Vera - 01.12.1988, Blaðsíða 38

Fréttir frá Alþingi:
Stjórnarmyndunarviðræðurnar stóðu frá 17.
sept., þegar Þorsteinn Pálsson baðst lausnar
fyrir sig og ráðuneyti sitt, til 28. sept., þegar sú
stjórn sem enn situr tók við völdum.
Þennan tíma voru stöðugir fundir; þingflokksfundir,
fimmfundir á Laugaveginum og símafundir til aö tengja
konur úti á landi við þessi ósköp sem hér gengu á.
Nokkrum sinnum fóru Kvennalistakonur á fundi meö
forystumönnum stjórnmálaflokkanna. Voru menn þá að
kanna möguleika á aðild Kvennalistans að ríkisstjórn
eða jafnvel hlutleysi við minnihlutastjórn. Þær konur
sem á þessa fundi fóru voru sammála um, að þeim
mætti lýsa með hinni frægu dæmisögu um manninn
sem byggði húsið eftir sínu höfði en bauð svo konunni
að búa þar hjá sér með því skilyröi að hún breytti engu
eftir sínum smekk. Karlarnir vildu gjarnan hafa okkur
með en við áttum engu að fá að breyta, okkar hugmynd-
ir fengust ekki einu sinni ræddar, heldur var þeim nán-
ast blásið út af borðinu eins og dauðri fiskiflugu (orðatil-
tæki fengið að láni hjá Danfríði). Kvennalistakonur urðu
varar við mikinn áhuga fólks á því að þær færu í ríkis-
stjórn og létu gott af sér leiða og virtust sumir jafnvel
álíta að Kvennalistinn væri kominn með þingstyrk í sam-
ræmi við skoðanakannanir. Það er sannarlega ekki svo
og sex konur á þingi, þótt sterkar séu, hafa ekki nægi-
legan styrk til að koma í gegn breytingum ef hinir flokk-
arnir eru ekki tilbúnir til að vinna að þeim líka. Kvenna-
listakonur voru sammála um, að það kæmi aldrei til
greina að taka þátt í ríkisstjórn eða vera hlutlaus gagn-
vart ríkisstjórn sem leyfði frystingu launa og virti ekki
samningsrétt fólks. Talið er, að launafrystingin nái í raun
aðeins til um 40% vinnandi fólks og þessi 40% eru að
lang stærstum hluta konur. Að gangast undir launafryst-
ingu er viðurkenning á því, að vandann í þjóðfélaginu
megi rekja til þess að konur fái of há laun og því megi
laga hann með því að frysta laun þeirra. Það er nokkuð
sem engin Kvennalistakona getur skrifað undir. Launa-
frystingin og samningsréttarleysið voru eins og burðar-
veggir í húsi karlanna, við þeim mátti ekki hrófla og er
það grunnforsenda þess að Kvennalistinn er nú enn í
stjórnarandstöðu.
Sætaskipan
Á fyrstu þingfundum haustsins draga þingmenn um
það hvar þeir eigi að sitja á komandi þingi. Það fylgir þvi
alltaf viss eftirvænting að sjá hverjir muni nú draga sig
saman. (Svoleiöis fylgir alltaf tildragelsi, eða hvað?) Ein-
hvern tímavarsagt, aðeini þingmaðurinn sem hafi tekið
karlmannlega á móti Kvennalistakonum á þingi hafi ver-
ið Eiður Guðnason, og í orðinu karlmannlegur fólst í það
sinnið hvorki riddaramennska eða kurteisi að fornum
sið. Þegarverið var aðdragatil sætis í efri deild, gantað-
ist Guðrún Agnarsdóttir við Eið og sagði að nú lenti
hann örugglega í því að sitja hjá þeim Kvennalistakon-
unum í efri deild, henni og Danfríði. Dregið er eftir staf-
rófsröð. Danfríður dró fyrst og dró sæti númer 11, Eiður
dró strax á eftir henni og fékk sæti númer 10, nú drógu
tveir Guðmundar og segir ekki af þeim, en þegar Guð-
rún bjó sig undir að draga númer, leit hún kankvís á Eið
meðorðunum „bíddu bara“ ogsjá; húndrósæti númer9.
