit B. Í einfaldri mynd fer þarna
fram eftirgjöf á samningsbundnum
réttindum borgarinnar til eiganda
Bræðraborgarstígs 31. Andmæli á
annað hundrað næstu nágranna
þessa svæðis höfðu,
þar til núverandi meiri-
hluti í borgarstjórn
komst til valda, dugað
til að stöðva málið. Nú
er málið hins vegar
keyrt í gegn.
Eigandinn, sem
hagnast á þessari eftir-
gjöf borgarinnar, er
nefndarformaður hjá
núverandi meirihluta
borgarstjórnar, Sam-
fylkingar og Besta
flokks.
Gjöfin er til afgreiðslu í borgarráði
í dag. Í borgarráði situr Dagur B.
Eggertsson sem hefur lýst því yfir að
hann vilji standa vörð um bílastæði í
þessum borgarhluta. Í skriflegri yfir-
lýsingu um þetta tiltekna mál árið
2006 sagði Dagur: „… því þótt um
einkalóð sé að ræða hefur borgin af-
not af stæðunum skv. sérstökum
samningi sem mér sýnist að ekki
verði breytt nema í samkomulagi
beggja.“
Hefur þessi skilningur Dags á
samningsbundnum rétti borgarinnar
breyst til hins besta?
Eftir Glúm Jón
Björnsson
»Nú ætla borgar-
yfirvöld hins vegar
að falla frá hinum
samningsbundna af-
notarétti sínum á spildu
B og fella niður 7-8
almenn bílastæði sem
þar hafa verið frá því
fyrir miðja síðustu öld.
Glúmur Jón
Björnsson
Höfundur er efnafræðingur og
er íbúi í Vesturbæ.
Bestuvinavæðing
í Vesturbæ
Þingflokkur Sjálf-
stæðisflokksins hefur
nú í fjórða sinn lagt
fram ítarlegar efna-
hagstillögur. Nái efna-
hagstillögur okkar
fram að ganga er það
til bóta fyrir sam-
félagið í heild, hvort
sem er fyrir heimili
eða fyrirtæki. Þing-
flokkur Framsókn-
arflokksins lagði í síð-
ustu viku einnig fram sínar
efnahagstillögur og það er óhætt að
segja að stærstur hluti stjórnarand-
stöðunnar á þingi gerir sér fyllilega
grein fyrir því hver brýnustu verk-
efnin eru í dag.
Við getum ekki áfram búið við þá
stöðnun sem nú á sér stað hér á
landi. Við erum með atvinnulíf sem
stendur í baráttu við stjórnvöld á
hverjum degi og hinum megin er-
um við með stjórnvöld sem ætla sér
að fórna öllu fyrir hugmynda-
fræðilega sigra. Á meðan hjaðnar
kaupmátturinn, skattbyrðin verður
þyngri, fleiri missa vinnuna og
færri einstaklingar gera sér vonir
um bjartari framtíð hér á landi sem
sýnir sig best í því að nú flytur að
meðaltali heill fjölskyldubíll af fólki
úr landi í hverri viku.
Jóhanna Sigurðardóttir, forsætis-
ráðherra og formaður Samfylking-
arinnar, fór mikinn í setningarræðu
sinni á annars daufum landsfundi
flokksins um helgina. Eftir að hafa
þulið upp sama verkefnalista og
Samfylkingin hefur þulið upp sl. tvö
ár sagði Jóhanna að hinu svokallaða
björgunarstarfi ríkisstjórnarinnar
væri að mestu lokið og sókn til
betri lífskjara væri nú vel á veg
kominn.
Það er alveg sama hversu langan
verkefnalista ríkisstjórnin birtir. Ef
verkefnin snúa ekki að því að bæta
Eftir Ólöfu Nordal »Ég hef margoft,
bæði í ræðu og riti,
ítrekað það að Sjálf-
stæðisflokkurinn er
tilbúinn að vinna með
ríkisstjórninni að góð-
um málum.
hag heimila og fyrir-
tækja eru þau að öll-
um líkindum til einsk-
is. Verkefnin þurfa að
vera áþreifanleg.
Heimilin og fyrir-
tækin þurfa að finna
að hagur þeirra sé
betri í dag en í gær.
Þjóðin þarf frið
Ég hef margoft,
bæði í ræðu og riti,
ítrekað það að Sjálf-
stæðisflokkurinn er
tilbúinn að vinna með ríkisstjórn-
inni að góðum málum. Málum sem
bæta hag heimila og fyrirtækja. Nú
er það sem betur fer ekki svo að
stjórnmálamenn leysi öll heimsins
vandamál. En þeir geta unnið sam-
an að nauðsynlegum verkefnum.
Þegar þjóðin þarf mest á því að
halda að stjórnmálamenn komi sér
saman um verkefni sem bæta hag
heimila og fyrirtækja kýs forsætis-
ráðherra að hefja nýja orrustu í
stríði sínu. Stríði sem beinist gegn
öllum þeim sem ekki eru móttæki-
legir fyrir þröngum skoðunum
Samfylkingarinnar. Í stað þess að
taka með málefnalegum hætti á
móti hugmyndum stjórnarandstöð-
unnar kýs hún að kasta þeim út í
hafsauga með tilheyrandi stríðs-
yfirlýsingum.
