Vera - 01.08.1985, Blaðsíða 33
Fulltrúar
íbúasamtaka úti
— atvinnulífsins
inni
í VERU hefur stundum verið lítillega fjallað um
þann lýðræðisskort sem hrjáir meirihlutann I borgar-
stjórn. Má nefna mýmörg dæmi þessari fullyrðingu
tll stuðnings en hér kemur það nýjasta.
Á fundi skipulagsnefndar ekki alls fyrir löngu lagði
meirihlutinn fram tillögu þess efnis að fulltrúa Kaup-
mannasamtakanna yrði heimiluð seta á fundum skipu-
lagsnefndar, með málfrelsi og tillögurétti, þegar mál
sem tengjast málefnum verslunarinnar væru til um-
ræðu. Jafnframt lögðu þeir til að fulltrúum „annarra
stórra hagsmunasamtaka í atvinnulífinu" yrði heimiluð
seta á fundum nefndarinnar þegar mál sem þau snerta
eru á dagskrá. Á sama fundi lagði ég fram tillögu um að
fulltrúum íbúasamtaka í borginni yröi veittur sami réttur
þegar mál sem snerta hagsmuni þeirra hverfis eru til
umfjöllunar í nefndinni.
En meirihlutinn var ekki á því að láta eitt yfir alla
ganga. Þeir samþykktu að sjálfsögöu sína tillögu en
veittu tillögu minni ekki stuðning þannig að hún náði
ekki fram að ganga. Mörgum reynist eflaust erfitt að
skilja með hvaða rökum hægt sé að veita ákveðnum
samtökum rétt innan borgarkerfisins sem öðrum er
synjað um. En rökstuðningur fyrir slíku vefst ekki fyrir
Sjálfstæðismönnum enda er hann aukaatriði í þeirra
augum. Aðalatriðið er að menn eigi málefnalega sam-
leið með Sjálfstæöisflokknum. Gamla sagan um Jón og
séra Jón. Annars var rökstuðningur Sjálfstæðismanna
á þá leið að þeir hefðu nú þegar svo náið samstarf við
íbúa í hverfunum að annað eins hefði aldrei þekkst áður
við stjórn borgarinnar. Að auki voru svo rökin þessi:
„íbúasamtök þau, sem nefnd eru í tillögunni (þ.e. tillögu
minni), eru áhugasamtök einstaklinga, sem ekki hafa
formbundið umboð frá íbúum í viðkomandi hverfi. Því er
ekki hægt að miða slíkan seturétt við þau“.
Þegar afstaða Sjálfstæðismanna lá Ijós fyrir greiddi
ég að sjálfsögðu atkvæði gegh tillögu þeirra um að full-
trúar atvinnulífsins fengju seturétt á fundum skipulags-
nefndar. Gerði ég grein fyrir afstöðu minni með svo-
hljóðandi bókun: „Ástæða þess að ég greiði atkvæði
gegn tillögu meirihlutans er sú, að hún gerir ráð fyrir því
aðsamtökum í borginni, sem láta sig skipulagsmál ein-
hverju varða, sé gróflega mismunað. Fulltrúum at-
vinnulífsins er veittur réttur sem fulltrúum íbúa er synjað
um. Þessi afstaða meirihlutans sýnir í hnotskurn hverra
hagsmuna hann gætir. Þau rök gegn setu fulltrúa íbúa-
samtaka á fundum nefndarinnar, að þarna sé um
áhugasamtök einstaklinga að ræða, falla um sjálf sig,
þar sem dæmi er um slíkt í nefndum borgarinnar. Má
t.d. nefna að F.Í.B. og Slysavarnafélag íslands hafa
seturétt á fundum umferðarnefndar."
m LAUSAR STÖÐUR HJÁ
'•r REYKJAVÍKURBORG
Reykjavíkurborg vill ráða starfsfólk til eftirtalinna
starfa. Starfskjör samkvæmt kjarasamningum.
Forstöðumaður við dagh./leiksk. Iðuborg, Iðu-
fell 16.
Forstöðumaður v/Barónsborg, Njálsgötu 70.
Matráðskona við skóladagh. Hálsakot, v/Hálsa-
sel.
Matráðskona við dagh. Sunnuborg, Sólheimum
19, 1/2 starf.
Starfsmenn og fóstrur við eftirtalin heimili:
Bakkaborg, v/Blöndubakka. Laufásborg, Lauf-
ásvegi 53—55. Múlaborg, v/Ármúla. Stakka-
borg, Bólstaðarhlíð 38. Sunnuborg, Sólheimum
19. Hraunborg, v/Hraunberg. Iðuborg, Iðufelli
16. Álftaborg, Safamýri 32. Kvistaborg, v/Kvista-
land.
Upplýsingar veita framkvæmdastjóri og umsjónar-
fóstrur á skrifstofu dagvistar í síma 27277 og for-
stöðumenn viðkomandi heimila. Umsóknum ber að
skila til starfsmannahalds Reykjavíkurborgar, Póst-
hússtræti 9, 6. hæð, á sérstökum umsóknareyðu-
blöðum sem þar fást, fyrir kl. 16.00, mánudaginn 19.
ágúst 1985.
m LAUSAR STÖÐUR HJÁ
1 REYKJAVÍKURBORG
Reykjavíkurborg vill ráða starfsfólk til eftirtalinna
starfa. Starfskjör samkvæmt kjarasamningum.
Starfsmenn, í eldhús hjá þjónustuíbúðum aldr-
aða. Um er að ræða 75% stöður. Vinnutími frá
8.00—14.00 og aðra hvora helgi.
Starfsmaður, á vakt hjá þjónustuíbúðum aldr-
aðra. Um er að ræða 100% starf, aðstoð við
íbúa. Unnið er á vöktum og aðra hvora helgi.
Upplýsingar um stöður þessar fást í síma 685377, frá
kl. 13.00—15.000 daglega.
Umsóknum ber að skila til starfsmannahalds Reykja-
víkurborgar, Pósthússtræti 9, 6. hæð, á sérstökum
umsóknarblöðum sem þar fást, fyrir kl. 16.00 mánu-
daginn 19. ágúst n.k.
isg.
33