Húsfreyjan - 01.04.1965, Qupperneq 17

Lítið þvottahús
álít bezta, miðað við byggingakostnað.
Þetta er einfalt hús, án allra útskota, en
slikt munar miklu í kostnaði. Grunnflöt-
urinn er 114 fermetrar og það tel ég
sæmilegt húsnæði fyrir 5—6 manna fjöl-
skyldu. I húsinu eru fjögur svefnherbergi,
stofa, eldhús, borðkrókur, þvottahús, mat-
argeymsla, bað og snyrting. Aukainn-
gangur er um þvottahús og úr því má t.d.
fara með krakka á snyrtingu og þvo þeim,
áður en þau fara inn í sjálfa íbúðina. 1
gangenda er gott vinnupláss fyrir hús-
móðurina og góðir skápar þar hjá. Ur eld-
húsglugganum sér út í garðinn, þar sem
getur verið lokaður leikvöllur fyrir börn.
Einnig má breyta húsinu þannig, að
stækka stofuna og hafa svefnherbergin
aðeins þrjú, allt eftir fjölskyldustærð.
Teikningunni má snúa eftir legu lóðar-
innar, þ.e. hafa stofuna í öfugum enda
við það, sem hér er sýnt.
S.K. Mér likar vel að láta eldhúsið snúa
í sólaráttina. Þar er húsfreyjan oft og
henni líður áreiðanlega betur, ef aðal
vinnustaður hennar nýtur hæfilegrar sól-
ar. Með nútíma loftræstingu og kæliskáp
eða góðum matargeymslum, er ekki leng-
ur nauðsynlegt að vera að hugsa um mat-
vælanna vegna að hafa eldhúsin í norður.
E.G. Er geymslan nægilega stór?
H.H. Sé miðað við nútíma tækni, ís-
skáp, frystikistu o.s.frv. þá er hún nóg.
Segja má hinsvegar, að útigeymslu vanti
fyrir barnavagn, hjólhesta og þvílíkt, sé
ekki byggður bílskúr við húsið.
S.T. Hvað segið þið um þá tilhneigingu,
sem uppi er hér að hafa glugga frá lofti
til gólfs í stofum?
S.K. Af fenginni reyrislu myndi ég
segja, að hlýlegra væri að hafa 30—40
cm. brík undir gluggum, miðað við okkar
veðráttu. Sé kalt í veðri leggur óhjá-
kvæmilega kulda frá glerinu, jafnvel þótt
tvöfalt sé, en í sólskini verður bakandi
hiti inni.
H.H. Ég tel að gluggastærð sé víða
komin í hreinar öfgar. Það segir sig sjálft,
að í okkar veðráttu stafar oftar kulda
frá þessum miklu glerflötum, en æskilegt
er.
S.T. En hvernig er eldhúsinnréttingin,
sem fylgir þessu húsi?
H.H. Eldhúsið er 3,30x2,40 metrar að
stærð. Við annan langvegginn eru skápar
og vaskabekkur og bakarofn í bekkshæð.
Við hinn langvegginn eru líka dálitlir
skápar og eldunarhella. Undir gluggan-
um, milli bekkjanna er hylla. Handan við
bekkjasamstæðuna, sem hellan er í, er
borðkrókurinn og gluggi á honum.
Að lokum fáum við leyfi Halldórs til
að birta líka aðra teikningu af dálítið
stærra og dýrara húsi, vinkilbyggðu, en
það hefur marga sömu kosti og hitt hús-
ið. Þvottahús og geymsla er fast við eld-
húsið, vinnuborð er fyrir húsfreyju undir
glugga á gangi framan við svefnherbergin,
snyrting er við aðalinngang. Svefnher-
bergi eru í sérálmu.
Margt fleira hefðum við viljað ræða,
en fleira á að rúmast í heftinu en rök-
stólaspjallið, svo við þökkum Halldóri
Halldórssyni framkvæmdastjóra, kærlega
ágætar viðtökur og látum hér staðar num-
ið.
húspreyjan
S. Th.
15