Ljósmæðrablaðið - 01.01.1986, Blaðsíða 31

LJÓSMÆÐRABLAÐIÐ
27
Augu: Sjónskerðing getur komið fram og gæti endað með blindu.
Orsökin er blæðing í augnbotnum. Þetta er acut ástand og mjög
mikilvægt að gripið sé í taumana áður en svo langt er komið.
Drep í lifur: Verði drep í lifur vegna samdrátta í arteriolum,
minnkar blóðflæði og það verður súrefnisskortur.
Nýru: Skemmdirnar verða aðallega i glomerulus. Sjá þátt um
nýrnabreytingar í kaflanum um orsakir.
Áverkar: Fari pre-eclampsi yfir í eclampsi getur konan fengið
áverka í munnholi og á útlimum, eins er hætta á að hún aspireri
sem getur valdið alvarlegri aspiration pnheumoni.
Minnkað blóðflceði til legs: í kaflanum um orsakir var talað um
að minnkað blóðflæði til legs og fylgju valdi því að fóstrið fái
minni næringu en ella. Fylgjan kalkar mun fyrr en í eðlilegri með-
göngu, sem leiðir af sér minnkaða starfsemi. Þessi intrauterin
næringarskortur getur verið alger og valdið fósturdauða, eða að
hluta og við fáum barn sem er of lítið miðað við meðgöngulengd.
Fyrirburðarfæðingar eru algengari hjá pre-eclampsi og getur
það verið vegna þess að legið virðist vera næmara fyrir ertingu.
Auk þessa þarf oft að fjarlægja burðinn vegna versnandi ástand
móður og hækkar það tíðni fyrirbura hjá þessum konum. (11, 13,
10, 12)
Eclampsi
Hugtakið eclampsi kemur úr grísku og þar er það skilgreint sem
þruma úr heiðskýru lofti. Vegna þess hve einkennin geta verið
lúmsk gat fólk ekki fundið nein einkenni sem voru undanfari
eclampsi og þess vegna hafa krampaköstin verið sem þruma úr
heiðskýru lofti.
Það er hinsvegar vitað í dag að eclampsi er afleiðing af slæmri
og ómeðhöndlaðri pre-eclampsi. Af þvi má sjá að nákvæmt eftir-
lit og meðferð getur dregið mikið úr eða jafnvel komið í veg fyrir
eclampsi.
Eclampsi lýsir sér með krömpum og meðvitundarleysi sem kem-
ur í framhaldi af pre-eclampsi sjúkdómi.