Kosiö í nefndir
Á þriðja degi þingsins var kosið í fastanefndir þess.
Venjulega fer slíkt fram með ró og spekt því í raun er bú-
ið að ákveða fyrirfram hverjir fari í nefndirnar. Þær
óvenjulegu aðstæður eru nú í neðri deild að þar eru jafn-
margir úr stjórn og stjórnarandstöðu og þar náðist ekki
samkomulag um nefndaskipan áður en gengið var til
kosninga. I hverri nefnd eru 7 fulltrúar og bæði stjórn og
stjórnarandstaða báru fram lista með 4 nöfnum fyrir
hverja nefnd deildarinnar. Við kosningu fengu svo auð-
vitað listarnir jafn mörg atkvæði, eða 21 hvor, og þess
vegna þurfti að draga um hvor listinn kæmi fjórða manni
inn. Sem frægt er orðið gerðust þau undur að stjórnar-
listinn kom alltaf að sínum manni og hefur stjórnin því
meirihluta í öllum nefndum. Guðrún Halldórsdóttir, sem
var á þingi fyrir Þórhildi fyrstu 3 vikur þingsins, var sér-
staklega óheppin í þessu happadrætti, hún þurfti að
draga þrisvar sinnum og tapaði jú alltaf. Kvennalista-
konur sitja í eftirtöldum fastanefndum Alþingis. Málm-
fríður í fjárveitinganefnd sameinaðs þings, Kristín Ein-
arsdóttir í utanríkismálanefnd s.þ. og í iðnaðar- og fé-
lagsmálanefndum neðri deildar, Guðrún Agnarsdóttir er
I allsherjarnefnd s.þ. og í landbúnaðar-, sjávarútvegs-
og heilbrigðis- og tryggingarmálanefnd n.d., Danfriður
er í menntamálanefnd efri deildar og Kristín Halldórs-
dóttir er í fjárhags- og viðskipta- og í allsherjarnefnd n.d.
í átta fastanefndum þingsins á Kvennalistinn ekki full-
trúa en þingkonur reyna að fylgjast með málum sem
tekin eru fyrir I þeim nefndum með því að sækja um
áheyrnaraðild í þeim.
Þingmál sem Kvennalistakonur hafa veriö
fyrstu flutningsmenn aö
Hér fer á eftir listi yfir þau mál sem þingkonur
Kvennalistans hafa verið fyrstu flutningsmenn að á
fyrstu 6 vikum yfirstandandi þings. Þær hafa einnig
verið meðflutningsmenn nokkurra mála, en í allt
hafa verið lögð fram 110 þingmál á þessum tíma.
FRUMVARP TIL LAGA UM:
* breytingu á sveitarstjórnarlögum.
TILLÖGUR TIL ÞINGSÁLYKTUNAR UM:
* umhverfisfræðslu.
* endurskoöun laga um ráðstafanir til jöfnunar á
námskostnaði.
* setningu laga um sjálfseignarstofnanir.
* að efla kjararannsóknir.
* launakostnað við mötuneyti framhaldsskól-
anna.
FYRIRSPURNIR TIL:
* iðnaðarráðherra um undirbúning að nýju álveri
við Straumsvík.
* menntamálaráðherra um leiðbeinendur og
stundakennara í grunnskólum og framhaldsskólum.
* fjármálaráðherra um tekjur einstaklinga.
* fjármálaráðherra um tekjuskatt ríkisstarfs-
manna.
* heilbrigðisráðherra um mengunarvarnir hjá ís-
lenska álfélaginu hf.
* fjármálaráðherra um söluskatt af námsbókum.
* samgönguráðherra um hækkun póstburðar-
gjalda.
BEIÐNI UM SKÝRSLU FRÁ
* forsætisráðherra um stöðu og rekstur fisk-
vinnslufyrirtækja.
* menntamálaráðherra um stöðu list- og verk-
menntagreina, heimilisfræða og íþróttakennslu í
skólum landsins og menntun kennara í þessum
greinum.
38