Vera - 01.12.1992, Blaðsíða 33

Vera - 01.12.1992, Blaðsíða 33
BÓKADÓMUR ÓÐURINN UM EVU Sagnir af gyðjum og konum MANUELA DUNN MASCETTI Þýðandi Guðrún J. Bachmann Forlagið 1992 Manuclsi Dunn Mascetti Séra Hanna Maria Péturs- dóttir segir í formála að bók- inni að Óðurinn um Evu sé ljóðræn og falleg túlkun á sögu kvenímyndar Guðs í ólíkum menningarsamfélögum. Höfundur, ítalskur mann- fræðingur, segir i inngangi sínum að hér sé gyðjunni lýst í öllum sinum ólíku birtingar- formum og myndum. Ekki sé ætlunin að ferðast um tímans rás og rekja breytingar sem orðið hafa, „heldur er hér boðið til veislu skilningarvitanna þar sem gyðjan er sýnd i öllum sínum mismunandi gervum og við getum séð hvernig hún birtist okkur í dag, í lífi og athöfnum okkar allra. Þannig getum við fundið nýjar og forvitnilegar leiðir til að auka vitund okkar og sjálfsþekk- ingu svo óður Evu fái aftur að hljóma." Þetta hljómar svo sannar- lega vel, en því miður naut ég ekki veislunnar og heyrði aldrei óð Evu. Höfundur tínir til ijölda dæma úr goðsögnum ýmissa trúar- og menningar- samfélaga. Það er gaman að lesa goðsögurnar þó deila megi um túlkun höfundar á þeim. Höfundur rekur nokkrar goð- sagnir um eðli konunnar og reynir að sýna fram á að hver kona eigi sína gyðju. „Gyðju- dýrkun“ hefur nokkuð verið í tísku undanfarin ár og er Óðurínn til Evu ein af íjöl- mörgum bókum sem út hafa komið um efnið (má þar nefna Goddesses in Everywoman, 1984). Þetta er íýrsta gyðju- bókin sem ég les og þvi er ég ekki í stakk búin til að bera þær saman og segja hvað þessa skortir eða hefur fram yfir hinar. Höfundi er tíðrætt um eðli konunnar og segir það gera „henni auðvell og sjálf- sagt að rækja hlutverk hof- gyðjunnar, þeirrar sem varð- veitir hina miklu leyndardóma þess óþekkta.... Konan er eins og leysingar að vorí, tekur á sig ótal nýjar myndir og breytist í samræmi við náttúruöjlin. EJ við skiljum eðli konunnar getum við betur skilið þau meðvituðu og ómeðvituðu öjl sem eru að verki í lífinu og í manneskjunnL Náin tengsl konu við rödd eðlisávísunar sinnar biríast í líkama hennar, í Jæðingu, tíðum, kynlífi og móðurhlutverkinu. Hinar dul- rænu hliðar sjálfsins birtast í helgiathöjnum og galdramættl Konan brúar á vissan hátt bilið sem er á milli okkar meðvitaða daglega lífs og þess ókunna djúps sem erjitt er að útskýra en er engu að síður til staðar í okkur öllum. “ Þvi miður tekst höfundi ekki að rökstyðja þessar for- vitnilegu kenningar í bókinni. Ef til vill sýnir það hve erfltt er að gera flóknu máli skil á einfaldan hátt? Bókin er vel úr garði gerð, kápa og brot falleg og fjöl- margar og vel valdar myndir prýða hana. En textinn flnnst mér heldur rýr og höfundi (eða þýðanda) tekst ekki sú ætlun sín að vera ljóðrænn. Textinn er á köflum of stofnanalegur (frumstæðir þjóðflokkar (!) fremja t.d. regndans), notkun tilvísanafornafna og laus greinis fer úr böndum og lýtir textann. Óþarflega oft er talað um menn og konur í staðinn fyrir karla og konur. Yfirleitt er notað líka og kannski (jafnvel tvisvar í einni setningu) þar sem betur færi á að nota önnur orð. Hinsvegar er iðulega notað tilvísanafornafnið er i stað sem og verður textinn því undarleg blanda uppskrúfaðs og daglegs máls. Það er bagalegt hve tölvuforritið er látið ráða mikið ferðinni, samanber myndasíður þar sem textinn er í kringum myndir. Á bls. 15 er t.d. of stult bil á milli orða og á bls. 42 rennur vandamáliðóleyst saman við hlið myndatexta. Skiptingar milli lína eru heldur ekki alltaf réttar t.d. kar- laveldis bls. 7 og hvað er band- strikið að gera í utanað- komandi á bls. 200? (þar er líka prentvilla: sáu í hring í stað sátu). Gæsalappir eru vitlausar á bls. 231 og tenging milli síða 176 og 181 er undarleg, það vantar þvi miður endinn á söguna um kven- páfann Jóhönnu. Myndatexta vantar viða og sumar tilvísanir detta dauðar niður þar sem nánari útskýringu vantar (höf- undur vísar t.d. til steina- hringsins í Stonehenge án þess að birta mynd af fyrir- bærinu eða útskýra það með nokkrum orðum). Það er auðséð að ekkert hefur verið til sparað með útlit bókarinnar, hún er prentuð á fallegan pappír og litmyndir eru margar. Það er þvi synd að gæði textans skuli ekki vera í samræmi við umgjörðina. □ Ragnhildur Vigfúsdóttir GLEÐILEG JÓL AFMÆLISTILBOÐ VERA FRÁ UPPHAFI Á ADEINS 3500 KR. Vegna eftirspurnar ítrekum viö tilboö okkar frá síöasta blaöi. Einstök heimild um kvennabaráttu síöustu 10 ára. Fœst á skrifstofunni, Laugavegi 17, sími; 91-22188. GJAFAÁSKRIFT GEFÐU GJÖF SEM KEMUR SKEMMTILEGA Á ÓVART! Ársáskrift að VERU kostar 2600 kr. og hálft ár kostar 1300 kr. Falleg gjafakort fylgja góðri gjöf. VERA, LAUGAVEGI 17, SÍMI 91-22188 33

x

Vera

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vera
https://timarit.is/publication/858

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.