Vera - 01.02.1997, Page 4

I £> i ö a r i
Þrælaeyjan?
Á íslandi vinna fleiri konur utan heimilis en á
öörum Norðurlöndum. Hér er launamunur á milli
kynja mestur. Hér eiga konur flest börn. Hér eru
fæst heilsdagspláss í dagvistun. Fæöingar-
orlofið er styst hér á landi. ísland á fæsta
kvenráðherra. Konur sem hafa stofnað
fjölskyldu á aldrinum 20 til 24 ára eru flestar
hér á landi. Atvinnuþátttaka kvenna á aldrinum
64 til 74 ára er mest hér á landi. Konur sem hafa látist af völdum krabbameins á
aldrinum 45 til 64 ára eru miklu fleiri hér á landi en á öðrum Norðurlöndum, að
Danmörku undanskilinni.
Þessar staðreyndir koma fram í greininni Konur í tölum eftir Guðnýju Eydal hér í
blaðinu. Þær eru fengnar úr riti, sem Norræna ráðherranefndin hefur gefið út, um
stöðu kvenna og karla á Norðurlöndum. Vissulega sláandi staðreyndir og vert að rýna
í samhengið á milli þeirra. Mikil atvinnuþátttaka, mörg börn, ónóg heilsdagsvistun,
ungar mæður, lág laun. Veldur líf við þessar aðstæður streitu? Getur streita haft áhrif
á myndun krabbameins?
Aðalefni blaðsins fjallar um afkomuna og lágu launin. Hvernig er hægt að framfleyta
fjölskyldu fyrir 65 þúsund krónur á mánuði þegar tölulegar staðreyndir sýna að það
kostar 130 þúsund krónur? Því svarar Esther Hlöðversdóttir m.a. og bendir á að eina
leiðin sé að spara. Og hvað skyldi Esther spara? Jú, auðvitað allt sem lýtur að henni
sjálfri. Hún kaupir sér ekki föt, fer aldrei út að skemmta sér, í bíó eöa leikhús. Hún
kaupir ekki dagblöð, fer ekki í sumarfri og leyfir sér ekki að kaupa innbústryggingar.
Börnin hennar sjá óréttlætið í þjóðfélaginu og draga sínar ályktanir. Esther hefur
áhyggjur af því að láglaunastefnan verði til þess að viö töpum æskunni. „Börn og
unglingar eru réttlætismanneskjur," segir hún og undrast blindu ráðamanna
þjóðfélagsins, að þeir skuli ekki sjá það sem er að gerast fýrir framan augun á þeim.
Kostnaður við húsnæðisöflun er þungur baggi á yngra fólki og í viðtali við
forstöðumann Ráðgjafarstofu um flármál heimilanna koma fram hrikalegar staðreyndir
sem sýna hve vonlaust dæmið getur verið. Þarf að spyrja að því hvernig andleg líðan
fólks er sem er með eina og hálfa milljón króna í vanskilum?
Fyrir einum til tveimur áratugum þótti mikið þegar forstjórar höfðu þreföld eða
fjórföld laun á við venjulegt launafólk. Nú sýna tölur hins vegar að laun þeirra eru
fimmtán til tuttuguföld. Hvaða réttlæti er í þvl að stjórnendur fái mun meira greitt á
mánuði en þeir lægra launuðu á heilu ári?
Elisabet Þorgeirsdóttir
Rabb.um „
kvennafræði
Rannsóknastofa I kvennafræðum
stendur fyrir rabbi um rannsóknir og
kvennafræði, á fimmtudögum I stofu
2011 Odda. Allir eru velkomnir að taka
þátt og fræðast um spennandi málefni.
Dagskrá vormisseris 1997
27. febrúar
Hagfræði mismununar. Eru tengsl
milli hagvaxtar ogjafnréttis?
Tryggvi Þór Herbertsson, forstöðumaður
Hagfræðistofnunar HÍ og lektor I viðkipta-
og hagfræðideild.
13. mars
Kvennaréttur, hvað er það?
Brynhildur Flóvenz, lögfræðingur á
skrifstofu jafnréttismála.
3. apríl
„En ég er hér ef einhver til mín
spyrði". Ljóð eftir ísienskar konur
1876-1995
Helga Kress, prófessor I almennri
bókmenntafræði og forstöðumaður
Rannsóknastofu I kvennafræðum.
10. apríl
Hvar eru konurnar? Hver er hlutur
kvenna; fréttum, íþróttum,
auglýsingum og barnaefni?
Sigrún Stefánsdóttir fjölmiðlafræðingur
og lektor við HÍ.
17. apríl
Breytt sýn á sjávarbyggðir
Unnur Dís Skaptadóttir, mannfræðingur.
17. apríl kl. 12.00.
Opinber fyrirlestur
Kona varð til
Dagný Kristjánsdóttir heldur fyrirlestur
um fyrstu doktorsritgeröina I
kvennafræðum við HÍ. 20. mars kl.
17.15,1 stofu 1011 Odda.
Námskeið
Internetið út frá kvennafræðilegu
sjónarhorni
Námskeið I samvinnu við
Endurmenntunarstofnun. Kennari: Dr.
Anne Clyde, dósent I bókasafns- og
upplýsingafræði. Kennt er á ensku.
Sunnudaginn 2. mars, kl. 10.00 til
17.00 I stofu 102 I Odda. Upplýsingar
hjá Rannsóknastofu I kvennafræðum og
hjá Endurmenntunarstofnun.