Birtingur - 01.12.1957, Blaðsíða 23

nokkra fyrirlitningu á vísindum eða vanmeti gildi vísindalegra rannsókna.
Hlutverk hans er einfaldlega að tjá með list sinni og þeirri tækni sem
henni hæfir sambandið milli mannsins og alheimsins. Þér sjáið að þetta
er tvennt ólíkt.
Hver er afstaða yðar til hinnar plastísku sýntesu sem svo er nefnd?
Ég hef engan áhuga á henni. Hraðinn í nútímaþjóðfélagi hefur deyft
anda hins gamla góða handverks, og þess vegna meðal annars er enginn
jarðvegur lengur fyrir slíkar hugmyndir. Á hinn bóginn verður lista-
maður að vera algjörlega frjáls, en í listiðnaði eru hendur hans alltaf að
einhverju leyti bundnar við notagildi hlutarins. Nei, ég hef engan áhuga
á samkrulli listar og listiðnaðar, hvaða nafni sem það nefnist.
Hvað álítið þér um framtíðina?
Maður á nóg með siálfan sig, þó að maður sé ekki að gera sér grillur
um hið ókunna. Maður hefur happasælust áhrif á framtíðina með því
að vinna verk sitt eins vel og manni er unnt.
Auguste Herbin er fæddur í Quiévy í Norðurfrakklandi árið 1882, sótti
kvöldnámskeið í teikningu í heimabæ sínum fram til 17 ára aldurs, stund-
aði nám við listaskólann í Lille 1900—1901, hélt síðan áfram að mála til-
sagnarlaust, en undir áhrifum frá impressjónistum. Hann kom til Parísar
1903 og hélt þar áfram á listabrautinni á eigin spýtur, kynntist hinum
fræga málverkasafnara Wilhelm Udhe er keypti myndir af honum, komst
síðar í kynni við annan þekktan listkaupmann Leon Rosenberg sem keypti
aðallega myndir eftir kúbista. Herbin gerist kúbisti 1909, byrjar að mála
abstrakt kringum 1913, málar af nýju hlutlægar myndir 1922—1925, en
snýr sér 1926 fyrir fullt og allt að abstraktlist. Hann hefur verið búsettur
í París alla tíð síðan 1903.