Þetta stríð þarf að enda. For-
sætisráðherra veit sem er að
stærstur hluti stjórnmálamanna
kýs að starfa í stjórnmálum til að
láta gott af sér leiða og bæta sam-
félagið. Það þarf hins vegar ekkert
að koma forsætisráðherra á óvart
að Sjálfstæðisflokkurinn skuli taka
til varna þegar ríkisstjórnin dregur
upp úr hatti sínum hverja skatta-
hækkunina á fætur annarri. Það
þarf ekki að koma á óvart að Sjálf-
stæðisflokkurinn skuli berjast gegn
illa ígrunduðum og háskalegum
breytingum á fiskveiðistjórnunar-
kerfinu þegar mörg hundruð manns
í landinu hafa af því atvinnu og
sjávarútvegurinn skapar þjóðinni
ógrynni af tekjum. Það þarf heldur
ekki að koma á óvart að Sjálfstæð-
isflokkurinn skuli setja spurningar-
merki við aðildarumsókn að Evr-
ópusambandinu þegar umsóknin
sjálf nýtur ekki stuðnings þjóð-
arinnar eða pólitískrar forystu.
Forgangsröðum rétt
Allt snýst þetta um forgangs-
röðun. Ekkert af ofangreindum
verkefnum er liður í því að bæta
hag heimila og fyrirtækja. Tökum
frekar höndum saman, lækkum
skatta, gerum það sem þarf að gera
til að rétta af ríkisfjármálin, förum
skipulega í að greiða úr skuldum
heimila og fyrirtækja, bætum hag
fjölskyldufólks, minnkum álögur
hins opinbera, verum sammála um
að renna styrkum stoðum undir at-
vinnulífið og náum fram sáttum á
grundvelli stjórnmálanna.
Sjálfstæðisflokkurinn vill taka
þátt í því að bæta hag heimilanna.
Sjálfstæðisflokkurinn vill sjá at-
vinnulífið blómstra þannig að fyrir-
tæki sjái sér fært að fjárfesta á ný,
hvort sem er í fólki eða tækjum.
Heimili og fyrirtæki þurfa að vera
efst á lista stjórnmálamanna. Er
Jóhanna tilbúinn til þess að grafa
stríðsöxina og einbeita sér að þessu
verkefni með stjórnarandstöðunni?
Ólöf Nordal
Stríð Jóhönnu þarf að enda
Höfundur er þingmaður og
varaformaður Sjálfstæðisflokksins.
Sælgæti Hann er sannarlega einn af litum haustsins sá rauði og hér hefur hann heillað þröst í formi gómsætra reyniberja.
Ómar
Samkvæmt yfirlýsingum
Alcoa hætti fyrirtækið við
uppbyggingu fyrir norðan
því ekki bauðst nægilega
mikil orka á svæðinu. Þá var
rafmagnið ekki á samkeppn-
ishæfu verði. Af þessu má
dæma að það var greinilega
farsæl ákvörðun hjá stjórn-
völdum árið 2009 að segja
upp einokunarsamningi við
Alcoa um orkuna og ræða
við aðra aðila. Annars vær-
um við búin að tapa tveimur
dýrmætum árum á leið okk-
ar til uppbyggingar við
Húsavík.
Það er markmið ríkis-
stjórnarinnar að styðja við
áform Landsvirkjunar á
Norðausturlandi. Við nýt-
ingu megum við þó ekki
ganga of freklega fram
gagnvart náttúrunni né
heldur selja rafmagnið of
ódýrt. Verkefnið verður að
vera sjálfbært og rekið á við-
skiptalegum forsendum.
Nú eru fimm aðilar sem
eru að ræða við Lands-
virkjun. Þar á meðal álfyrirtæki. Landsvirkjun er greini-
lega full alvara enda búin að bjóða út frumhönnun virkj-
ana og fleira. Verkefni upp á þrettán milljarða króna.
Ég tel farsælt að Landsvirkjun fái að stýra viðræðun-
um fyrir norðan án afskipta stjórnmálamanna. Mik-
ilvægt er að tryggja að sú uppbygging verði á for-
sendum sjálfbærni svo ekki verði gengið of nærri
auðlindinni. Landsvirkjun á að fá að semja á viðskipta-
legum forsendum við þá aðila sem geta keypt orkuna á
samkeppnishæfu verði. Það er besta leiðin til að tryggja
uppbyggingu við Húsavík og verið mín skoðun alla tíð.
Orkan fyrir
norðan
Eftir Magnús Orra
Schram
Magnús Orri Schram
» Lands-
virkjun á að
semja á við-
skiptalegum
forsendum við
þá sem geta
keypt orkuna á
samkeppnis-
hæfu verði. Það
er leiðin til upp-
byggingar við
Húsavík.
Höfundur er þingmaður.